Page:Flolemil poedotas nugänik.djvu/16

us su talil pesanöl äkienom;
dlenis valik logas oma äspilom
su tal, kel sep neta omik ävedom;
bi dlen oma äbinom div soelik,
kel äpalemänos de bölüds omik;
luxamön ati voto no ävilom. –

     Egolom ko lüg oma vemo dumik,
kel äkopanom omi äs jad flenik;
ven fa tevam düfik ävedom fenik,
al taked ägolom in topöf stilik,
in län sembal fagik popa foginik;
e das deil omi (ätikom togo)
steböl su plad öt, otuvom sunumo;
e ven ofälom su om flol deila,
vedoms pobefulöls flags valik oma.
Atosi in topöf stilik äspelom,
köi feniko takedön ägolom. –

     Kelöp jipul jönik, yunik älifom,
e keli topöf lölik äbestunom.
Ab no älogom lejöni jipula;
nosi älogom, te fini fatäna!
No älogom, das ofenumo al om
jipula logas lit stelnik äflitom,
e logeds at vio flamöl äbinoms! –

– 16 –