( 3 )
Ugali qñg yatu nung miragsa na ca
bijira yang cuyug ing lumunus queca
é na ca ibangun bagcus sicara'na
qng ba'cang milugmue at lalung magdusa.
Iti nan ping Abu é ya mequiramdam
é na inaliua queang inugalian
angang é melaso bandi na meguisan
queti na na biclat queang panimanman.
Salamat na mu pin at queang pinitna
banding amana na qng mete nang ibpa
at nung ali sana nanu man pin ala
á dit pang mitagan at meguisan sabla.
Iniang aucul nang ali na sublia'na
itang mengalabas á pamagtamasa
sabla nang cacuyug mengabating na la
anti rong tinabi't ning labuad liclac na.
Pablasang daca‘la ding into rang utang
ding maroc á taung queang caluguran
ya ping aisip na ing sinĝila'no nĝan
ing pamagcabie na saca na na bauiyan.
Qng bale ning metung tiquis yang ine na
nasa neng sinğilan utang nang minuna
ali cu menutang binte ning cuyug na't
mangap pang y Abu é ne caquilala.
Bale ning aliua mine ya't migsundu
at mamauad saup abe na't catutu
pipiling ya buntue é ya mangamanu't
paquibat ning pipi pasaquit qng tau.
