Page:Biag ti maysa a lakay wen-no naka-am-ames a bales.pdf/57

— 51 —

ni Maming im-mapay kaniak ti nainget á dukot,
ket isumet daguitoy á binatog:
 "Ay-ayatek á Manuel: diak am-mo á sawen
wen-no imaldit ditoy á surat ti dakkel nga
ayat ken rag-ó ti pusok idi inawatko ken nabasak
ti sinaguday ti suratmo, ta nasamít á damag
in-nak napagteng. ñga isú ngarud ti kunam nga
inka iruruar ti eksamen.
 "Yamangko ti napalalo, ket diak nasbaalan nga
inaguep ti naim-nas á naganmo á naymaldit. iti
babá daytoy suratmo, ket natarnaw á lulua ti
naraganag kadaguiti matak, lua ni ragsak nga
isùt' in-nak panangwaknit ti sipñget ni sagubanit
á mangul-laap ti kararwak.
 "Saanka á masdaaw Manuel ta in-nak kenka
dawaten, ta no mabalin kuma nga iddiam ti
agsursurat kaniak ta dinto ket maminano ta ma-
tiliw ni áma daguiti sursuratmo tapno ti kasta
awanto kuma ti bareng aniaman á mapaspasamak.
Laksidem dita panunot daguiti barengbareng á
banag; ket dika met pagarupen á daytoy ñga
in-nak dawaten kenka, maypoon iti diak kayat ti
umawa ti suratmo, saan Manuel adayú unay
dayta á pangguep, ta kas in-nak kenka inulitulit
ňga insapata á sika awan sabali, ti kasimpuñgalak
nga agbiag inganat' 'tanem; no saan nga iti
tartarigagayak nga agnanayon ti inta pan-na-
kailiklik ti pagdaksanta,
 "Daguitoy amin ti dawatek ñga igunamgunam
kenka, ket sapay kuma ta matungpal.
 Toy naayat' unay á kabsatmo.

Maming.