[᭖ 6B]
᭖
ᬩᬦᭂᬦ᭄ᬓᬲ᭄ᬮᬸᬫᬸᬃᬩᬵᬦᬾᬩ᭄ᬦᭂᬄᬲᬮᬄᬤᬾᬦᬶᬂᬰᬵᬲ᭄ᬢ᭄ᬭᬦᬾᬗ᭄ᬕᬶᬲᬶᬓᬧᬢᬸᬢᬦᬾᬫᬓ᭄ᬚᬂᬤᬶᬢᬸᬫᬳᬮᬶᬗᬦ᭄ᬫᬜ᭄ᬓᬸᬂ᭞ᬲᬗ᭄ᬓᬦ᭄ᬰᬵᬲ᭄ᬢ᭄ᬭᬦᬾᬚ᭄ᬯᬳᬸᬮᬶᬓ᭄ᬧ᭄ᬢᭂᬂᬮ᭄ᬫᬄᬳᬧᬦ᭄ᬫᬓ᭄ᬚᬂᬤᬶᬢᬸᬲᬤᬾᬫᬵᬤᬦ᭄ᬧᬢᬹᬢ᭄ᬳᬗ᭄ᬳᬶᬂᬲᬤᬢᬶᬗ᭄ᬕᬃᬳᬶᬮᬶᬤ᭄ᬤᬾᬤᬳᬢ᭄ᬳᬹᬢ᭄ᬢᬫᬳᬭᬂᬓᬧᭀᬳᬦᬓ᭄ᬢᬳᬸᬨᬮᬜᬦᬶᬲ᭄ᬓᬮᬬᬦᬾᬲᬓᬮᬧᬗ᭄ᬕᬶᬄ
ᬢᬶᬗ᭄ᬕᬃᬢ᭄ᬯᬭᬩ᭄ᬯᬶᬦ᭄ᬢᬓᭀᬦᬂᬲᬮ᭄ᬯᬶᬭᬶᬂᬮᬓ᭄ᬱᬡᬦᬾᬧᬢᬹᬢ᭄᭞ᬳᬤᬢᬸᬢᬸᬃᬫᬸᬗ᭄ᬕᬸᬄᬤᬶᬦᬕᬭᬓ᭄ᬭᬫᬗᬸᬘᬧᬂᬲᬦᬾᬧᬢᬸᬢ᭄ᬢᭀᬦᬾᬰᭂᬂᬢᬶᬭᬸᬬᬳᬗ᭄ᬕᭀᬦ᭄ᬢᬧᬓᬦ᭄ᬲᬳᬶᬩᬶᬓᬲ᭄ᬫᬦᬾᬯᬓᬭᬶᬂᬳᬶᬤᬳᬦᬓᬾᬳᬕᬸᬂᬲᬕᬶᬧ᭄ᬢᭂᬂᬮ᭄ᬫᬄᬤᬾᬦᬶᬂᬤᬳᬢᬶᬂᬓ᭄ᬝᬶᬮ᭄ᬬᬾᬦ᭄ᬢ᭄ᬯᬭᬫᬤᬲᬃᬰᬵᬲ᭄ᬢ᭄ᬭᬳ
ᬗ᭄ᬕᭀᬦ᭄ᬫᬫᬕᭂᬢᬂᬦᬾᬧᬢᬸᬢ᭄᭞ᬬᬤᬶᬦ᭄ᬩᬜᬓᬲ᭄ᬭᭀᬯᬾᬦ᭄ᬤᬧᬢᬶᬩᬗ᭄ᬕᬫᭀᬫᭀᬫᬩᬶᬓᬲ᭄ᬮᬸᬘᬸᬤᬗᬶᬗ᭄ᬕᬶᬮᬂᬲ᭄ᬫᬸᬓᭂᬫ᭄ᬩᭀᬅ᭄ᬫᬤ᭄ᬕᭂᬳᬂᬘ᭠ᬤᬶᬓ᭄ᬢ᭄ᬓᬾᬦ᭄ᬜᬫᬜᬫᬳᬧᬂᬲᬫᬳᬧᬂᬢᬗ᭄ᬕᬸᬄᬤᬗᭂᬦ᭄ᬤᭂᬮᬂᬳᬯᬓ᭄ᬮᬕᬸᬢᬾᬢᬶᬗ᭄ᬕᬃᬲᬳᬶᬓᬲᬾᬗᬦ᭄ᬢᬸᬃᬓᬢᬸᬕ᭄ᬦᬄᬓᬢᬸᬭᬸᬢ᭄ᬩᬳᬦ᭄ᬜᬫᬮᬶᬬᬸ᭞ᬬᬤᬶᬦ᭄ᬩᬶ᭠
ᬓᬲᬾᬫᬦᬗ᭄ᬓᬶᬮ᭄ᬳᬧᬂᬧ᭄ᬭᬶᬓ᭄ᬱᬤᬢᬦᬶᬦᬸᬳᬸᬢ᭄ᬲᬶᬓᬸᬢ᭄ᬮᬫᬸᬦ᭄ᬲᬶᬓᬸᬢ᭄ᬲᬢᬸᬲ᭄ᬤᬜ᭄ᬚᬫᬓ᭄ᬱᬶᬓᬸᬢ᭄ᬤ᭄ᬯᬂᬢᬮᬶᬩᬶᬓᬲᬾᬫᬦ᭄ᬕᬓ᭄ᬮᬫᬸ᭠ᬦ᭄ᬩᬜᬲᬶᬓᬸᬢ᭄ᬲᬢᬸᬲ᭄ᬤᬗᬶᬗ᭄ᬕᬶᬮᬂᬳᬯᬓ᭄ᬧᬢᬶᬫᬮᬸᬫᬮᬸᬯᬶᬦ᭄ᬫᬗ᭄ᬤᬾᬳᬧᬂᬓᬘᬶᬗᬓᬦ᭄ᬤᬫᬯᬗ᭄ᬲᬶᬢ᭄ᬘ᭄ᬓᭀᬳᬦ᭄ᬫᭂᬜ᭄ᬘᬸᬃ᭞ᬥ᭄ᬧᬂᬤᬶᬤᬸᬭᬶᬢᬸᬃᬤ᭠
[᭗ 7A]
ᬧᬧᬓ᭄ᬧ᭄ᬢᬬᬂᬫᬓ᭄ᬭᬡᬦ᭄ᬳᬶᬗᬾᬫᬸᬯᬸᬕ᭄ᬧᬦ᭄ᬤᬶᬗᭂᬳᬾᬲᬭᬸᬚᬯᬢ᭄ᬤᬶᬤᬸᬭᬶᬫᬦ᭄ᬤᭂᬗᬶᬮ᭄ᬲᬶᬜᬓᬕᬾᬢ᭄ᬳᬤᬓᬳ᭄ᬬᬸᬦ᭄ᬳᬶᬤᬵᬦᬓᬾᬳᬕᬸᬂᬥᬯᬸᬄᬧᬗᬦ᭄ᬤᬶᬓᬳᬧᬂᬤᬳᬶᬯᬂᬢᬫ᭄ᬧᬶᬓᬾᬫ᭄ᬧᭂᬃᬩᬕᬦ᭄ᬫᬸᬜᬶᬕ᭄ᬮᬄᬤᬤᬶᬓᬫᬫ᭄ᬕᬓ᭄ᬫᬵᬢᬸᬃ᭞ᬲᬶᬜᬕᬤᬧᬓᬳ᭄ᬬᬸᬦᬦ᭄ᬗᬦ᭄ᬤᬶᬓᬬᬂᬳᬧᬂᬦᭀᬗᭀᬲ᭄ᬤᬶᬫᬮᬸᬬᬾ
ᬤ᭄ᬫᬦᬯᬂᬳᬸᬦ᭄ᬕᬸᬓ᭄ᬩᬶᬓᬲ᭄ᬫᬢᬧᬓᬦ᭄ᬳᬚᬶᬚᬮᬦᬾᬗᬳᭂᬧᬂᬦ᭄ᬕᬓ᭄ᬤᬤ᭄ᬭᭀᬧᭀᬦ᭄ᬫᬳᬢᬸᬃᬳᬦ᭄ᬢᬶᬧᬗᬦ᭄ᬤᬶᬓᬩᬶᬬᬶᬓᬲᬾᬳᬧᬂᬧᬲ᭄ᬢᬶᬫ᭠ᬫᭂᬧᭂᬲ᭄ᬫᬢᬢᬗᬦᬦ᭄ᬲᬫ᭄ᬩᬶᬮᬂᬫᬫᬭᬶᬓ᭄ᬱᬲᬧᬸᬢ᭄᭞ᬫᬲᬶᬮᬦᬾᬳᬧᬂᬧᬲ᭄ᬢᬶᬤᬗᭂᬦᬳᬂᬧᬳᬲᬶᬓᬸᬢ᭄ᬤᬶᬳᭂᬦ᭄ᬢᬸᬤ᭄ᬳᬗ᭄ᬓᭂᬩᬶᬦ᭄ᬩᬵᬦ᭄ᬲᬧᬸᬢ᭄ᬬᬤᬶᬦ᭄ᬫᬧᭂ
ᬳᭂᬲ᭄ᬓᬲᬫ᭄ᬧᬶᬂᬲᬫ᭄ᬩᬶᬮ᭄ᬫᬗᬶᬗᭂᬭᬂᬤᬕᬶᬂᬧᬗ᭄ᬭᬯᭀᬲᬾᬫ᭄ᬢᬸᬦᬾᬤᬶᬧᬦᬗ᭄ᬓᬶᬮᬦ᭄ᬭᬶᬂᬳᬶᬤᬤᬦᬾᬲᬫᬶᬬᬤᬶᬦ᭄ᬩᬓᬢ᭄ᬩᬵᬦ᭄ᬩᬺᬱᭂᬧᬂᬤᬶᬓ᭄ᬦᬾᬄᬤᬤᭀᬭᭀᬧᭀᬦ᭄ᬫᬵᬢᬸᬃ᭞ᬥ᭄ᬧᬂᬳᬶᬤᬤᬦᬾᬲᬂᬫᬸᬮᬗ᭄ᬭᬯᭀᬲᬂᬯ᭄ᬦᬂᬫᬗ᭄ᬕᭂᬮᬳᬢᬸᬭᬶᬂᬳᬦᬓᬾᬳᬕᬸᬂᬩᬮᬶᬓ᭄ᬬᬾᬦ᭄ᬢᬄᬓᬳᬭᬾᬓᬶᬦ᭄ᬩᬵᬦ᭄ᬲᬂᬫᬗ᭄ᬭ
ᬯᭀᬲᬂᬍᬯᬶᬄᬳᬶᬤᬵᬦᬓᬾᬳᬕᬸᬂᬤᬶᬢᬸᬲ᭄ᬥᭂᬂᬳᭀᬜᬂᬳᬢᬸᬭᬂᬳᬧᬂᬚᬢᬶᬳᬗ᭄ᬳᬶᬂᬤᬫᬮᬮᬶᬜᭀᬓᬦ᭄ᬓᬮᬶᬳᬧᬂᬰ᭄ᬭᬸᬱᬫᬳᬢᬸᬃ᭞ᬩᬸᬧ᭄ᬕᬢ᭄ᬳᬢᬸᬭᬾᬤᬸᬬᬸᬭᬶᬦ᭄ᬩᬵᬦ᭄ᬲᬸᬫ᭄ᬩᬄᬲᬫ᭄ᬩᬶᬮ᭄ᬫᬫᭂᬧᭂᬲ᭄ᬗᬸᬦ᭄ᬢᬸᬓ᭄ᬗᬶᬗᭂᬭᬂᬦᬾᬧᬢᬸᬢ᭄ᬬᬤᬶᬦ᭄ᬳᬤᬫᬦᬫ᭄ᬩᬸᬗᬶᬤ᭄ᬧᬥᬧᬦᬗ᭄ᬓᬶᬮᬦ᭄ᬓᬤᬶᬫᬩᬶᬦᬬᬦ᭄ᬳᬢᬸᬃ
Page:Bali-lontar-kidung-oruk-250ppi.pdf/7
This page has been proofread.
