[᭑ 1B]
᭑
᭛᭐᭛ᬊᬁᬅᬯᬶᬖ᭄ᬦᬵᬫᬲ᭄ᬢᬸ᭛ᬧᬹᬄᬦᬗᬶᬲ᭄᭝ᬘ᭄ᬦᬶᬓ᭄ᬩᬕᬸᬰ᭄ᬘᬸᬘᬸᬦ᭄ᬓᬓᬶᬘ᭄ᬦᬶᬓ᭄ᬩᬕᬸᬲ᭄᭞ᬳ᭄ᬤᬘ᭄ᬦᬶᬂᬫᬫᬾᬦ᭄ᬤ᭄ᬥᬵ᭞ᬗᬕᬸᬗᬾᬦᬶᬦ᭄ᬥᬬᬭᬸᬲᬶᬢ᭄᭞ᬘ᭄ᬦᬶᬓ᭄ᬩᬕᬸᬲ᭄ᬢᬸᬢᬸᬃᬓᬓᬶᬦᬾᬳᬶᬗᭂᬢᬂ᭟ᬳ᭄ᬤᬧᭂᬗ᭄ᬓᬸᬂᬢ᭄ᬓᬾᬦ᭄ᬓᬓᬶᬗᬯᬾ
ᬢᬸᬢᬸᬃ᭞ᬗᬸᬭᬾᬘᬓ᭄ᬫᬧ᭄ᬢᬵ᭞ᬧᬶᬮᬶᬄᬧᬶᬮᬶᬄᬳ᭄ᬦᬾᬩ᭄ᬘᬶᬓ᭄᭞ᬧᬂᬳ᭄ᬤᬲᬭᬸᬩᬳᬦ᭄ᬜᬗᬭᬸᬘᬨ᭟ᬤᬸᬓ᭄ᬢᬦ᭄ᬦᬶᬂᬢᬸᬂ᭞ᬧᬭᬦ᭄ᬧᬭᬦᬾᬯᬸᬫ᭄ᬢᬸ᭞ᬳᬦᬲᬧ᭄ᬢᬵᬲᬸᬦ᭄ᬬ᭞ᬦᬶᬬᬦᬵᬗᬭᬦ᭄ᬧᬸᬦᬶᬓᬶ᭞ᬚᬕ᭄ᬢᬫ᭄ᬢᬸᬲᬳ᭄ᬬᬂ
ᬰᬶᬯᬭᬾᬓᬦᬫᬵ᭟ᬰᬶᬯᬭᬾᬓᬸᬬᭀᬕᬦᬶᬭᬲᬫ᭄ᬧᬸᬦ᭄ᬧᬸᬢᬸᬲ᭄᭞ᬫᬶᬚᬶᬮ᭄ᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬳ᭄ᬬᬂᬧ᭄ᬭᬫᬯᬶᬰᬾᬱᬵᬲᬶᬤ᭄ᬥᬶ᭞ᬢᬬᬫ᭄ᬢᬸ᭞ᬲᬶᬦ᭄ᬢ᭄ᬬᬰᬶᬯᬦᬯᬲᬗ᭄ᬳᬵ᭟ᬳᬰ᭄ᬯᬭᬾᬓᬸᬫᬾᬲᭀᬭᬩ᭄ᬭᬵᬳ᭄ᬫᬩᬹ
ᬤ᭄ᬭᬾᬗ᭄ᬓᬸ᭞ᬫᬤᬾᬯᬰᬗ᭄ᬓᬭ᭞ᬯᬶᬱ᭄ᬡᬸᬲᬫ᭄ᬩᬸᬫᬦᬸᬮᬸᬭᬶᬦ᭄᭞ᬫᬤ᭄ᬬᬰᬶᬯᬵ᭞ᬲᬤ᭄ᬥᬰᬶᬯᬵᬧᬭᬫᬰᬶᬯ᭟ᬅᬓᬭᬯᬶᬦ᭄ᬥᬸ᭞ᬧᬫᬤᬘᬭᬶᬓᬸᬫ᭄ᬢᬸ᭞ᬫᬤᬸᬮᬸᬭᬦ᭄ᬢᭂᬗᭂᬦᬦ᭄᭞ᬳ᭄ᬬᬂᬰᬶᬯᬭᬾᬓᬗ
[᭒ 2A]
ᬯᬾᬦᬶᬦ᭄᭞ᬳ᭄ᬬᬂᬇᬰ᭄ᬯᬭᬵ᭞ᬓᬸᬬᭀᬦᬶᬭᬲᬵᬫ᭄ᬧᬸᬦ᭄ᬳᬚᬓ᭄᭟ᬭᬭᬶᬲ᭄ᬫ᭄ᬢᬸᬗᬭᬦᬶᬭᬳ᭄ᬬᬂᬫᬭᬤᬸ᭞ᬫ᭄ᬢᬸᬢᬯᬭᬶᬕ᭄ᬕ᭞ᬲᬸᬦ᭄ᬥᬭᬶᬢ᭄ᬭᬸᬲ᭄ᬗᬭᬦᬾᬓᬶ᭞ᬧᬸᬢᬸᬲ᭄ᬳᬶᬧᬸᬦ᭄᭞ᬫᬓᬧᬹᬃᬦᬦᬶᬂᬯᬢᬶᬕ᭄ᬕᬵ᭟ᬓᬮᬭᬯᬸ᭞ᬲᬂᬳ᭄ᬬᬂ
ᬮᬶᬘᬶᬦ᭄ᬲᬂᬳ᭄ᬬᬂᬓᬾᬢᬸ᭞ᬗᬫ᭄ᬧ᭄ᬯᬦᬶᬂᬯᬭᬶᬕ᭄ᬕᬵ᭞ᬳ᭄ᬬᬂᬲᬶᬯᬕᭀᬢ᭄ᬭᬵᬳᬸᬫᬶᬚᬶᬮ᭄᭞ᬗᭂᬫ᭄ᬧᬸᬢᭂᬦᬸᬂ᭞ᬫᬶᬯᬄᬫᬗᭂᬫᭀᬯᬸᬩᬭᬢ᭄ᬣᬵ᭟ᬬᬂᬩ᭄ᬭᬳ᭄ᬫᬵᬗ᭄ᬓᬸ᭞ᬬᭀᬕᬦᬶᬭᬲᬵᬫ᭄ᬧᬸᬦ᭄ᬧᬸᬢᬸᬲ᭄᭞
ᬲᬂᬳ᭄ᬬᬂᬫᬺᬢ᭄ᬬᬸᬓᬸᬡ᭄ᬥ᭞ᬭᬶᬂᬳ᭄ᬬᬂᬩ᭄ᬭᬳ᭄ᬫᬵᬯᬳᬸᬫᬶᬚᬶᬮ᭄᭞ᬯᬾᬥᬫ᭄ᬢᬸ᭞ᬧᬧᬮᬶᬫᬶᬯᬄᬧᬵᬮᬳᬮᬵ᭟ᬫᬮᬶᬄᬫ᭄ᬢᬸ᭞ᬫᬳᬶᬓ᭄ᬱᬧᬢᬶᬓᬫᬸᬭᬸᬩ᭄᭞ᬫ᭄ᬢᬸᬩ᭄ᬯᬦᬵᬢᬶᬕ᭄ᬕᬵ᭞ᬅᬓᬱᬳᬧᬄᬧᬺᬢᬶᬯᬶ᭞
ᬫᬮᬶᬄᬫ᭄ᬢᬸ᭞ᬓᬬᬗᬦ᭄ᬲᬧᬸᬮᬸᬄᬳᬶᬓᬵ᭟ᬕᬸᬦᬸᬂᬳᬕᬸᬂ᭞ᬓᬤᬾᬯᬢᬦ᭄ᬫᭂᬯᬄᬩᬢᬸᬃ᭞ᬫᬮᬶᬄ᭞ᬧᭂᬦᬳᬭᬦ᭄᭞ᬧᬲᭂᬓ᭄ᬩᭀᬦ᭄ᬫᬚᬧᬳᬶᬢ᭄᭞ᬧᬸᬲᭂᬄᬇᬓᬹ᭞ᬩᬗᬸᬦ᭄ᬰᬓ᭄ᬢᬶᬫᬲ᭄ᬧᬳᬶᬢ᭄ᬣᬵ᭟
Page:Bali-lontar-gaguritan-sundari-trus-300ppi.pdf/2
This page has been proofread.
