IV
EREJE KEN PILIBUSTERO Ni Ibarra kas la dina ammo ti inna aramiden. Ti angin ti rabii, a kadagidi a bulan masansan a nalamiisen sadi Manila, kasna man pinunas iti mugingna daydi sangkabassit a ulep a nangullaap kenkuana: inikkatna ti kallugongna ket immanges.
Aglabasda a kas la kimat dagiti luglugan, dagiti kalkalesa a paupaan a ti pagnada arigna ti arinpapatayen, dagiti magmagna a tattao a nadumaduma dagiti pagpagilianda. Daydi bumaro nagturong id plasa ti Binondo, a ti pagnana, daytay saan a padapada a mangipadlaw iti awan panpanunutenna wenno iti adda sabali a yan ti nakemna, a kitakitaenna amin a di mangan-ano a kas ket itay adda kayatna a bigbigen. Dagiti lanlansangan isuda met laeng, kasta met dagiti balbalay a napintaan iti puraw ken balbag, a dagiti diddidingda inda napapuraw wenno napintaan iti kas la kita ti granito (bato a natangken unay) a saan met ngarod; ti pagkampanaan ti simbaan adda pay la nga ipakpakita na ti relos a rupa na ti maanninawan; dagiti paglaklakuan dagiti sasanglay isuda met laeng, agraman dagid narugit a daldalingdingda ken dagiti ungungkay da a landok, maysa kadagitoy inna binirkog iti naminsan a rabii, nga inna tinulad dagiti ububbing nga awanan sursuro sadi Manila: awan man ti nanglinteg. —jNainayad gayam ti pannagna! — indayumudumna ket nagkanayon iti lansangan a managan Sakrisda!
Dagiti aglaklako iti sorbete ipukpukkawda pay laeng ti: Sorbetees!; dagiti pagpagsaingan a biria siseseggedda pay laeng a mangsilaw kadagiti di nagbaliw a paglaklakuan dagiti sasanglay ken dagiti babbai, nga aglaklako kadagiti makmakan ken bungbunga. —jNakaskasdaaw! — kinunana; — iso pay la daydi insik idi maikapito a tawen, ket dayta baket ... iso met! Mabalin a kunaen a nagtagtagainepak a napan nagalla-alla sadi Europa iti bayat d
-24-
