50
ug nakagasto siya ug napulo ka pisos: — ang kagamhanan ug ang mga kura wala gayud makakita ug labing maayong tambal batok sa “epizootia” kun kamatay sa mga hayop — ug bisan pa niadto, ang iyang mga kabayo nangamatay. Apan nalipay na lamang siya, kay sukad sabligi sa tubig nga bendita, human sa mga seremonyas ug mga pangadye nga linatin sa Pari, ang iyang mga kabayo nagpaarat na hinoon ug tinuod kay ngani dili na man pasangon, ug siya si Sinong, sanglit maayong kristiyanos, diil mangahas pagbunal kanila tungud kay gisultihan man siya
sa usa ka “Hermano tercero” nga kadtong mga kabayo-a pulos
na mga benditado.
Maoy naulahi sa pasunding ang Birhen, nga nagasul-ob sa saput sa Divina Pastora, nagabutang sa ulo ug kalo nga jrondeuse nga lapad ug paldiyas ug tinauran ug mga balhibo sa langgam, aron pagpasabut sa iyang pagpanaw ngadto sa Herusalem. Ug aron hisabtan nganong nag-anak siya, ang kura misugo nga sa ilalum sa iyang saya pamutangag mga nuog ug mga doldol aron sa ingon niana mobugdo ang iyang pus-on ug matambok nga tan-awon ang iyang lawas, ug sa ingon niini wala nay magaduhaduha nga siya nagasabak gayud. Kadtong larawan matahum uyamut, masulub-on usab ug panagway sama sa tanang mga larawan nga binuhat sa mga Pilipinhon, daw ingon sa naulaw siya, kaha tungud kay ang P. Kura nagbuut nga ingnon niadto ang iyang panagway. Sa atubangan sa larawan makita ang pipila ka kantores, sa luyo makita usab ang pipila ka lugas nga mga musiko ug mga sibil. Ang kura, sumala sa atong mapaabut human sa iyang gibuhat, wala mokuyog sa pasunding: niadtong tuiga nasuko siya kaayo tungud kay napilit paggawi sa tanan niyang kalaki ug mga sulti nga maayong pagkabagay aron gayud ang mga molupyo mobayad na lamang unta ug katloan ka pisos sa kada misa sa kaadlawon nga iyang himuon inay sa kaluhaan nga naandan na.
— Dili madugay mangahimo gayud kamong mga “filibustero” (manggugubut) — miingon siya.
Dagway nagpalandong ug tinuod ang kotsero sa mga butang nga iyang nakita sa pasunding, kay sa pagkatapus na niini ug diha nga gisugo na siya pagpalakaw ni Basilio, wala siya makamatngon nga ang parol sa iyang salakyanan napalong diay. Sa iyang bahin, si Basilio wala usab makamatngon niadto, sanglit
