HIKAJAT
Si Umbuik Mudo
Adolah bando satu bando
Talatak dalam pasia badjak
Hambo hikajatkan si Umbuik Mudo
Dengan Puti si Galang Banjak
Hari nan sadang tangah hari tapek sadang sanggang matohari sadang bunta bajang² sadang induang saliguri sadang litak letai andjiang sadang anok2 unggeh sadang langang rang dikampuang sadang rami rang dibalai.
Pado maso dewaso ilu takana bana diamai si Umbuik bapantun pantun sorang apolah buah bunji pantunnjo
Siambek buah siambek
Diambiak rang mandjadja
Badan den batambah gaek
Anak nan balun bapangadja
Nak duo pantun sairiang apolah buah pantunnjo;
Talatak talutan lutan
Talatak didalam padi
Oi anak kamari den katokan
Supajo anak buliah diadjari
Turunlah si Umbuik Mudo dari anjuang maligai njo sarato tibo injo batanjo oi amai djo den di amai apokoh kaba dengan barito
Mandjawab amal di Umbuik oi Bujang djo den di Bujung mangko anak den imbai kamari ado nan labiah den rusuahkan ado nan labiah den risaukan
