This page has been proofread.
Ad üna morta.
Spartid' ais ella, morta, la povrina;
Pü podero sa pel sco vlüd glischer,
Pü udiro sa vusch, usche bellina,
Bain sco la Patti dutsch e bain chanter.
Dasper ma maisa pü vzaro la chera,
Guarder sün me cun ögl intelligiaint
E s'allegrer, me vzand da buna tschera .....
Crudella mort, per ella crid intaunt!
Sainz' ella ais la terra sainza spraunza;
La megldr' amia m'involet la mort!
Gio nel curtin ho ella fraida staunza;
Tü, giatta chera, eirast mieu confort!
1869.
La mamma dorma!
»La mamma dorma hoz bain löng, Maria;
Ad ais las nouv ed ella sü nun sto;
La sdasder our voless ..... Que fo fadia
Da sdasder our chi dorm' usche beo.«
