[᭑᭓ 13B]
᭑᭓
ᬩᬧᬵᬜᬳᬶ᭞ᬳᬧᬂᬫ᭄ᬮᬄ᭞ᬤᬶᬦᬶᬧᬢᬧᬬᬂᬳᬯᬓ᭄᭟ᬲᬶᬜᬳᬤᬳᬦᬓ᭄ᬳᭀᬮᬲ᭄᭞ᬧᬘᬂᬫᬗᬸᬩᬤᬶᬦ᭄ᬜᬳᬶ᭞ᬗᬶᬮᬗᬂᬩᭀᬦᬾᬫᬍᬓᬤ᭄᭞ᬳᭂᬦ᭄ᬢᭀᬜᬦ᭄ᬤᬂᬢᭀᬗᭀᬲ᭄ᬜᬳᬶ᭞ᬫᬧᬦᬯᬸᬭᬦ᭄ᬬᬤᬶᬦ᭄
᭞ᬳᬗ᭄ᬕᭀᬦ᭄ᬯᬳᬸᬫᬄᬳᬲᬸᬦ᭄ᬥᬸᬓ᭄᭞ᬘᬶᬭᬶᬦ᭄ᬳᬦᬓ᭄ᬉᬢ᭄ᬢᬵᬫ᭞ᬜᬦ᭄ᬤᬂᬢᭀᬲ᭄ᬰ᭄ᬭᬸᬱᬵᬩᬓ᭄ᬢᬶ᭞ᬳᬧᬦ᭄ᬳᬦᬓ᭄ᬳᭀᬮᬲ᭄ᬫᬗᭂᬦ᭄ᬢᬲᬂᬫᬮᬵ᭟ᬦᬾᬚᬦᬶᬩᬧᬫᬫ᭄ᬩᬳᬂ᭞ᬧᬲᬗᬸᬦ᭄ᬜᬳᬶᬦᬾᬤᬶᬦᬶ᭞ᬓᬫᬸᬮᬦ᭄ᬩ
ᬦ᭄ᬲᬫ᭄ᬧᬦ᭄ᬳᬸᬦ᭄ᬥᬵ᭞ᬳᭂᬦ᭄ᬢᭀᬲᬸᬩᬳᬗ᭄ᬕᭀᬦ᭄ᬗᬮᬶᬄ᭞ᬧᬗᬸᬧᬚᬶᬯ᭄ᬯᬵᬲᬳᬶ᭞ᬲᬦᬗ᭄ᬓᭂᬦ᭄ᬳᬶᬬᬾᬢᬾᬕᭂᬦ᭄ᬢᬸᬄ᭞ᬲᬫ᭄ᬧᬦᬾᬳᬗ᭄ᬕᭀᬦ᭄ᬗᬸᬜ᭄ᬚᬮ᭄᭞ᬧᭂᬦ᭄ᬢᬲᬦᬾᬮᬸᬄᬫ᭄ᬯᬦᬶ᭞ᬤᬶᬢᬸᬢᭀᬗᭀᬲ᭄᭞ᬗᬮᬶᬄᬧᬶ
ᬓᬵᬮᬶᬄᬩᬦ᭄ᬳᬸᬧᬄ᭟ᬲᬂᬤᬹᬃᬕ᭄ᬕᬡ᭄ᬥᬶᬦᬶᬢᬦ᭄ᬧᬜ᭄ᬚᬂ᭞ᬲᬯᬸᬭᬾᬢ᭄ᬓᬲᬳᬶᬭᬶᬂ᭞ᬲᬧᬧᬡ᭄ᬥᬶᬓᬦ᭄ᬳᬶᬩᬧ᭞ᬤᬾᬦᬶᬂᬳᬦᬓ᭄ᬫᬸᬮᬍᬯᬶᬄ᭞ᬧᬕᭂᬄᬓᬤᬃᬫ᭄ᬫᬦ᭄ᬬᬸᬓ᭄ᬢᬶ᭞ᬢᬦ᭄ᬯᭂᬦᬂᬳᬮ᭄ᬧᬓᬕᬸᬭᬸ᭞ᬓᭀᬘᬧᬲᬂᬤ
[᭑᭔ 14A]
ᬰᬩᬮᬵ᭞ᬧᬸᬧᬸᬢ᭄ᬧᬯᬭᬳᬾᬲᬫᬶ᭞ᬭᬭᬶᬲ᭄ᬫᬦ᭄ᬢᬸᬓ᭄᭞ᬢᬦ᭄ᬓᭀᬘᬧᬜᬤᬶᬚᬮᬦ᭄᭟ᬚᬦᬶᬲᬸᬩᬢ᭄ᬓᭂᬤ᭄ᬚᬸᬫᬄ᭞ᬳᬸᬘᬧᭂᬦ᭄ᬲᬃᬤᬹᬃᬕ᭄ᬖᬶᬦᬶ᭞ᬲᬳᬶᬲᬳᬶᬗᬫᭀᬂᬲᬫ᭄ᬧᬦ᭄᭞ᬤᬶᬲᬶᬲᬶᬦ᭄ᬢᬸᬓᬤᬾᬦᭂᬧᬶ᭞ᬮ᭄ᬬᬸᬳᬦᬓ᭄ᬫᬦ
ᬕᬶᬄ᭞ᬮᬶᬯᬢᬂᬲᬦᬗ᭄ᬓᭂᬦ᭄ᬕᭂᬦ᭄ᬢᬸᬄ᭞ᬤᬶᬢᬸᬮᬯᬸᬢ᭄ᬓᬩ᭄ᬯᬢ᭄᭞ᬩᬦ᭄ᬲᬫ᭄ᬧᬦ᭄ᬳᭂᬮᬸᬄᬫ᭄ᬯᬦᬶ᭞ᬲᬵᬫ᭄ᬧᬸᬦ᭄ᬮᬫᬶ᭞ᬢᬶᬗ᭄ᬓᬳᬾᬗᬫᭀᬗᬶᬦ᭄ᬲᬫ᭄ᬧᬦ᭄᭟ᬲᬵᬫ᭄ᬧᬸᬦ᭄ᬓᬢᬄᬧᭀᬮᬶᬄ᭞ᬳᭂᬦ᭄ᬢᭀᬳᬗ᭄ᬕᭀᬜᬲᬗᬸᬲᬳᬶ᭞ᬓᭀ
ᬘᬧᬯᬾᬦ᭄ᬢᭂᬦ᭄ᬩ᭄ᬭᬳ᭄ᬫᬵᬡ᭞ᬲᬸᬮᬶᬗ᭄ᬕᬶᬄᬍᬯᬶᬳᬶᬂᬰᬓ᭄ᬢᬶ᭞ᬳᬶᬤᬵᬗᬬᬢ᭄ᬫᬫᬃᬕ᭄ᬕᬶ᭞ᬫᬗ᭄ᬮᬶᬦ᭄ᬢᬂᬳᬶᬬᬾᬳᬾᬕᭂᬦ᭄ᬢᬸᬄ᭞ᬩᬕᬯᬦ᭄ᬧᬭᬲᬭ᭞ᬧᬲᬾᬗᬦ᭄ᬳᬶᬤᬲᬂᬍᬯᬶᬄ᭞ᬩᬯᬶᬳᬶᬤᬵᬭᬯᬸᬄᬤᬶᬲᬶᬲᬶᬦ᭄ᬬᬫᬸᬦ᭟ᬲᬤᬹᬃ
ᬕ᭄ᬕᬡ᭄ᬥᬦᬫᬜᬕ᭄ᬚᬕ᭄᭞ᬦᬫ᭄ᬧᭂᬓᬂᬲᬫ᭄ᬧᬦᬾᬕ᭄ᬮᬶᬲ᭄᭞ᬪᬕᬯᬫ᭄ᬓᬕ᭄ᬬᬢ᭄ᬫᬜᬶᬗᬓ᭄᭞ᬩᬳᬦ᭄ᬓᬳᬬᭀᬦᬾᬍᬯᬶᬄ᭞ᬩᬸᬓᬢ᭄ᬯᬭᬦᬦ᭄ᬥᬶᬗᬶᬦ᭄᭞ᬭᬭᬶᬲ᭄ᬫᬗᬦ᭄ᬤᬶᬓᬳᬮᬸᬲ᭄᭞ᬤᬸᬄᬜᬳᬶᬧ᭄ᬬᬦᬓ᭄ᬩᬧ
Page:Bali-lontar-gaguritan-sundari-trus-300ppi.pdf/14
This page has been proofread.
