[᭓᭑31B]
᭓᭑
ᬭᬯᬸᬄᬭᬶᬂᬧᬭᬬ᭞ᬫᬸᬲᬸᬳᬾᬤᬶᬢᬸᬫᭂᬦ᭄ᬤᬓ᭄᭞ᬳᬚᬳᬦ᭄ᬫᬓᭂᬍᬲ᭄ᬭᬭᬶᬲ᭄᭞ᬳᬶᬲᬢ᭄ᬭᬸᬧ᭄ᬭᬬ᭞ᬚ᭄ᬭᭀᬦᬶᬂᬓᬸᬝᬵᬦᬗ᭄ᬕᬮᬶᬦ᭄᭟ᬗᬸᬫᬦ᭄ᬤᭂᬮᬂᬕᭂᬮᬃᬓᬸᬓᬸᬄᬫᬫ᭄ᬩᬮ᭄ᬳᬫ᭄ᬩᬮ᭄᭞ᬅᬦᬓᬾᬅᬕᬸᬂᬓᬮᬶᬄ᭞ᬗᬸᬢᬸᬲ᭄ᬫᬗᬸᬮᬳᬂ᭞ᬲᬶᬓᭂ᭠
ᬧ᭄ᬲᬓᬶᬂᬦᬕᬭ᭞ᬢᬸᬳᬭᬧᭂᬕᬢ᭄ᬧᭂᬕᬢ᭄ᬫᭂᬤᬶᬮᬶᬦ᭄᭞ᬫᬦᬾᬓᬶᬦ᭄ᬕᭂᬮᬃ᭞ᬢᬸᬳᬭᬫᬗᬶᬢᬸᬂᬫᬢᬶ᭟ᬓᬤᬶᬕᬚᬄᬫᬸᬳᬦᬶᬩᭂᬘᬶᬓ᭄ᬲᭂᬥᭂᬂᬕᬮᬓ᭄᭞ᬫᬩᬶᬦ᭄ᬤᭂᬃᬗᬸᬲᬓ᭄ᬳᬲᬶᬓ᭄᭞ᬲᬳᬲᬸᬫ᭄ᬩᭂᬃᬲᬸᬫ᭄ᬩᭂᬃ᭞ᬩᬶᬕᭂᬮ᭄ᬫᭀᬓ᭄ᬧᭀᬓᬶ
ᬦ᭄ᬲᬶᬧᬄ᭞ᬢᬸᬳᬭᬢᬓᬸᬢ᭄ᬓᬩᭂᬤᬶᬮᬶᬦ᭄᭞ᬢᬸᬯᬶᬗᬦ᭄ᬤᭂᬮᬂ᭞ᬩᬩᬤᭀᬂᬲᬫᬶᬩᭂᬘᬶᬓ᭄᭟ᬳᬶᬧᬭᬬᬲᬶᬂᬫᬢᬗ᭄ᬕᬮ᭄ᬫᬜ᭄ᬚᬸᬕᬾᬕᬕ᭄᭞ᬓᬸᬤᬂᬤᬰᬗ᭄ᬕᬸᬮᬶᬦ᭄ᬢᬶᬓ᭄᭞ᬲᬶᬳᬢ᭄ᬫᬳᭀᬕᬦ᭄᭞ᬜᬶᬤᬺᬓᬘᬶᬤ᭄ᬭᬕᬮᬓ᭄
ᬲᬶᬂᬓᬲᬶᬤᬺᬩᬄᬫᬧᬸᬕ᭄ᬮᬶᬂ᭞ᬢᬸᬳᬭᬓᬶᬍᬲᬦ᭄᭞ᬲᬶᬮᬶᬄᬢᬓᭂᬳᬦ᭄ᬕᭂᬢᬶᬄ᭟ᬲᬕᬾᬢ᭄ᬳᭂᬦᭀᬢ᭄ᬓᬧᬮᬦ᭄ᬧ᭄ᬭᬂᬤᬶᬦᬕᬭ᭞ᬧᬸᬗ᭄ᬕᬯ᭄ᬯᬢᭀᬲ᭄ᬩᬩᭂᬘᬶᬓ᭄᭞ᬳᬶᬤᬯᬮᬲᬸᬯᬾᬘ᭞ᬦᬾᬲᬸᬩᬢᬦ᭄ᬓᬢᬫᬦ᭄᭞ᬩᬦ᭄
[᭓᭒32A]
ᬲᭀᬭᭀᬄᬲᬜ᭄ᬚᬢᬲ᭄ᬫᬶ᭞ᬳᬶᬭᬶᬓᬭᬸᬲᬓ᭄᭞ᬓᭂᬦᬩᬦ᭄ᬫᬶᬲᬦ᭄ᬥᬶ᭞ᬬᬤᬶᬦ᭄ᬓᬾᬢᭀᬲᬶᬓᭂᬧ᭄ᬦᬕᬭᬦᬾᬗᬸᬮᬄ᭞ᬦᬺᬚᬓ᭄ᬫᬗᬧᬹᬓ᭄ᬫᭂᬤᬶᬮ᭄᭞ᬩᬳᬸᬓᬮᬶᬄᬳᬫ᭄ᬩᬮ᭄᭞ᬕᭂᬮᬃᬫᬸᬲᬸᬳᬾᬩ᭄ᬭᬲ᭄ᬢ᭞ᬓᬸᬩᬸᬓᬸᬩᬸᬦ᭄ᬳᬶᬧᬸᬦ᭄ᬩᬺ᭠
ᬲᬶᬄ᭞ᬕᭂᬲᭂᬂᬓᬢᬸᬦᬸᬳᬦ᭄᭞ᬤᬤᬶᬓᬮᬗᬦ᭄ᬯᭂᬗᬶ᭟ᬅᬦᬓ᭄ᬅᬕᬸᬂᬓᬮᬶᬄᬲᬫᬶᬲᬫ᭄ᬧᬸᬦ᭄ᬩᬸᬤᬮ᭄᭞ᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭞ᬳᬸᬦ᭄ᬢᬢ᭄ᬅᬫ᭄ᬮᬧᬸᬭᬵ᭞ᬢᬍᬃᬲᬫ᭄ᬧᬸᬦ᭄ᬫ᭄ᬩᬾᬩᬲᬂ᭞ᬤᬾᬰᬧᬚᬗ᭄ᬕᬶᬓᬪᬱ᭄ᬫᬶ᭞ᬤᬶᬤᬗᬶᬦ᭄ᬧ᭄ᬭᬬ᭞
ᬲᬓᬶᬂᬧᬸᬚᬸᬢ᭄ᬫᬭᬦᬶᬦ᭄᭟ᬢᬸᬯᬶᬗᭂᬲ᭄ᬗᭂᬲ᭄ᬫᬸᬲᬳᬾᬤᬗᬶᬦ᭄ᬧ᭄ᬭᬬ᭞ᬓᭀᬧᬂᬧᬥᬧᬓᬮᬶᬄ᭞ᬥᬃᬫ᭄ᬫᬚᬶᬧᬸᬦᬶᬓ᭞ᬫᬸᬚᬸᬃᬲᬫᬶᬫᬸᬢᬸᬲᬦ᭄᭞ᬭᬯᬸᬳᬾᬓᬧᬸᬚᬸᬢ᭄ᬕᭂᬮᬶᬲ᭄᭞ᬫᬢᬹᬃᬩᬲᬚ᭞ᬦ᭄ᬤᬯᭂᬕᬂᬦᬸᬦᬲ᭄ᬳᬸᬭᬶᬧ᭄᭟ᬫᬗ᭄ᬤᭃ
ᬳᬶᬤᬉᬚᬸᬅᬫ᭄ᬮᬦᬕᬭ᭞ᬫᬗ᭄ᬕᬫᭂᬮ᭄ᬲᬮᬶᬄᬢᬸᬗ᭄ᬕᬶᬮ᭄᭞ᬤᬸᬭᬸᬂᬓᬫᬃᬕ᭄ᬕᬦᬦ᭄᭞ᬲᬕᬾᬢ᭄ᬦ᭄ᬤᬤᬓᬂ᭠ᬳᬤ᭞ᬓᬳᬢᬹᬃᬓᬩᬢᬸᬚᬳᬶ᭞ᬦᬾᬤᬶᬦᬃᬫ᭄ᬫᬤ᭞ᬓᬧᭂᬲ᭄ᬫᬢᬗ᭄ᬕᬮ᭄ᬭᬸᬚᬶᬢ᭄᭟ᬢᬦᬄᬢᭂᬧᭀᬂᬤᭂᬮᭀᬤ᭄᭠
Page:Bali-lontar-gaguritan-rusak-sasak-01-300ppi.pdf/32
This page has been proofread.
