This page has been validated.
119
— Ikatulo ka adlaw na karon nga nag-utas siyag anhi; maoy
usa intawon ka alaut nga dalaga . . .
— Ah nahinumdom diay ako! — miingon si P. Camorra; — kaganina nagkanayon ako: aduna akoy igsusulti sa Heneral, alang niana mianhi ako . . . aron motabang paghangyo nga itugot unta ang gipangayo nianang babayhana!
Ang Heneral mikalot sa luyo sa iyang pikas nga dalonggan.
— Na! — miingon siya; — nga sulatan sa kalihim ang teniyente sa “Guardia Civil” aron buhian kanang tawhana! Dili sila makaingon nga ako dili maluluton ni maloluy-on!
Ug unya mitan-aw kang Ben Zayb. Ang magsusulat mikilo.
