[᭒᭘28B]
᭒᭘
ᬫᬸᬮᬵᬜᬤᬶᬳᬬᬂᬕᬢᬶ᭞ᬳᬶᬤᭂᬧᬗᬭᬸᬲᬓ᭄᭞ᬳᬶᬤᬰᬹᬭᬅᬫ᭄ᬮᬧᬸᬭᬵ᭞ᬓᬧᬢᭀᬢᭀᬢ᭄ᬢᭂᬓᬤᬤᬶ᭞ᬫᬤᬸᬓ᭄ᬳᬤᬸᬓᬦ᭄᭞ᬜᭂᬧᭂᬕ᭄ᬓᬲᭂᬧᭂᬕ᭄ᬢᬶᬢᬶᬃ᭟ᬫᬳᬶᬲᬸᬗᬦ᭄ᬲᬕᬾᬢ᭄ᬫᬸᬲᬸᬄᬓᬤᬾᬦ᭄ᬭᭀᬯᬂ᭞ᬳᬓᬾᬄ
ᬫᬢᬢᬸᬫᬢᬶ᭞ᬳᬧᬦ᭄ᬢᬸᬳᬭᬧᭂᬕᬢ᭄᭞ᬲᬶᬓᭂᬧ᭄ᬲᭂᬮᬫᬾᬢᭂᬓ᭞ᬫᬦᬾᬫ᭄ᬧᭀᬗᬶᬦ᭄ᬫᬜᬫ᭄ᬧᬶᬗᬶᬦ᭄᭞ᬲᬶᬓᭂᬧ᭄ᬦᬕᬭ᭞ᬓᬩᭂᬢ᭄ᬫᬢᬗ᭄ᬕᬮ᭄ᬚᬸᬭᬶᬢ᭄᭟ᬤᬤᬶᬢᭂᬓᭂᬤ᭄ᬲᬶᬓᭂᬧ᭄ᬭᬭᬂᬤᬶᬳᬚᭂᬗᬦ᭄᭞
ᬰᬹᬭᬅᬫ᭄ᬮᬧᬸᬭᬵᬭᬭᬶᬲ᭄᭞ᬓᬳᬫᬹᬓᬢᬸᬫ᭄ᬩᬓ᭄᭞ᬳᬤᬗᬗ᭄ᬕᭀᬓᬮᬾᬯᬂ᭞ᬜᭂᬧᭂᬕ᭄ᬗᬸᬩᬢ᭄ᬳᬩᬶᬢᬶᬢᬶᬃ᭞ᬰᬹᬭᬵᬅᬫ᭄ᬮᬧᬸᬭᬵ᭞ᬓᬲᬾᬧ᭄ᬜᬫ᭄ᬩᬸᬢ᭄ᬧᬗᬯᬶᬦ᭄᭟ᬩᬶᬮᬶᬄᬓᭂᬦᬦᬗ᭄ᬳᬶᬂᬢᬸᬳᬭᬳᬩᬶᬲᬩᬶᬗ᭄ᬓ᭄ᬮᬓ᭄᭞ᬳᬶᬳ᭠
ᬦᬓ᭄ᬫᬜᬋᬗᬶᬦ᭄᭞ᬕ᭄ᬥᬾᬧᬸᬢᬸᬧᬭᬄ᭞ᬓᬢᬸᬗ᭄ᬲᭂᬄᬩᬦ᭄ᬓᬮᬾᬯᬂ᭞ᬲᬫᬶᬓᬮᬶᬲ᭄ᬫᬓᬓᬮᬶᬄ᭞ᬩᬸᬓᬤᬤᬓᬂ᭞ᬳᬤᬗᬦ᭄ᬤᭀᬂᬫᬮᬳᬶᬩ᭄᭟ᬳᭂᬦ᭄ᬢᭀᬓ᭄ᬭᬡᬚᬸᬮᬶᬓᭂᬫ᭄ᬩᬮ᭄ᬧᬥᬓᭂᬘᬕ᭄᭞ᬢᬹᬢᬶᬂᬧᬬᬸᬂᬗ᭄ᬕᬸᬮᬶᬦ᭄ᬢᬶᬓ᭄᭞
[᭒᭙29A]
ᬦᬾᬫᬗᬩᬭᬸᬲᬓ᭄᭞ᬓ᭄ᬭᬡᬭᬭᬗᬾ᭞ᬜ᭄ᬚᬭᬄ᭞ᬳᬶᬲᬶᬦ᭄ᬓᭂᬫ᭄ᬩᬮ᭄ᬫᭀᬫᭀᬢ᭄ᬚᬢᬶ᭞ᬲᬦᭀᬭᬦᭀᬭ᭞ᬫᬳᬚᬶᬧᭂᬢᬂᬓᭂᬝᬶ᭟ᬅᬦᬓ᭄ᬅᬕᬸᬂᬫᬤᬾᬓᬭᬗ᭄ᬳᬲᭂᬫ᭄ᬩᬸᬦ᭄ᬢᬲ᭄᭞ᬓᬦᬃᬫ᭄ᬫᬤᬫᬗ᭄ᬭᬭᬶᬲ᭄᭞ᬲᬧᬫᬶᬢᬶᬂᬩᬾ
ᬩᬲ᭄᭞ᬢᬸᬳᬭᬫᬦᭀᬮᬶᬄᬭᭀᬯᬂ᭞ᬦᬾᬭᬸᬲᬓ᭄ᬤᬶᬢᬸᬓᬮᬳᬶᬦ᭄᭞ᬳᬓᬸᬤᬂᬤᬰ᭞ᬩᬗ᭄ᬓᬾᬮ᭠ᬬᭀᬦ᭄ᬗ᭄ᬕᬸᬮᬶᬦ᭄ᬢᬶᬓ᭄᭟ᬩᬳᬶᬭᬯᬸᬄᬤᬶᬧᬸᬭᬶᬳᬦ᭄ᬭᬭᬶᬲ᭄ᬳᬶᬤ᭞ᬰᬹᬭᬅᬫ᭄ᬮᬧᬸᬭᬵᬳᬾᬮᬶᬂ᭞ᬭᬶᬂᬚᬸᬮᬶᬦᬾᬓᭂ᭠
ᬘᬕ᭄᭞ᬫᬓᬤᬶᬧᬘᬦᬗᬦ᭄᭞ᬫᬗᬫ᭄ᬧ᭄ᬭᭀᬲ᭄ᬗᬸᬢᬸᬲᬂᬭᬭᬶᬲ᭄᭞ᬦᬸᬦ᭄ᬢᬸᬦ᭄ᬗᬾᬗ᭄ᬕᬮᬂ᭞ᬤᬶᬚᬧᬘᬂᬳᬮᬶᬄ᭟ᬤᬾᬓᬳᬸᬳᬸᬲ᭄ᬢᬸᬯᬶᬳᬾᬫᭂᬂᬗᬫᬦᬳᬂ᭞ᬲᬓᬾᬯᬮᬫᬫᬃᬕ᭄ᬕᬶ᭞ᬩᬸᬤᬮ᭄ᬭᬶᬂᬳᬬᬸᬦᬦ᭄᭞ᬕᭂᬮᬶᬲ᭄ᬫ᭠
ᬮᬶᬄᬫᬢᬸᬮᬓ᭄᭞ᬗᬢᬸᬭᬂᬢᬦ᭄ᬯᬾᬦ᭄ᬢᭂᬦ᭄ᬓᭂᬦᬶ᭞ᬰᬹᬭᬅᬫ᭄ᬮᬧᬸᬭᬵ᭞ᬫᭂᬦᭂᬂᬫᬯᬃᬡ᭄ᬦᬦᬗᬶᬲ᭄᭞ᬤᬤᬶ᭠ᬓᬢᬹᬃᬳᭀᬃᬭ᭄ᬭᬦᬾᬢᬸᬳᬭᬤᬓᬶᬭᬂ᭞ᬭᬶᬂᬅᬦᬓ᭄ᬅᬕᬸᬂᬮᬶᬗ᭄ᬲᬶᬃ᭞ᬳᬶᬤᬦᬾᬫᬮᬶᬗ᭄ᬕ᭞ᬤᬶᬩᬢᬸᬚᬳᬶᬫᭂᬗ᭄ᬕᬄ᭞
Page:Bali-lontar-gaguritan-rusak-sasak-01-300ppi.pdf/29
This page has been proofread.
