Iso daydi ti kuartel. Sadiay addada sosoldado, babbai, babbaboy, kada manmanok. Adda la ket agdadait iti aruatenna, idinto a ti babaina adda nga agid-idda iti rabaw ti bangko, a nagpungananna ti luppo ti lalaki, nakatabako ket kumitkita a makasursuron iti parsa. Dagiti dadduma a babbai tultulunganda dagiti lallaki a mangdaldalos kadagiti ar-aruaten da, ig-igam, kdmpy., nga aglallallay iti nainayad kadagiti naalas a daydayyeng.
—?Nakalusot sa dagiti pipiek aya? jDayta la upa ket ti insangpet yo!—kinuna ti maysa a babai kadagiti sangsangpet:— saan a napalutpot no ni Sisa wenno daydi manok nga agkikiak ti kunana.
—!Wen, napatpateg met ket ti upa, ngem dagiti pipiek!— kasta ti sungbatna met laeng iti saona, idi makitana a nagulimek dagiti sosoldado.
?Adinno ti yan ni sarjento? — sinaludsod ti maysa kadagiti sibil, a timekna ti makaluksaw. —?Inyammudan iti alperes?
Garaw ti abaga a maital-o ti insungbatda: awan maringguran a mangpalutpot maipapan iti gasat daydi nakaay-ay-ay a babai.
Nagyan sadiay iti dua nga liras a kas la arinmauyungen, nakakukot iti maysa a suli, silelemmeng ti ulona kadagiti im-imana, nakussukusso dagiti bubuokna. Iti tumengnga ti aldaw, naammuan ti alperes, ket ti immuna nga inaramidna iso ti dina pammati iti darum ti kura.
—!Ni! [aramid la ni naimot a kura dayta! —kinunana, ket inbilinna a palusutanda ti babai ket awan mangitaltaleken iti daydi a banag.
—!No kayatna a sumubli ti napukaw,—innayunna,—inna dawaten ken San Antonio, wenno mapan umasog iti Nuncio! !Ni!
Gapo iti kasta, ni Sisa pinapanawda iti kuartel, iti nganngam bin-ig a duron, ta iso dina kayat ti aggunay.
Idi addan iti tengnga ti lansangan, nagna a dina napupuutan ket kasta unay pardasna a nagturong iti balayna, awan ababong ti ulona, dagiti bubuokna nakussukussuda ket dagiti matmatana sikikitada iti adayo a tangatang. Ti init kapudutna unay,
agmatuonen, ket awan man la ti uray maysa nga ulep a manglinged ti narangrang a rupana; ti angin inna pagkutien a sikakapoy dagiti bulbulong dagiti kaykayo, ti dalan ngannganin nag
