This page has been proofread.
L'immens creo ais armonia,
Cha cour sensibel so chapir;
Natür' inter' ais poesia,
La vusch da Dieu ais sieu respir.
La vusch eterna d'la natüra
As masd' al chaunt da vus, mieus chers,
Da nus slontauna l'ora s-chüra,
Fadias, led, dolur, pissers!
Chantunzs, chantunzas, ün' evviva,
acceptè, d'ün cour amih,
A tuots dunains leidezza viva
E bain custaivel fais quaist di!
Evviva, viva, l'armonia
Darcho s'unesch' in vair plaschair:
»A bun ans vair! Brajed' amia!
Eau's di: »Mieus chers, a bun ans vair!«
2 Gün 1879.
Sulet.
Nun he ne duonna, ne infaunt,
Desert' ais ma chambretta!
Nun od üngün am dir: bainvgnaint!
Üngüna vusch diletta.
