Lo la natür' in mistica favella
Respuond al clam del cour oppress, chalcho;
E percurrind il god, il pro, la sella,
Ün ais containt, felizi e beo.
Be paun e lat ans spordsch' allo la maisa;
Il verd tapet ais lam e cher s-chabe;
Del opulent, ch'ais mê la richa spaisa,
In tieu cunfrunt, o simpel past usche?
O lö idillic, aint nel cour imprima
La pêsch chi regna in tieu sain prüvo;
Inflamm' in el la püra zarta rima,
Cha la natüra ho dal tschel erto.
O smaunch' amia que chi chalcha quia!
Vo, pellegrina in quel lö zuond cher
E dun' ün pled da spraunz' all' orma mia;
Ed ama'm saimper sco amih sincer.
17 Avrigl 1871.
Artur.
»Di'm cher Artur, perche tieu ögl as bagna?
Che't maunch' infaunt, perche hest da crider?«
»»La mamm' amih, la mamma saimper lagna!««
»La mamma sgür cun dret stovet lagner!
