[᭖6B]
᭖
ᬓᬮᬶᬄᬧᬗᬯᬓ᭄᭞ᬲᬶᬓᭂᬧᬾᬭᬶᬂᬦᬕᬭᬶ᭟ᬲᬸᬭᬓ᭄ᬲᬶᬦᬸᬭᬓᬤᬶᬳᭀᬫ᭄ᬩᬓ᭄ᬫᬢᬶᬫ᭄ᬩᬮ᭄᭞ᬳᬜ᭄ᬘᬸᬢᬾ᭠ᬓᭂᬮᭀᬤ᭄ᬤᬤᬶ᭞ᬮᬶᬮᬶᬄᬫᬕ᭄ᬮᬶᬬᬸᬭᬦ᭄᭞ᬤᬾᬦᬶᬂᬲᭀᬭᭀᬳᬦ᭄ᬲᭂᬮᬫ᭄᭞ᬓᬤᬶᬭᬶᬧ᭄ᬭᬾᬱᬗᬫ᭄ᬧᬶᬤᬶᬦ᭄᭞
ᬩᬸᬓᬜᬤ᭄ᬬᬬᬂ᭞ᬩᭂᬮᬶᬢ᭄ᬢᬦ᭄ᬲᬓᬶᬂᬳᬚᭂᬭᬶᬄ᭟ᬳᭂᬦ᭄ᬢᭀᬓ᭄ᬭᬡᬪᬳᬸᬥᬡ᭄ᬥᬤᬶᬢᬸᬭᬸᬲᬓ᭄᭞ᬧᬺᬕᬸᬲ᭄ᬢᬶᬫᬦᬗ᭄ᬕᬮᬶᬦ᭄᭞ᬧᬗᬫᬹᬓ᭄ᬧ᭄ᬭᬬ᭞ᬭᬾᬜ᭄ᬘᬗᬾᬫᬶᬮᬸᬩᬸᬦ᭄ᬢᬲ᭄᭞ᬓᬢᬳᬸᬭᬕ᭄ᬧᬥᬩᭂᬮᬶᬢ᭄᭞
ᬕᬸᬲ᭄ᬢᬶᬦᬾᬓᬸᬢᬂ᭞ᬫᬩᬾᬮᬓᬮᬶᬄ᭟ᬳᬶᬧᬭᬬᬫᬮᬶᬄᬗᬸᬦ᭄ᬢᬲᬂᬓᬢᭂᬗᬄ᭞ᬩᬗ᭄ᬓᭀᬮ᭄᭠ᬫᬳᬶᬮ᭄ᬜᬸᬚᬸᬓᬶᬦ᭄᭞ᬫᬗᬤᬸᬯᬂᬭᬾᬜ᭄ᬘᬂ᭞ᬲᬶᬓᭂᬧ᭄ᬥᬍᬫᬾᬫᬧᬕ᭄᭞ᬲᭀᬭᭀᬄᬚᭂᬃᬫ᭄ᬫᬦᬾᬗᬫᬳᬶ
ᬦ᭄᭞ᬫᬲ᭄ᬭᬶᬬᬓ᭄ᬕᬦ᭄ᬢᬲ᭄᭞ᬫᬸᬲᬸᬳᬾᬳᬓᬾᬄᬫᬢᬶ᭟ᬮᬾᬦ᭄ᬫᬢᬢᬸ᭞ᬳᬲᬸᬭᬸᬂᬲᬸᬭᬸᬗᬦ᭄ᬦᬩ᭄ᬭᬶ᭞ᬫᬳᬮᬳᬶᬩ᭄ᬦᭂᬓᭂᬧ᭄ᬳᭂᬚᬶᬢ᭄᭞ᬳᬶᬩᬗ᭄ᬓᭀᬮ᭄ᬫᬤᬦ᭄ᬤᬦ᭄᭞ᬓᬭᬾᬩᬾᬂᬩᬳᬦ᭄᭞ᬭᬾᬜ᭄ᬘᬂ᭞ᬍᬗᭂᬤᬾᬓᭂ᭠
[᭗7A]
ᬦᬩᬦ᭄ᬫᬶᬫᬶᬲ᭄᭞ᬲᬶᬓᭂᬧ᭄ᬦᬕᬭ᭞ᬍᬩᭂᬭᬶᬦ᭄ᬫᬫ᭄ᬩᭂᬤᬶᬮᬦ᭄᭟ᬢᬜ᭄ᬘᬭᬶᬢᬯᬶᬭᬾᬄᬳᬶᬤᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬲᬫ᭄ᬧᬸᬦ᭄ᬫᬦᬸᬗ᭄ᬕᬂᬖᬶᬭᬶ᭞ᬩᬸᬓᬫᬜᬧᬶᬳᬂ᭞ᬬᬸᬤᬦᬾᬭᬭᬶᬲ᭄ᬳᬶᬤ᭞ᬰᬹᬭᬅᬫ᭄ᬮᬧᬸᬭᬵᬕᭂ᭠
ᬮᬶᬲ᭄᭞ᬫᬗ᭄ᬭᬜ᭄ᬚᬶᬂᬓᬸᬝᬵ᭞ᬓᬤᬶᬭᬶᬓᬚᬕ᭄ᬭᬳᬶᬦ᭄᭟ᬭᬾᬄᬓᬩᬯᭀᬲ᭄ᬘᬶᬢ᭄ᬢᬦᬶᬱᬸᬦ᭄ᬲ᭠ᬫ᭄ᬧᬸᬦ᭄ᬕᬶᬗ᭄ᬕᬂ᭞ᬪᬓ᭄ᬢᬶᬦᬾᬓᬦᬕᬭᬶ᭞ᬓᬮᬶᬄᬳᬶᬧᬭᬾᬱ᭞ᬲᬫ᭄ᬧᬸᬦ᭄ᬲᬓᭀᬗ᭄ᬓᭀᬮ᭄ᬫᬦᬄ᭞ᬦᬶᬦᬹᬳᬶ
ᬦ᭄ᬳᬶᬩᬗ᭄ᬓᭀᬮ᭄ᬫᬳᬶᬮ᭄᭞ᬳᬬᬢᬦ᭄ᬩᬾᬜ᭄ᬚᬂ᭞ᬗᬗ᭄ᬓᬢᬶᬦ᭄ᬧ᭄ᬭᬬᬤᬾᬰᬶ᭟ᬫᬗ᭄ᬤᬾᬧᬸᬧᬸᬘᭂᬄᬩᭀᬗ᭄ᬓᭀᬮ᭄ᬜᬦᬾᬳᬩ᭄ᬭᬶᬬᬓᬦ᭄᭞ᬧᬶᬮᬶᬩᭀᬬᬗᬸᬭᬶᬲᬶᬓ᭄᭞ᬘᬭᬗᬾᬦᬾᬓᬢᬄ᭞ᬢᭀᬂᬩᬦᬶᬫᬗ᭄ᬕᭀ᭠
ᬩᬬᬂ᭞ᬲᬶᬬᬢ᭄ᬫᬋᬧ᭄ᬓᬦᬕᬭᬶ᭞ᬳᬓᬾᬢᭀᬧ᭄ᬭᬕᬢ᭄᭞ᬧᬗ᭄ᬭᬯᭀᬲᭂᬤᭂᬓ᭄ᬯᭂᬗᬶ᭟ᬧᬺᬧᬸᬗ᭄ᬕᬯᬧᬫᬢᬸᬢ᭄ᬩᬯᭀᬲ᭄ᬳᬶᬤ᭞ᬲᬂᬫᬓᬲᬾᬦᬧᬢᬶ᭞ᬳᬧᬦ᭄ᬯᬕ᭄ᬫᬶᬫᬬ᭞ᬢᬦ᭄ᬓᬸᬭᬂᬧᬯᬶᬯᬾᬓ᭞ᬳᭂᬦᭂᬂ
Page:Bali-lontar-gaguritan-rusak-sasak-01-300ppi.pdf/7
This page has been proofread.
