This page has been proofread.
II chastlaun da Guardaval.
I.
La chatscha.
Süsom la val compera glüsch doreda
E l'alba vaindsch' il s-chür da quaida not;
Il god sdasda, dels utschels l'armeda
Intun' ün inno da leidezza, lod;
D'colur rösina brilla il vadret;
Profüm da fluors allegra, do dalet.
Sün Guardaval ais movimaint e vita;
Il corn resuna tres la val sonor;
Per ir a chatscha ün as pin', infitta ;
Giodair ün voul la pompa our dadour;
II rich chastlaun, ün craunz da cavaliers,
La vita giodan sainza bgers pissers.
Gio nella val la nöbla compagnia
Ais arriveda; od' ils chauns latrer;
Da Chamues-ch ün piglia spert la via;
La sulvaschina sgür nun po mancher;
Ün s'impromett' ün di rich da butin
Ed üna tschaina cun faraus bun vin.
