agtataray dagiti kabkabayo a babbai, a kamkamaten ida ti maysa
nga urbon a nabiag ti darana, atiddag ti iposna ket napuskol ti
buok na: ti urbon aggaraigi ket magunggon ti daga a baddeken
dagiti napigsa a saksakana.
Bay-antay ti bumaro nga agbaniaga, nga agpanpanunot wenno-agsusugel: saan a maawis ti imatangna iti naliday wenno iti
nabiag a kinalasbang dagiti kataltalunan; ti init a mamagsilap kadagiti panpantok dagiti kaykayo ken mamagtaray kadagiti agtaltalon, a dagiti dapdapanda siniten ti bumarbara a daga, nupay
limmalatdan, ti init a mamagsardeng kadagiti babbai a taga talon
iti linong ti maysa a salaysay wenno kinawayanan ken mamagpanunot kadakuada kadagiti banbanag a di mabalin a ibuksilan, daydi nga init awan sayaatna a mangawis iti daydi bumaro.
Agsublitay sadi Manila, ita ta ti lugan adda nga agbasing
basing a kas la maysa a nabartek, iti dakes a dalan, wenno laslasatenna ti maysa a rangtay a kawayan, wenno sangsang-atenna
ti maysa a nangato a turod, wenno agsalsalog a sipapardas.
— 63 —