This page has been proofread.
Lena.
Nus gettans insemmel in schlitta;
Que eira d'Nadêl il firo;
Avettans quel di bella vita,
Quel di ais pür memma passo.
Nun est pü giuvnetta ma chera;
Eau grisch, quasi alv sun dvanto;
Nel cour d'amenduos ais tschiera;
D'amur il solagl tramunto.
La certosa a Bologna.
Co milli, milli quaidamaing reposan,
Silenzi regna sur il champ da pôs,
Be filomelas lur amuors rechauntan,
U cridan forsa per ils trapassos.
Co monumaints superbamaig attestan,
Cha'ls grands bain aman d'esser admiros,
E scha in vita ödi meritettan,
In marmel vöglian esser veneros!
