lapped tapno matuloy laeng ti ragsak ti rambak: no sabali kurna
nga aldaw ti tawen, sabali kuma ti panaritaan dagiti lulua da a
lumbuak kadagiti nabukel a matmatada.
Kas kadagitoy pagdaydayawan a pagpagsaingan, mairuarda met kadagiti inda naglemlemmengan dagiti ar-aramid ti balasang: dagiti ab-abbong a ginansilio, dagiti ap-aplag a babassit, dagiti sabsabong nga aramid ti ima; agruar dagiti daan a banbandeja a sarming, a iti lansadda adda makita a sinan-danaw a yan dagiti ba bassit a sinan-ikan, sinan-buaya, sinan-lumot, sinan-kappo, sinankoral ken sinan-dili a sarming a naraniag ti buyada. Dagitoy a banbandeja mapunnuda iti tabako, sigarrilio ken babassit a mama, a siniglot dagiti nalinis a ram-ramay dagiti babbalasang. Ti datar ti balay sumilap a kas la sarming; daldalingding a jusi wenno pinia ti naikabil kadagiti ruruangan; kadagiti tawtawa, adda naibitin a parol a sarming wenno papel a lumabaga, balbag, naganos wenno nalabbasit- ti balay mapunno kadagiti sabsabong ken masmasetas a naiparabaw kadagiti damdamili a losa nga aggapo sadi China; pati pay dagiti sasanto maaruatanda, dagiti ladladawan kada relrelikia agpiestada met, masaplidanda tapno maikkat ti tapokda, madalusan dagiti sar-sarmingda ket dagiti basbasikawda mabitinanda kadagiti rineppet a sabsabong.
Kadagiti lanlansangan, iti sagtunggal anet, aduda dagiti napatakder a nakaay-avo a bakbakkuko (arko) a kawayan a sabasabali ti pannakaaramidda, napalawlawanda a nakuskusan, a ti la pannakakita kadakuada paragsakennan ti puso dagiti ububbing. Naipalawlaw iti paranga-an ti simbaan adda naaramid a dakkel ken r.angina a palapala a nasapawan kawayan dagiti tedteddekna, iso a pagnaan ti libot. Iti linong toy a palapala agga-ayam dagiti ubub bing, agtatarayda, kumaladkadda, lumagtuda nga inda pigisen da giti babbaro a badbadoda a rebbengda kuma nga ikapet iti aldao ti piesta.
Iti plasa iso ti nakaipatakderan ti entablado, pagbuyaan a ka wayan, nipa ken kayo: sadiay ti pangipakitaandanto iti laingda dagiti kumkumedia a taga Tondo ken pakisinnaitandanto kada giti didios iti panagaramid iti milagro a di mabalin a maaramid; sadiay ti pagdayyengan ken pagsalaanto da Marianito, Chananay, Balbino, Ratia, Carvajal, Yeyeng, Liceria, kdmpy. Ti pilipino naayat kadagiti buybuya ket tumabuno a si-aayat kadagiti komkomedia; denggenna a siuulimek ti dayyeng, pagsiddaawanna ti sala
