This page has been validated.
»Per que tü cridast, bella Nina?
Il led ais pitschen, cher infaunt!
Il tschel benign mê nun at pina,
Pü greiv cordöli del preschaint!«
»Crider pür lascha, dutsch' amia,
Chi orfan viva be sulet!
Las larmas terdscha, a fadia
Subentr' in cour serain dalet!«
Avuost 1867.
Üna veglia chanzun.
»Liebchen lass' dich küssen!«
Chauntast tü gugent;
Ais quetaunt per quaida,
U be pled al vent?
Que nun se, ma bella,
Be at dir m'ais cher,
Cha ta buoch' ais rösa
Degna da bütscher!
Tü dist: Bütschs con barba
Pfui! nun am eau brich!
Quels dimena sainza
Amast forsa fich?
