Ⱀⰻⰸⰾⱁⰶⰻ ⱄⰻⰾⱜ́ⱀⱜⰻⰵ ⱄⱜ ⱂⱃⱑ̇ⱄⱅⱁⰾⰰ: * ⰻ ⰲⱜⰸⱀⰵⱄⰵ ⱄⱜⱞⱑ̇ⱃⰵⱀⱜⰻⰵ.
Ⰾⰰⱍⱆⱋⰵⰵ ⰻⱄⱂⰾⱜⱀⰻ ⰱⰾⰰⰳⱜ: * ⰻ ⰱⱁⰳⰰⱅⰵⱋⰵⰵ ⱄⰵ ⱁⱅⱜⱂⱆⱄⱅⰻ ⱅⱜ́ⱎⱅⰵ.
Ⱂⱃⰻⰵⱅⱜ Ⰻⱄⱃⰰⰻⰾⱑ ⱁⱅⱃⱁⰽⰰ ⱄⰲⱁⰵⰳⱁ * ⱂⱁⱞⰵⱀⱆⱅⱜ ⱞⰻⰾⱁⱄⱅⱜ́ ⱄⰲⱁⱓ.
Ⱑⰽⱁⰶⰵ ⰳⰾⰰⰳⱁⰾⰰ ⰽⱜ ⱁⱅⱜ́ⱌⰵⱞⱜ ⱀⰰⱎⰻⱞⱜ * Ⰰⰲⱃⰰⰰⱞⱆ ⰻ ⱄⱑ̇ⱞⰵⱀⰻ ⰵⰳⱁ ⰲⱜ ⰲⱑ̇ⰽⱜⰻ.
8. Zakarijina pisan.
Luk. I. 68-79
Ⰱⰾⰰⰳⱁⱄⰾⱁⰲⰾⰵⱀⱜ Ⰳⱁⱄⱂⱁⰴⱜ́ Ⰱⱁⰳⱜ Ⰻⱄⱃⰰⰻⰾⰵⰲⱜ * ⱑⰽⱁ ⱂⱁⱄⱑ̇ⱅⰻ ⰻ ⱄⱜⱅⰲⱁⱃⰻ ⰻⰸⰱⰰⰲⰾⰵⱀⰻⰵ ⰾⱓⰴⰵⱞⱜ ⱄⰲⱁⰻⱞⱜ.
Ⰻ ⰲⱜⰸⰴⰲⰻⰶⰵ ⱃⱁⰳⱜ ⱄⱜⱂⰰⱄⰵⱀⰻⱓ ⱀⰰⱞⱜ * ⰲⱜ ⰴⰻⱞⱆ Ⰴⰰⰲⰻⰴⰰ ⱁⱅⱃⱁⰽⰰ ⱄⰲⱁⰵⰳⱁ.
Ⱑⰽⱁ ⰳⰾⰰⰳⱁⰾⰰ ⱆⱄⱅⱜⰻ ⱄⰲⰵⰲⱜⰻⱈⱜ * ⱄⱆⱋⰻⱈⱜ ⱁⱅⱜ ⰲⱑ̇ⰽⰰ ⱂⱃⱁⱃⱁⰽⱜ ⰵⰳⱁ.
Ⱄⱜⱂⰰⱄⰵⱀⰻⰵ ⱁⱅⱜ ⰲⱃⰰⰳⱜ ⱀⰰⱎⰻⱈⱜ * ⰻ ⰻⰸⱜ ⱃⱆⰽⱜⰻ ⰲⱜ́ⱄⱑ̇ⱈⱜ ⱀⰵⱀⰰⰲⰻⰴⰵⱋⰻⱈⱜ ⱀⰰⱄⱜ.
Ⱄⰻⱅⰲⱁⱃⰻⱅⰻ ⱞⰻⰾⱁⱄⱅⱜ́ ⱄⱜ ⱁⱅⱜ́ⱌⰻ ⱀⰰⱎⰻⱞⰻ * ⰻ ⱂⱁⱞⰵⱀⱆⱅⰻ ⰸⰰⰲⱑ̇ⱅⱜ ⱄⰲⰵⱅⱜⰻⰻ̆ ⱄⰲⱁⰻ̆.
Ⰽⰾⰵⱅⰲⱆ ⰵⱓⰶⰵ ⰽⰾⰵⱅⱜ ⱄⰵ ⰽⱜ Ⰰⰲⱃⰰⰰⱞⱆ ⱁⱅⱜ́ⱌⱆ ⱀⰰⱎⰵⱞⱆ * ⰴⰰⱅⰻ ⱄⰵ ⱀⰰⱞⱜ.
Ⰴⰰ ⰱⰵⰸⱜ ⱄⱅⱃⰰⰳⰰ ⰻⰸⱜ ⱃⱆⰽⱜⰻ ⰲⱃⰰⰳⱜ ⱀⰰⱎⰻⱈⱜ ⰻⰸⰱⰰⰲⰾⰵⱀⰻ * ⱄⰾⱆⰶⰻⱞⱜ ⰵⱞⱆ.
Ⱂⱃⱑ̇ⱂⱁⰴⱁⰱⰵⱞⱜ́ ⰻ ⱂⱃⰰⰲⱜ́ⰴⱁⱓ ⱂⱃⱑ̇ⰴⱜ́ ⱀⰻⱞⱜ́ * ⰲⱜ́ⱀⰻ ⰶⰻⰲⱁⱅⰰ ⱀⰰⱎⰵⰳⱁ.
