This page has been proofread.
Scha'l mer nun vez, las stailas
Neir vez del fos il sguard!
Scha orva ais Annina,
Sieu cour ais pür e zart.
15 Avrlgl 1867.
La rassetta.
Eau he üna rassetta
L'ais naira da colur;
M'ais chera sco diletta,
Sco'l prüm sorrir d'amur.
Comparsa fet zuond bella
In bals, concerts, tramegl.
E pü d'na giuvintschella,
Nun la perdet our d'ögl!
La gloria ais uoss' svanida;
Üseda ell' ais zuond
E co e lo scusida .....
O displaschair profuond!
Ell' och buttuns posseda,
Sun tuots, vzais, scompagnos;
La saida d'tuots üseda,
Da pail sun els privos!
