Ni Leon intapugna ti kawayan iti danom, ngem makita iti rupana ti kigtotna. Siuulimek a kimmita iti apagbiit iti asideg ti bantay ket intuluyna nga intukudtukod ti kawayan iti uneg ti danom: idi kuan, a dina ket inaon, kinunana iti nainayad:
—Adda buaya.
—¡Adda buaya! —inulitda amin.
Daydi sao naggiinnallawatanda iti let-ang ti kigtot ken bu teng da amin.
—¿Ania ti kunayo? —sinaludsudda. —Kunak nga adda buaya a natiliw, kinuna ni Leon, ket intapugna ti murdong ti kawayan iti danom, sana intuloy. —¡Mangngegyo dayta aweng ita? saan a darat dayta, iso ti natangken a lalat, ti bukot ti buaya. dMakitayo ti panaggaraw dagiti kawkawayan? iso ti buaya ta agkulipagpag, ngem napikunpikon; aguraykayo . . . dakkel: ti bagina adda ngata nganngani sangadangan wenno nasurok ti kakabana.
—¿Ania ti aramiden? —iso ti saludsodda.
—¡Tiliwen! —adda nagkuna.
—¡Jesus! d ket asinno ti mangtiliw?
Awan mayat a tumapog iti yan ti peggad. Adalem ti danom.
—¡Igaluttay kuma iti bangka tayo aya, sa tay guyuden a sibaballigi!—kinuna ni Sinang;—napanna ket linamot dagiti ik-ikan a sida tay kuman!
—¡Inggana ita, diak pay nakakita iti buaya a sibibiag!—kinuna ni Maria Clara.
Ti mangyurit timmakder, nangala iti atiddag a tali ket immuli a nakakarkarting iti sinanbansag. Ni Leon naglisi.
Malaksid ni Maria Clara, awan pay kadakuada ti nangkita kenkuana inggana idi: ita, siddaawenda ti nabaked a takderna.
Iti dakkel a siddaawda, ket nupay inda amin nagikkis, ti mangyurit timmapog iti uneg ti bubo.
—¡Alaenyo toy imuko!—inpukkaw ni Crisostomo nga inasutna ti maysa a buneng nga akaba nga aramidda sadi Toledo.
Ngem ti danom ngimmaton a nagwarsi iti kasta unay, ket ti adalem a danaw nagtangepen.
—¡Jesus, Marta y Jose! —kinuna dagiti babbai. — ¡Addanto
ngata dakes a mapasamak! !Jesus, Marta y Jose!
