This page has been proofread.
10
ᎠᏂᏣᎳᎩ ᏧᎾᎴᏅᏙᏗ ᏧᎾᏕᎶᏆᏍᏗ.
ᏕᎤᎷᎬᎢ ᏱᏣᏁᎫᏕᏍᏗ. ᎯᎨᏴ—ᏞᏍᏗ ᎯᎠ ᏱᏂᏤᎵᏎᏍᏗ—ᎠᏆᏣᏅᎮ ᎤᏟ ᎤᏂᎸᏉᏙᏗ ᎠᏃᏍᏛ ᎠᏂᏍᎦᏯ ᎡᏍᎦᏉ ᎠᏆᏓᏅᏖᏗᏱ ᎠᎴ ᏄᏍᏛ ᏗᎩᎸᏫᏍᏓᏁᏗ ᎨᏒᎢ.
ᏲᏅ
ᏩᏚᎵᏏ ᏕᎦᎧᎲᎢ ᏓᏂᏲᏍᏗᎭ—ᎠᏂᏏᎾᏌᎾ ᎤᏂᏂᏴᎯᏓᏍᏗᏱ. ᏦᎢ ᏄᎾᏓᎴᎭ ᏲᏅ—ᎠᏂᎬᎿᎨᎢ, ᎤᏂᏁᎬᏃ, ᏧᏴᏢ ᎤᏁᏍᏓᎸ ᎠᏁᎯ, ᎠᏂᏌᎪᏂᎨᏃ ᏧᎾᏑᎦᎳᏅᎯᏛ. ᎾᏍᎩ ᏧᎾᏑᎦᎳᏅᎯᏛ ᎤᏂᎿᎸᎯᏳ. ᏲᏅ ᎤᏫᏯ ᎣᏏᏳ ᎠᎵᏍᏓᏴᏗ, ᏏᏆᏉ ᎤᏫᏯ ᎢᏳᏍᏗ, ᎠᎴ ᎾᏍᏉ ᎦᏁᎦ ᎣᏏᏳ ᎪᎱᏍᏗ ᎬᏙᏗ. ᎬᎿᎨ ᏲᏅ ᎦᎵᏦᎲᏍᎪ ᎤᏣᏘ, ᎿᏉᏃ ᏔᎵᎭ ᎠᎴ ᏦᎢᎭ ᎢᏯᏅᏙ ᎤᏣᏘ ᏧᏏᏠᎢ, ᎢᎦᎲᏍᎪ ᎦᏁᎸᎢ, ᎾᏍᎩ ᎢᎪᎯᏛ ᎾᎵᏍᏓᏴᎲᏍᎬᎾ ᎨᏐᎢ.
