[᭑᭕ 15B]
᭑᭕
ᬦᬾᬓᬘᬶᬃᬬ᭄ᬬᬦ᭄᭟ᬫᬳᬶᬩ᭄ᬳᬸᬮᬶᬤᬶᬦᬶᬰᬃᬕ᭄ᬖᬦ᭄᭞ᬫᬶᬳᬶᬓᬾᬢ᭄ᬯᬭᬦᬦ᭄ᬥᬶᬗᬶᬦ᭄᭞ᬩᬸᬓᬥᬤᬭᬶᬫᬗ᭄ᬮᬬᬂ᭞ᬓᬫᬺᬘᬵᬧᬥᬦᬸᬭᭀᬦᬶᬦ᭄᭞ᬫᬳ᭄ᬩᭀᬲᬃᬯ᭄ᬯᬭᬘᬶᬓ᭄᭞ᬕᭀᬧᬶᬢᬍᬗᬶᬲ᭄ᬫᬚ᭄ᬫᬸᬓ᭄᭞ᬮᬶᬫᬸᬢ᭄ᬩᬳᬦ᭄ᬕᬕᬡ᭄ᬥᬦ᭄᭞ᬘᬶᬭᬶᬦ᭄ᬓᬫᬢ᭄ᬫ᭄ᬬ
ᬦᬾᬍᬯᬶᬄ᭞ᬉᬧᬤ᭄ᬥᬦᬾ᭞ᬫᬶᬚᬶᬮᬶᬂᬳᬚ᭄ᬜᬵᬦᬲᬸᬦ᭄ᬬ᭟ᬚᬦᬶᬲᬸᬩᬓᬲᬶᬤᬬᬂ᭞ᬓᬬᬸᬦᬾᬲᬂᬤᬹᬃᬕ᭄ᬕᬡ᭄ᬥᬶᬦᬶ᭞ᬤᬤᬶᬳᬬᬸᬦᬾᬓᬯᬯ᭞ᬢ᭄ᬓᬾᬦ᭄ᬳᭂᬩᭀᬦᬾᬲᬢᬡ᭄ᬥᬶᬂ᭞ᬤᬤᬶᬫ᭄ᬢᬸᬧ᭄ᬭᬫᬗ᭄ᬓᬶᬦ᭄᭞ᬧᬓᬬᬸᬦᬾᬢᬦ᭄ᬲᬸᬦ᭄ᬤᬸᬦ᭄
᭞ᬪᬕᬯᬦ᭄ᬧᬭᬲᬭ᭞ᬢᬦ᭄ᬤᬸᬫᬥᬾᬧᬭᬫᬗ᭄ᬓᬶᬦ᭄᭞ᬓᬢᬸᬭᭀᬦᬦ᭄᭞ᬲᬂᬤᬹᬃᬕ᭄ᬕᬡ᭄ᬥᬶᬦᬶᬓᬳᬮᬧ᭄᭟ᬭᬭᬶᬲ᭄ᬕᬸᬫᬦ᭄ᬢᬶᬧᬲᬾᬗᬦ᭄᭞ᬲᬂᬲᬬᭀᬚᬦᬕᬡ᭄ᬥᬶᬦᬶ᭞ᬢ᭄ᬗᬳᬶᬂᬮ᭄ᬯᬄᬬᬫᬸᬦ᭞ᬯᬾᬦ᭄ᬢᭂᬦ᭄ᬫᬕᬶᬮᬶᬬᬦ᭄ᬳᬮᬶᬢ᭄᭞ᬳᬶᬭᬶ
ᬓᬓᬕ᭄ᬦᬳᬶᬦ᭄᭞ᬫᬓᬸᬋᬦᬦ᭄ᬓᭀᬘᬧ᭄ᬲᬵᬫ᭄ᬧᬸᬦ᭄᭞ᬢᬃᬩ᭄ᬩᬚᬢᬄᬢᬤᬜ᭞ᬩᭀᬩᭀᬢ᭄ᬫᬳᭀᬓᬧᬺᬫᬗ᭄ᬓᬶᬦ᭄᭞ᬩᬯᬸᬳᭂᬫ᭄ᬩᬲ᭄᭞ᬳᭀᬓᬦᬾᬲᬫ᭄ᬧᬸᬦ᭄ᬫᬯᬾᬤ᭄ᬥ᭟ᬧᬸᬦᬶᬓᬦᬾᬫᬧ᭄ᬲᬾᬗᬦ᭄᭞ᬪ
[᭑᭖ 16A]
ᬕᬯᬦ᭄ᬩ᭄ᬬᬱᬵᬲᬂᬍᬯᬶᬄ᭞ᬩᬳᬦᬾᬳᭂᬫ᭄ᬩᬲ᭄ᬤᬶᬩ᭄ᬬᬲ᭄ᬫ᭄ᬓᬩᭀᬩᭀᬢᬂᬤᬶᬧ᭄ᬭᬭᬳᬶ᭞ᬭᬶᬂᬰᬶᬯ᭄ᬯᬤ᭄ᬯᬭᬫᬶᬚᬶᬮ᭄᭞ᬕ᭄ᬦᭂᬧ᭄ᬪᬸᬱᬡᬦ᭄ᬲᬂᬯᬶᬓᬸ᭞ᬪᬕᬯᬦ᭄ᬧᬭᬲᬭ᭞ᬭᬭᬶᬲ᭄ᬳᬶᬤᬵᬫᬗ᭄ᬯᬲ᭄ᬢᭀᬦᬶᬦ᭄᭞ᬲᬂᬓᬚᬫᬄ᭞ᬫᬗ᭄ᬤᬾᬳᬧᬂᬫᬸᬮᬶᬄᬤ᭄ᬳᬵ᭟ᬤᬤᬶᬯ
ᬮᬸᬬᬳᬚᬳᬦ᭄᭞ᬫᬸᬮᬶᬄᬤ᭄ᬳᬵᬧᬭᬫᬗ᭄ᬓᬶᬦ᭄᭞ᬫᬦ᭄ᬢᬸᬓ᭄ᬭᬶᬂᬲᬂᬤᬰᬩᬮᬵ᭞ᬢᬦ᭄ᬓᬘᬭᬶᬢᬦᬾᬫᬗ᭄ᬓᬶᬦ᭄᭞ᬪᬕᬯᬦ᭄ᬩ᭄ᬬᬱᬵᬭᬭᬶᬲ᭄᭞ᬫᬫᬋᬓ᭄ᬳᬶᬤᬲᬂᬕᬸᬭᬸ᭞ᬪᬕᬯᬦ᭄ᬧᬭᬲᬭ᭞ᬲᬵᬫ᭄ᬧᬸᬦ᭄ᬗᬦᬸᬕ᭄ᬭᬳᬶᬦ᭄ᬲᬫᬶ᭞ᬭᬭᬶᬲ᭄ᬳᬶᬤᬵ᭞ᬫᬵ
ᬮᬶᬄᬫᬦ᭄ᬢᬸᬓ᭄ᬓᬧᬢᬧᬦ᭄᭟ᬓᭀᬘᬧᬪᬕᬯᬦ᭄ᬩ᭄ᬬᬱ᭞ᬳᬶᬭᬶᬓᬚ᭄ᬜᭂᬓ᭄ᬫᬮᬶᬗ᭄ᬕᬶᬄ᭞ᬤᬶᬧᬕ᭄ᬦᬳᬦᬾᬳᭂᬫ᭄ᬩᬲ᭄᭞ᬓᬯᬗᬸᬦ᭄ᬧᬲ᭄ᬭᬫᬦ᭄ᬭᬭᬶᬲ᭄᭞ᬕ᭄ᬦᭂᬧ᭄ᬧ᭄ᬭᬢᬾᬓᬲᬫᬶ᭞ᬢᬶᬗ᭄ᬓᬄᬲᭀᬧᬘᬭᬯᬶᬓᬹ᭞ᬳᬫ᭄ᬩᬸᬮ᭄ᬢᭀᬢ᭄ᬯᬄᬳᬸᬘᬧᬂ
᭞ᬢᬦ᭄ᬓᭀᬘᬧ᭄ᬳᬶᬤᬵᬲᬂᬍᬯᬶᬄ᭞ᬤᬶᬧᬰ᭄ᬭᬫᬦ᭄᭞ᬢ᭄ᬯᬭᬵᬓᬤᬹᬃᬫ᭄ᬫᬵᬗ᭄ᬕᬮᬬᬦ᭄᭟᭐᭟ᬧᬸᬧᬸᬢ᭄ᬲᬶᬦᬸᬭᬢ᭄ᬭᬶᬂᬭᬳᬶᬦᬵ᭞ᬋ᭞ᬓ᭞ᬯᬭᬵᬧᬸᬚᬸᬢ᭄᭞ᬢᬶᬱᬶ᭞ᬧᬂ᭞ᬧᬶᬂ᭞ᬍ᭞ᬰᬰᬶᬄ᭞ᬓ᭞ᬏ᭞ᬭᬄ᭞
Page:Bali-lontar-gaguritan-sundari-trus-300ppi.pdf/16
This page has been proofread.
