112
galigdong siya pagsulti; — ang mga tulonghaan pamuksan lamang sa mga adlaw nga may buhat, ug ang mga bulangan sa
mga adlaw sa pangilin ... Sa ingon niana, nga himuog tulong
haan ang mga bulangan, bisan sulod lamang sa semana.
— Ka yati, ka yati niining tawhana!
— Nagpagula na usab sa iyang kalaki.
— Pagkadaghan ugod nimog kalaki nga hihuna-hunaan, don Custodio!
— Makapahimuot ur6y kanang hunahunaa!
— Gilupig hinuon niya ang tanan!
— Apan, mga ginoo, — misinggit si don Custodio sa pagkadungog niadtong mga sukiha; — ilingi ta ang atong hunahuna niadtong mga butang nga mahimo pagbuhat, kay unsa mang mga balaya ang labing maayong buhatog mga tulonghaan kay sa mga bulangan? Dagku, maayong pagkabuhat, ug dili sila magapulos sulod sa mga adlaw sa semana nga tingbuhat. Bisan mao na lamay atong palandungon nga kanang akong gihunahuna makatabang sa paglinis sa mga pamatasan, takus na siya dawaton: ingnon tang pulonga, matag-semana hugasan ug silhigon sa tulong haan ang mga kahilayan ug mga sala nga mahimo nianang mga balaya sulod sa mga adlaw nga magbulang.
— Apan usahay adunay bulang sulod sa semana — mipahinumdom si P. Camorra, — ug dili makatarunganon nga sanglit ang mga tag-iya sa bulangan nanagbayad sa kagamhanan. . .
— Aw, nianang mga adlawa takpan ang tulonghaan!. . .
— Ka yati, ka yati mo kini! — miingon ang Kapitan Heneral nga gihilasan; — kanang buhata nga mahugaw kaayo dili gayud mahitabo samtang mamunoan pa ako dinhi! Nga takpan ang mga tulonghaan tungod lamang kay magasugal! ka yati mo kini! Moluwat ako pag-una sa akong katungdanan! Ug ang Kapitan Heneral gihilasan gayud intawon pag-ayo.
— Apan Heneral ko, maayo pa nga takpan sila sulod sa pipila lamang ka adlaw nga dili takpan sulod sa pipila ka bulan.
— Kana mahasupak gayud sa maayong pamatasan! — misumpay si P. Irene nga labi pang nasuko kay sa Kapitan Heneral.
— Labi pang supak sa maayong pamatasan nga ang mga ka hilayan adunay mga balay ug ang mga bata hinoong nanagtungha wala . . . Mga ginoo, pilion ta kadtong mga butang nga labing maayong buhaton, ug dili kita pabuyo sa mga sugyot sa pagbati
