This page has been proofread.
[᭓᭒ 32B]
᭓᭒
ᬭᬶᬂᬅᬭᬩ᭄ᬫᬤᬦᬤᬦᬵ᭟᭐ᬭᬶᬂᬩᬮᬶᬗᬲ᭄ᬢᬵᬯᬬᬂ᭞ᬓᬮᬸᬓᬢ᭄ᬤᬶᬚᬕᬢ᭄ᬲᬫᬶ᭞ᬳᬶᬤᬧᬹᬃᬯ᭄ᬯᬦᬶᬂᬧᬡ᭄ᬥᬶᬢ᭞ᬳᬶᬤᬪᬝᬵᬭᬩᬯᬸᬭᬯᬸᬄ᭞
ᬅᬧᬦ᭄ᬳᬶᬤᬵᬫᬯᬾᬄᬕᬫᬵ᭞ᬳᬶᬤᬧ᭄ᬭᬧ᭄ᬢᬶ᭞ᬩ᭄ᬭᬳ᭄ᬫᬵᬡᬯᬶᬓᬸᬪᬶᬓ᭄ᬱᬸᬓ᭟᭐ᬳᬶᬤᬵᬜᭂᬚᭂᬭᬂᬳᬕ᭄ᬕᬫᬵ᭞ᬜᬸᬦ᭄ᬤᬭᬶᬦ᭄ᬚᬕᬢ᭄ᬲᬫᬶ᭞ᬳᬶᬤᬵᬢ᭄ᬯᬄ
ᬫᬦᬸᬗ᭄ᬕᬮᬂ᭞ᬲᬂᬳ᭄ᬬᬂᬢᬸᬗ᭄ᬕᬮ᭄ᬳᬶᬤᬵᬓᬯᬸᬯᬸᬲ᭄᭞ᬳᬶᬤᬵᬧᬜᬶᬯ᭄ᬬᬦ᭄ᬚᬕᬢ᭄᭞ᬰᬶᬯᬚᬢᬶ᭞ᬤᬤᬶᬕᬸᬭᬸᬦᬶᬂᬢ᭄ᬭᬶᬮᭀᬓᬵ᭟᭐ᬪᬝᬵᬭᬕᬸ
ᬭᬸᬫᬲᬶᬄᬳᬶᬤᬵ᭞ᬳᬶᬤᬫᬗᬸᬭᬸᬓᬂᬲᬳᬶ᭞ᬓ᭄ᬭᬡᬩᬶᬱᬩᬜᬫᬗᭀᬮᬄ᭞ᬮᬫ᭄ᬧᬄᬮᬓ᭄ᬱᬦᬫᬯᬸᬯᬸᬲ᭄᭞ᬫ᭄ᬭᬱᬲᬸᬩᬫᬓᭂᬦᭂᬳ
[᭓᭓ 33A]
ᬳᬦ᭄᭞ᬜᬶᬧ᭄ᬢᬵᬩᬸᬤ᭄ᬥᬶ᭞ᬳᬶᬤᬵᬦᬸᬦ᭄ᬤᬾᬦ᭄ᬩᭂᬢᭂᬓ᭄ᬮᬬᬄ᭟᭐ᬳᬶᬤᬵᬫᬮᬶᬗ᭄ᬕᬵᬭᬶᬂᬢ᭄ᬗᬄ᭞ᬳᬶᬤᬵᬫᬮᬶᬄᬫᬭᬶᬂᬲᬶᬲᬶ᭞ᬳᬶᬤᬵᬦᬾᬫ᭄ᬭᬕ᭄ᬕ
ᬓᬢᬄ᭞ᬳᬶᬤᬵᬯᬦ᭄ᬢᬄᬳᬳᬸᬓᬸᬤ᭄᭞ᬳᬶᬤᬵᬇᬲ᭄ᬢ᭄ᬭᬶᬳᬶᬤᬮᬦᬂ᭞ᬫᬯᬓ᭄ᬩᬜ᭄ᬘᬶᬄ᭞ᬓ᭄ᬭᬦᬳᬶᬤᬫᬯᬶᬰᬾᬱ᭟᭐ᬓᬾᬦ᭄ᬓᬾᬦ᭄ᬩᬳᬦ᭄ᬫᬫᭂᬤ
ᬲᬂ᭞ᬳᬧᬂᬢᬯᬂᬳᬶᬤᬵᬚᬢᬶ᭞ᬤᬤᬶᬢᬶᬗ᭄ᬳᬮᬶᬦ᭄ᬳᬧᬢ᭄ᬯᬭᬵ᭞ᬳᬯᬓᬾᬚ᭄ᬯᬮᬶᬦ᭄ᬢᬂᬓᭀᬮᬸᬕ᭄᭞ᬮᬶᬗ᭄ᬕᬦ᭄ᬳᬶᬤᬵᬭᬶᬂᬳᬶᬕ᭄ᬕᬫᬵ᭞ᬮ
ᬫᬸᬦ᭄ᬚᬢᬶ᭞ᬳᬶᬕ᭄ᬕᬫᬦᬾᬢᬢᬲ᭄ᬢᬯᬂ᭟᭐ᬳᬶᬕ᭄ᬕᬫᬵᬦᬾᬤᬤᬶᬮᬶᬗ᭄ᬕᬵ᭞ᬮᬶᬗ᭄ᬕᬦ᭄ᬳᬶᬤᬲᬗ᭄ᬳ᭄ᬬᬂᬯᬶᬥᬷ᭞ᬤᬾᬯᬪᬝᬵᬭᬫᬓᭂᬚᬂ᭞ᬕ
