This page has not been proofread.
kö lelitis vül sembal lusölanik
no lustolom su pops ainedebik.
Ini motatal äsiadon omi,
no äpladon su sepasmabel stoni,
kelos ävedom lejül ta lüg lifa.
Kikod ston? atos binom lad jipula,
e nesenik: sis deil montiala!
ed if no binom ya sen in lab lada,
kisi men sötom sükön su plen vola?
Jipul no äbinof talik lonedo:
Äbedofok: äslipof plo egelo!
E dünan nepalöl, pöfik, vö! pöfik,
pos depübam gäla oba soelik,
vio äkanom-la polön böladi
lifa? ko nams lönik äfunom oki.
III.
In laf aneita sepadakiköl
dünan suistanom, ali plad golöl,
kö äsepon vöno jipuli löfik;
vilom logön lugodi lada omik.
Ab jipuli löfik no kanom logön,
bi atof de sep binof i segolöl,
– 18 –
