- 145
lili mihukom, apan maoy iyang gipabuhat sa hukom ang Probinsiyal sa mga prayle nga nakakitag buroka, mitubag si Pekson.
Ug mibalik pagkatawa pag-ayo,, sama sa naghisgut sa usa ka butang nga walay hinungdan. Mihatag siyag mga ngalan, mga adlaw ug nagsaad sa pagdala sa mga kalig-onan nga makagmatuod kon giunsa paghusay.
— Apan, unsay pasikaran, sultihi ako, unsay pasikaran aron dili itugot ang usa ka butang nga makita sa mga mata nga dakug kapuslanan ug kinahanglan uyamut?, nangotana si Sandobal.
Si Pekson igo lamang nga gipakibo ang iyang abaga.
— Mahadlok sila nga mabungkag ang pagkahiusa sa yutang natawhan . . . mitubag sama sa usa ka kawani sa hukmanan nga magbasag usa ka “alegato”.
— Kana maoy dili masabut . . . Unsay labut sa paghiusa sa yutang natawhan sa mga lagda sa sintaksis?
— Ang atong inahang simbahan adunay iyang mga doktor . . . ambut, wala ako makasabut . . . tingali mahadlok sila nga makasabut kita unya sa mga balaod ug atong tumanon . . . Unsay mahitabo kaha sa Pilipinas sa adlaw nga magkasinabut kitang tanan?
Si Sandobal wala mahimuot sa lakaw sa panagsulti nga may sakot nga tiaw. Niadtong paglakata dili siya makakitag higayon sa paghimog usa ka maayong pakigpulong.
Ayaw gani isakbot sa tiawtiaw kining mga butanga, miingon siya; kining mga butanga nagkinahanglang kaligdong.
Hesus, nga luwason ako niya sa pagtiaw kon anaay prayle nga mahiuban.
Apan, unsa man lagiy ilang pasikaran?
— Nga tungod kay ang mga klasi himoon man gayud sa gabii, mipadayon pagsulti si Pekson sa dakung kabugnaw sa buot, sama sa nagsulti sa mga butang nga hibaloan na; mahimo nga mao unyay sinugdan sa kahilayan sama sa nahitabo sa eskuelahan sa Malolos ...
— Lain na usab kana? Kay ngano man dili ba hinoon magabii ang mga klasi sa Akademya sa dibuho, ug ang mga prosesyon ug ang mga nobena? . . .
— Makakuha sa kaligdong sa Unibersidad, nagpadayon ang tambok, sa walay panumbaling sa mga katarungan ni Sandobal.
