Page:Corrido qñg bie rang queralanan di Oliveros ilang Artos.pdf/15

(12)

 Itang catlung aldo iñaping dinatang
minulit no naman ding pauang macamal
anti rang panayan ing capanaunan
canitang Torneo maguing cayanganan.
 Yang panatang na ning budning Principe
itang Victorioso sadiang mapaguagui
linuesung cabayu libutad ning corte
cayalimbaua na metung á balaue.
 At saca linundag qñg balcon á matas
casumangid auang carin ya linábas
ali ya milual guisan dong pengabat
qng lalang ning Ari tune yang meracap.
 Qng pangaracap na begut na neng agad
itang espada na at saca ya guingcas
ninu man quecayu ing cacu mangangas
sacsi cu ing mundo ing daya dumanac.
 At insanung leyng quecong tutuntunan
sasalangsangan yu maguing catuliran
qng recta justicia tela pin manauang
parusan yeng taung alang casalanan.
 Qng cacung panupad qñg utus ning bando
balitang mengaras miayalinang reino
ing sablang itinan nĝening mapamintu
ing cacung anabang ing parusan yu cu.
 Deta ning queraclan bisang magcanuari
galang ing Justicia anting magcamali
nanu ing qng lub yu caniti nang bili
ing miparusan ya qñg caraglidagli.