[᭔ 4B]
᭔
ᬦᬶᬲ᭄ᬓᬮᬧᬘᬂᬳᬗ᭄ᬕᭀᬲᬗᬸᬮᬫ᭄ᬧᬸᬲ᭄ᬳᬫ᭄ᬩᬸᬮ᭄ᬢᭀᬧᬫᬜᬤᬾᬦᬾᬚ᭄ᬦᭂᬓ᭄ᬫᬓᬶᬃᬢ᭄ᬢᬶᬢᬼᬩ᭄ᬫᬕᬸᬭᬸᬳᬶᬦ᭄ᬰᬵᬲ᭄ᬢ᭄ᬭᬢᭀᬂᬦ᭄ᬤᬸᬕᬢᬦ᭄ᬭᬳᬬᬸᬢ᭄ᬫᬸ᭞ᬳᬗ᭄ᬳᬶᬂᬢᬾᬫᬲᬶᬳᬤᬕᬸᬭᬶᬢ᭄ᬯᭂᬲᬶᬃᬜᬳᬗ᭄ᬤᬾᬫᬢᭀᬄᬢᭀᬳᬦ᭄ᬫᬲᬶᬄᬫᬳᬕᭂᬢ᭄ᬮᬲᬸᬃᬳᭂᬦ᭄ᬢᭀᬢᬦ᭄ᬫᬭᬶᬫᬗ᭄ᬕᬶᬲᬶᬢ᭄ᬯᬭᬫ᭄ᬩᬳᬂᬳᭀᬩᬄᬮ᭠
ᬫᬸᬦ᭄ᬯᬶᬤᬶᬦᬾᬫᬦᬸᬤᬸᬄᬧᬘᬂᬦ᭄ᬫᬸᬲᬤ᭄ᬬᬢᬦᬸᬭᬸᬂᬲᬶᬤ᭄ᬥᬧᬗ᭄ᬕᬶᬄᬧᬓᭀᬮᬶᬳᬦᬾᬲᬓᬮᬲᬸᬓᬦᬾᬩᬲ᭄ᬳᬚᬳᬦ᭄ᬢ᭄ᬫᬸ᭞ᬮᬫᬸᬦ᭄ᬯᬶᬤ᭄ᬥᬶᬦᬾᬫᬜᬢ᭄ᬭᬶᬢᬦᬶᬩᬕ᭄ᬬᬓᬸᬤ᭄ᬬᬂᬦ᭄ᬫᬸᬭᬳᬬᬸᬫᬲᬶᬄᬢ᭄ᬯᬄᬤᬶᬮᬘᬸᬃᬘᬶᬂᬳᬸᬮᬳᬮᬶᬄᬢ᭄ᬯᬄᬧ᭄ᬮᬶᬄᬓᬾᬦ᭄ᬓᬾᬦ᭄ᬩᬵᬦ᭄ᬜᭂᬮ᭄ᬲᭂᬮᬂᬤᬢᬦ᭄ᬯᭂᬭᬸᬄᬓᬾᬦ᭄ᬳᬯᬓ᭄ᬮ᭠
ᬘᬸᬃᬤᬾᬦᬶᬂᬦᬾᬬᬶᬗ᭄ᬓᬸᬦᬫᬗᬯᬓᬶᬦ᭄ᬤᬸᬫᬤᬶᬚ᭄ᬦᭂᬂᬢ᭄ᬯᬭᬢᬧᬩ᭄ᬭᬢᬓᬢᬸᬦᬦ᭄ᬧᬓᬶᬃᬢ᭄ᬢᬶᬭᬳᬬᬸ᭞ᬲᬗ᭄ᬓᬦ᭄ᬳᬤᬢ᭄ᬫᬸᬚᬤᬶᬢᬤᬶᬩᬕ᭄ᬬᬳᬗ᭄ᬳᬶᬂᬤᬩᬜᬢᬦ᭄ᬯ᭄ᬭᬸᬄᬤᬫᬋᬤᭀᬢᬸᬢᬸᬃᬤᬫᬜᭂᬮ᭄ᬲᭂᬮᬶᬂᬦᬶᬂᬳᬚᬶᬩᬮᬶᬓ᭄ᬱᭀᬓ᭄ᬢᬶᬮᬶᬗᬂᬰᬵᬲ᭄ᬢ᭄ᬭᬦᬾᬧᬕᭂᬳᬂᬢᬸᬚᬸᬢᭂᬫ᭄ᬩᬾᬜᬦᬾᬧᬮᬃᬳ
ᬧᬦ᭄ᬳ᭄ᬬᬂᬲᬭᬲ᭄ᬯᬢᬶᬢᭀᬂᬦ᭄ᬤᬸᬕᬢ᭄ᬯᬭᬜᬫ᭄ᬩ᭄ᬭᬫᬫᬶᬓᭀᬮᬶᬳᬶᬦᬾᬚ᭄ᬦᭂᬓ᭄ᬦᬸᬚᬸ᭞ᬓᬾᬢᭀᬲᬶᬧ᭄ᬢᬜᬦᬾᬫᬸᬗ᭄ᬕᬸᬄᬘᬭᬶᬢᬧᬕᬯᬾᬦ᭄ᬳᬦᬓ᭄ᬚᬸᬕᬸᬮ᭄ᬩᭀᬩᭀᬢᭀᬄᬫᬗ᭄ᬮᬶᬮᬸᬲ᭄ᬮᬸᬤᬶᬦ᭄ᬢᬶᬯᬲ᭄ᬫᬗ᭄ᬕᬸᬮᬶᬤᬶᬕ᭄ᬫᬲᬶᬄᬚ᭄ᬦᭂᬂᬧᬗ᭄ᬓᬄᬫᬩᬶᬱᬩᬶᬱᬬᬦ᭄ᬗᬯᬸᬃᬲ᭄ᬓᬶᬤᬸᬂᬢᬦ᭄ᬧᬧᬸᬜᬢᬸᬯᬶᬫᬫᬸᬜᬶ᭞
[᭕ 5A]
ᬩᬮᬶᬧᬘᬂᬳᬗ᭄ᬕᭀᬦ᭄ᬧᬗ᭄ᬕᬶᬕᬶᬭᬳᬲ᭄ᬘᭂᬭᬶᬓ᭄ᬘᭂᬭᬶᬓᬾᬫᬗ᭄ᬤᬾᬮᬚᬸ᭞ᬳᬶᬥᭂᬧ᭄ᬜᬦᬾᬧᬘᬂᬫᬮᬚᬳᬶᬦ᭄ᬰᬵᬲ᭄ᬢ᭄ᬭᬲᬗ᭄ᬓᬗᬸᬗ᭄ᬕ᭄ᬯᬂᬤᬶᬓᬶᬤᬸᬂᬳᬗ᭄ᬕᭀᬦ᭄ᬫ᭠ᬦ᭄ᬤᬤᬸᬭᬸᬤ᭄ᬮᬮᭀᬜᭀᬕ᭄ᬩᬵᬦ᭄ᬫᬸᬜᬶᬫᬦᬶᬲ᭄ᬲᬶᬧ᭄ᬢᬳᬶᬦ᭄ᬩᬵᬦ᭄ᬲᬢ᭄ᬯᬢᬶᬗ᭄ᬓᬳᬾᬫᬗᬸᬗ᭄ᬲᬶᬧᬢᬹᬢ᭄ᬫᬓ᭄ᬚᬂᬳᬸᬗ᭄ᬕᬸᬳᬂᬢᬾᬢᬾᬳᬂᬳᬧᬂᬧᬲ᭄ᬢᬶᬩᬳᬜᬧᬘ
ᬗᬺᬱᭂᬧᬂᬤᬸᬮᬸᬭᬶᬦ᭄ᬩᬳᬦ᭄ᬫᬸᬜᬶᬳᬮᬸᬲ᭄᭞ᬥᬸᬄᬤᬾᬯᬦ᭄ᬩᬧᬦᬾᬕᬸᬲ᭄ᬢᬶᬤᬚ᭄ᬯᬧᬾᬮᬕ᭄ᬳ᭄ᬦᬾᬓᬶᬤᬸᬗᬾᬭᬸᬗᬸᬳᬶᬗᭂᬲᬃᬓᬯᬸᬓᬸᬤ᭄ᬲᬶᬫ᭄ᬧᭂᬦᬂᬧᬶᬗᬶᬢ᭄ᬤᬶᬳᬢᬶᬤᬫ᭄ᬳᬶᬚᬸᬗᬸᬮᬳᬂᬧᬶᬓᭀᬮᬶᬳᬦᬾᬓᬢ᭄ᬧᬸᬓ᭄ᬤᬦ᭄ᬤᬾᬦ᭄ᬫᬓᬲ᭄ᬓᬬᬲᭀᬓ᭄ᬢᬶᬮᬶᬗᬂᬳᬩ᭄ᬲᬶᬓ᭄ᬳᬶᬥᭂᬧᬾᬃᬍᬗ᭄ᬓᬾᬦ᭄ᬰᬵᬲ᭄ᬢ᭄ᬭᬦ᭄ᬢᭀᬧ᭠
ᬮᬚᬳᬶᬦ᭄ᬳᬧᬂᬳᬢᬹᬢ᭄᭞ᬤᬾᬦᬶᬂ[strike]ᬳᭂᬦ᭄ᬢᭀᬧᬘᬂᬕᬗ᭄ᬕᭀᬦ᭄ᬫᬫᬕᭂᬳᬂᬧᬮᬓᬲᬡᬦᬾᬧᬢᬸᬢ᭄ᬫ᭄ᬯᬄᬯᬗ᭄ᬰᬦᬾᬮᬸᬳᬸᬂᬢᭀᬲ᭄ᬦᬶᬂᬲᬢ᭄ᬭ᭄ᬬᬫᬚᬧᬳᬶᬢ᭄ᬧᬶᬮᬶᬄᬲᬶᬜᬲᬤ᭄ᬬᬩᬳᬦ᭄ᬫᬗᬸᬗ᭄ᬲᬶᬦᬾᬧᬢᬸᬢ᭄ᬳᬗ᭄ᬤᬾᬜᬫᬜ᭄ᬘᬸᬭᬦ᭄ᬢ᭄ᬖᭂᬄᬢᬸᬃᬫᬢᬢᬓᬦ᭄ᬩᬢᬸᬧᬶᬮᬶᬄᬚᬢ᭄ᬭᬶᬲ᭄ᬢᬶᬲᬦ᭄ᬩᬳᬦ᭄ᬓᬧ᭄ᬭ
ᬚ᭄ᬜᬵᬦᬦᬾᬳᬶᬮᬸ᭞ᬥᬹᬄᬳᬫ᭄ᬧᬸᬭᬚ᭄ᬯᬦᬾᬗ᭄ᬕᬸᬭᬶᬢ᭄ᬓᬧ᭄ᬕᬢᬦ᭄ᬲᬢ᭄ᬯᬤᬮᬶᬳᬦ᭄ᬳᬶᬩᬸᬓ᭄ᬤᬤᬶᬧ᭄ᬕᬢ᭄ᬩᬢᬸᬢᭀᬂᬓ᭄ᬦᬢᬸᬧ᭄ᬢᬸᬧᬂᬩᬸᬯᬶᬦ᭄ᬲᬗ᭄ᬓᬜ᭄ᬘᬭᬶᬢᬬᬂᬤᬸᬓᬾᬫᬫ᭄ᬭᬕᬢᬂᬦᬸᬭᬸᬦ᭄ᬫᬲᬶᬄᬚ᭄ᬯᬲᬶᬧ᭄ᬢᬬᬂᬭᬶᬂᬤᬶᬦᬵᬩᬸᬤ᭄ᬥᬧᬳᬶᬂᬯᬸᬬᬾᬧᬗ᭄ᬮᭀᬂᬧᬶᬂᬧᬢ᭄ᬩᭂᬮᬲ᭄ᬲ᭄ᬥᭂᬓ᭄ᬰᬰᬶᬄᬓᬤᬰᬤᬶᬳᬸ᭞ᬇᬰᬓᬜᬦᬾ
Page:Bali-lontar-kidung-oruk-250ppi.pdf/5
This page has been proofread.
