— 49 —
Idi madanunan ti bulan nga inkami panagueksamen, kaasi ti Dios naadalko á nalaing amin daguiti nalpasanmi: idi maawagan ti naganko dim-matagak kadaguiti mangueksamen, ket nasublatsublatda á nagsaludsod iti adú á kita wen-no bánag kaniak, ñgem nupay no kasta awan ket ti natiliwda kaniak á nagbiddutak. Kalpasan ti pan-nakaeksamen mi amin binasa daydi "Maestro" daguiti nagnagan daguiti nakarkarruar, ket kaasi ti Dios, maysaak kadaguiti naawagan.
Diak masaba ti ragsak ti pusok idi nangguekko á naawagan ti naganko, ket dinagusko ti nagawid, ta in-nak inyammo ti apo "Rector" á pagyanak, ket isú met nalaus ti yaman na kaniak, ta inik-kan-nak pay ñgarud iti maysa nga eskapulario (escapulario) ti "Virgen del Rosario" ken tal-lo á pisos ñga in-nak igatang iti sapatosko (zapatos).
—Sapay kuma Manuel ta agnanayon á kasta ti gaguetmo tapo malpasmot' darás ti adal mo—kinona kaniak daydi apok ket pinikpikpikna ti bukotko.
Dinagusko met ti nagsurat ken ina ta impadamagko ti irruruar ko ti eksamen (exámen); kasta met ken ni Maming, ñgem ti suratko kenkuana nairapit ti agtungpal ken ina, ta seknak ti pan-nakatiliw ni amana, diket maminanó ta isuntot pagluksawan na kaniak.
Nasurok á maysa á bulan ti in-nak napalabas saak naawat ti subalit daguiti sursuratko, ket ti surat kaniak ni ina sinagudayna daguitoy nalausan samít á binatog:
