Page:Bali-lontar-kidung-sundayana-300ppi.pdf/2

This page has been proofread.

[᭑ 1B]
᭑
᭚᭜᭚ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭚᭜᭚ᬧᬸᬧᬸᬄᬥᬶᬂᬥᬂ᭟᭜᭟ᬦ᭄ᬤᬦ᭄ᬓᬯᬃᬡ᭄ᬦᬳᬵᬲᬂᬰ᭄ᬭᬷᬦᬭᬾᬦ᭄ᬤ᭄ᬭᬳᬦᬾᬂᬯᬶᬮᬢᬶᬓ᭄ᬝᬦᬵᬕᬭᬶᬳᬦᬵᬫᬰ᭄ᬭᬷᬳᬬᬫᬸᬭᬸᬓ᭄ᬧ᭄ᬭᬪᬸᬲᬸᬩᬮ
ᬯᬶᬃᬬ᭄ᬬᬵᬲ᭄ᬯᬧᬸᬢ᭄ᬭᬳᬾᬂᬓ᭄ᬮᬶᬂᬲᬸᬚᬦ᭄ᬫᬳᬦᬸᬮᬸᬲ᭄‌‌ᬚᬦᬵᬦᬸᬭᬕᬵᬦᭀᬫᬧ᭄ᬓᬶᬓ᭄‌‌ᬮ᭄ᬯᬶᬃᬳ᭄ᬬᬂᬲ᭄ᬫᬭᬵᬗᬹᬢ᭄ᬧ᭄ᬢᬶ᭞ᬓᬮᬸᬫ᭄ᬭᬳᬶᬂᬚᬦᬵᬧ᭄ᬭᬶᬳᬭᬶᬓᭀᬢ᭄ᬢᬫᬦ᭄ᬦᬶᬭᬕᬸᬡᬢᬦ᭄ᬧᬶᬗ᭄ᬕᬶᬂᬧᬸᬭᬸᬱᬵᬤᬶᬕ᭄ᬚ
ᬬᬾᬂᬧᬗ᭄ᬬᬸᬲ᭄ᬋᬧ᭄ᬢᬂᬲᬬᬯᬭᬵᬚᬢ᭄ᬓᬾᬂᬯᬡ᭄ᬥᬦ᭄ᬓᭀᬘᬶᬢᬸᬫᬲᬶᬓ᭄ᬲᬯᬵᬓᬸᬂᬢᬜ᭄ᬚᬸᬂᬧᬸᬭᬓᬶᬫᬶᬢᬂᬩᬮᬶᬧ᭄ᬭᬲᬫᬵᬲᬾᬯᬪᬓ᭄ᬢᬶ᭟ᬳᬾᬫᬦ᭄ᬢᬤᬸᬭᬸᬂᬲᬮᬸᬮᬸᬢ᭄ᬲᬶᬭᬢᬦ᭄ᬓᬧᬭᬕᬾᬂᬲ᭄ᬢ᭄ᬭᬶ
ᬧᬦᬧᬶᬮᬶᬄᬭᬓ᭄ᬯᬲᬶᬭᬾᬗ᭄ᬓᬳᬳ᭄ᬬᬸᬦ᭄‌‌ᬓᬂᬲᬯᬯᬲᬶᬳᬶᬗ᭄ᬓᬸᬮᬲᬶᬯᬶᬦᭂᬦᬶᬂᬪᬸᬫᬶᬲ᭄ᬯᬚᬢᬸᬓ᭄ᬭᬫᬦᬶᬭᬳᬫᬗ᭄ᬓᬸᬳᬓᬧ᭄ᬭᬪᬸᬦ᭄‌‌ᬯ᭄ᬦᬂᬲᬶᬭᬫᬓᬵᬃᬤ᭄ᬥᬦᬭᬶᬰ᭄ᬯᬭᬶᬲᬫᬗ᭄ᬓᬦᬲᬶᬭ

[᭒ 2A]
᭒
ᬫᬗ᭄ᬕᬵᬗᬮᬧ᭄‌‌ᬭᬭᬲᬶᬂᬯᬥᬸ᭞ᬧᬧᬘᬗᬦ᭄ᬬᬵᬬᬸᬳᬬᬸᬓ᭄ᬱᬢ᭄ᬭᬶᬬᬳᬦᬓᬶᬂᬫᬦ᭄ᬢ᭄ᬭᬶᬯᭀᬗᬶᬂᬓᬳᬵᬃᬬ᭄ᬬᬦ᭄ᬤᬢᬦ᭄‌‌ᬓ᭄ᬦᬾᬗᬶᬢᬸᬂᬮ᭄ᬯᬶᬃᬧᬸᬱ᭄ᬧᬲᬜ᭄ᬘᬬᬵᬜ᭄ᬚ᭄ᬭᬄᬧᬧᬸᬧᬸᬮᬶᬂᬫᬦᬶᬲ᭄‌‌ᬭᬶᬂᬫᬲᬵᬓᬵᬃ
ᬢ᭄ᬢᬶᬓᬵᬭᬭᬲ᭄ᬭᬭᬲ᭄ᬦ᭄ᬬᬵᬗ᭄ᬤᬦᬶᬂᬓᬸᬂᬧᬦ᭄ᬢᭂᬲ᭄‌‌ᬭᭀᬯᬗᬦᬶᬂᬗᬫᬸᬓ᭄ᬢᬶᬭᬵᬰ᭄ᬫᬶᬫᬗ᭄ᬓᬾᬪᬬᬓᭀᬕᬗᬦ᭄ᬓᬾᬯᬮᬤᬶᬦᬸᬮᬸᬤᬸᬮᬸ᭟ᬧ᭄ᬭᬲᬫᬓᬭᬶᬓᬦ᭄ᬬᬓᬵᬓᬭᬶᬢᬲᬶᬭᬵᬗᬸᬮᬢᬶᬲᬂ
ᬭᬵᬚᬧᬸᬢ᭄ᬭᬶᬮᬶᬲ᭄ᬢ᭄ᬯᬵᬃᬚ᭄ᬚᬵᬤᬶᬲᭀᬢ᭄ᬧ᭄ᬢ᭄ᬬᬦᬶᬭᬫᬮᬶᬄᬭᬹᬧᬕᬸᬡᬢᬸᬳ᭄ᬯᬵᬤᬶᬬᭀᬕ᭄ᬬᬵᬲᬶᬦᬶᬯ᭄ᬬᬾᬂᬦᬕᬦ᭄ᬢᬸᬦ᭄ᬲᬫ᭄ᬧᬸᬦ᭄ᬲᬬᬯᬭᬵᬚᬚᬶᬦᬚᬄᬢᬦᭀᬮᬶᬄᬓᬂᬤᬹᬢᬮᬸᬗ᭄ᬳᬵᬓᬢ᭄ᬓᬾᬂ
ᬦᬹᬱᬵᬦ᭄ᬢᬭᬫᬥᬸᬭᬮᬦᬶᬂᬧᬮᬾᬫ᭄ᬩᬂᬯᬸᬲ᭄ᬓᬵᬢᬸᬭᬾᬂᬰ᭄ᬭᬷᬪᬹᬧᬢᬶᬲᬵᬫ᭄ᬧᬸᬦ᭄ᬧᬶᬦᬶᬦ᭄ᬢᭀᬦᬦ᭄ᬧ᭄ᬝᬲᬯᬃᬡ᭄ᬦᬲᬂᬭᬵᬚᬧᬸᬢ᭄ᬭᬶᬲᬯᬶᬚ᭄ᬬᬦᭀᬭᬓᬾᬱ᭄ᬝᬶᬓᬃᬬ᭄ᬬᬲᬶᬭᬭᬫ᭄ᬩᬗ᭄ᬓᬳ᭄ᬬᬸᬦ᭄ᬓᬤᬶᬪ᭄ᬭᬫ