— 46 —
gan a pinagurayko idiay iguid ti karayan Pasig
á pagpunduan daguiti amin á sasakayan. Ti
nalausan á ragsak ti pusok napukaw ti riknak;
ket diak napuotan ti idadanon daydi lugan
idiay sañgoanan ti nasao ñga "Universidad."
Apaman á nakadanonak, dimsaagak idiay lugan, binayadak daydi agpaguyod, saak immuli, ta in-nak nagparang ken apo "Rector."
Idi makadatagak kenkuana sinaludsod-na ti naganko, ket kalpasan ti panangibagak kinona na kaniak:
—Manuel, ti itedko kenka ñga aywanam ken reb-bengmo nga aramiden á dikanto man ket lipaten isù daquitoy; patinayon á bigat nga aglampasoka ditoy siledko, kasta met á sap-pridam daguiti pagbasaan nga addat ditoy lamisaan, ket al-luadan ta awan ti mapukaw ken mapiguis kadaguitoy; patinayon met ñga agriing ka á masapa, ta saganaem ti pagdaramosko á danom ken ti pamigatko, kasta met ti pangmalem; no pan-nañgan ti aldaw ken ti rabi-y, sanka á pumampanaw ta kitaem ti pan-nañganmi ¿maawatam?
—Wen apo naawatak amin - kinonak ti simmungbat kenkuana á siem-ma.
—Nangruguika met laeng á nagadal idiay "escuela" ti Iliyo?
—Wen apo nagadalak bassit—kinonak ti simmungbat, saak impakita kenkuana daguiti amin á pappapel á mangpaneknek iti panagadaldo, ket apaman á nakitana, kinona kaniak á nagsiddaaw sana pinikpik toy abagak.
