This page has been proofread.
[᭑᭔ 14B]
᭑᭔
ᬩᭂᬃᬫᬦᬸᬢᬸᬕ᭄᭞ᬦᬾᬦᬸᬤᬸᬄᬫ᭄ᬮᬄᬩᬸᬤ᭄ᬬᬂ᭞ᬳᭂᬦ᭄ᬢᭀᬢᬶᬡ᭄ᬥᬶᬳᬶᬦ᭄᭞ᬲᬢᬸᬳᬸᬓ᭄ᬗ᭄ᬭᬰᬦᬶᬂᬤᬸᬓᬵ᭟᭐ᬳᬶᬤᬸᬧᬾᬯᬢᭂᬓ᭄ᬫᭂᬋᬲᬄ᭞
ᬲᬗ᭄ᬓᬦ᭄ᬲᬗ᭄ᬰᬭᬵᬓᬭᬦᬶᬦ᭄᭞ᬫᬼᬤᬾᬗᬯᬶᬦᬂᬳᬸᬬᬂ᭞ᬢᬺᬱ᭄ᬡᬦᬾᬚ᭄ᬯᬵᬫᬦᭂᬕᬸᬮ᭄᭞ᬉᬭᬶᬧᬾᬢᬦ᭄ᬲᬄᬩ᭄ᬥᬓ᭄᭞ᬲᬳᬶᬳᬶᬦᬸᬫᬶ
ᬦ᭄᭞ᬦᬗ᭄ᬳᬶᬂᬢᬦ᭄ᬲᬄᬳ᭄ᬦᬸᬩ᭄ᬥᬓ᭄᭟᭐ᬳᬶᬓᬦᬾᬗᬯᬶᬦᬂᬳᭂᬫ᭄ᬩᬲ᭄᭞ᬳᬕᬫᬢ᭄ᬯᬶᬇᬮ᭄ᬫᬸᬩᬢᬶᬦ᭄᭞ᬧᬤᬫᬗ᭄ᬭᬸᬭᬸᬄᬓᬯᬶᬢᬦ᭄᭞
ᬲᬗ᭄ᬓᬦ᭄ᬧᬭᬦ᭄ᬳᬸᬭᬶᬧ᭄ᬳᬶᬓᬸ᭞ᬲᬓᬶᬂᬭᬶᬳᬶᬦ᭄ᬓᬳᬸᬮᬄ᭞ᬓᬓᬬᬸᬦᬶᬦ᭄᭞ᬓᬬᬂᬫᬗ᭄ᬓᬶᬦ᭄ᬤᬸᬭᬸᬂᬧᭂᬤᬲ᭄᭟᭐ᬳᬓᬾᬄᬯᬾᬦ᭄ᬢᭂᬦ᭄ᬭᬭᬜ᭄ᬘ
[᭑᭕ 15A]
ᬗᬦ᭄᭞ᬧᬗ᭄ᬭᬾᬓᬦᬾᬢᬶᬤᭀᬂᬬᬸᬓ᭄ᬢᬶ᭞ᬳᬗ᭄ᬕᬾᬦ᭄ᬗᬧᬸᬲᬶᬦ᭄ᬫᬦᬄ᭞ᬫᬗ᭄ᬤᬾᬢᬶᬲ᭄ᬲᬶᬋᬧᬾᬦ᭄ᬭᬸᬲ᭄᭞ᬳᬦ᭄ᬢᬸᬓᬾᬫᬗ᭄ᬮᬾᬩᬂ᭞ᬦᬾᬢᬶ
ᬡ᭄ᬥᬶᬳᬶᬦ᭄᭞ᬦᬗ᭄ᬓᭂᬦᬶᬦ᭄ᬚᬢᬶᬲᬚᬵ᭟᭐ᬦᬗ᭄ᬳᬶᬂᬬᬜ᭄ᬚᬢᬶᬫᬼᬤ᭄᭞ᬭᬶᬂᬲᬸᬚᬢᬶᬦᬶᬂᬯ᭄ᬬᬓ᭄ᬢᬶ᭞ᬧᬗ᭄ᬭᬲᬦᬾᬳᬗ᭄ᬕᬾᬦᬶᬗ᭄ᬳᬮ᭄᭞ᬤᬵᬚᬕ᭄ᬩᭂ
ᬓᭀᬄᬫᬗᬸᬕᬸ᭞ᬢ᭄ᬓᬾᬦᬶᬂᬧᬶᬢᬸᬢᬸᬃᬳᬦᬓ᭄᭞ᬢᬦ᭄ᬧᬩᬸᬓ᭄ᬢᬶ᭞ᬧᬢᬸᬢ᭄ᬭᬲᬬᬂᬧᬤᬶᬤ᭄ᬬᬦ᭄᭟᭐ᬳ᭄ᬥᬦᬕᬶᬄᬗᬺᬲᭂᬧᬂ᭞ᬜᭂᬦ᭄ᬢᭀᬓᬂ
ᬤᬾᬯᬾᬓ᭄ᬭᬶᬭᬶᬄ᭞ᬳᬧᬦ᭄ᬳᭂᬤᭀᬂᬓᬤᬸᬯᭂᬕᬦ᭄᭞ᬢᬦ᭄ᬯᭂᬦᬂᬋᬲᭂᬧᬂᬢᬸᬳᬸ᭞ᬯᬦ᭄ᬢᬄᬧᬗ᭄ᬭᬲᬦᬾᬯ᭄ᬦᬂ᭞ᬫᬗ᭄ᬭᬲᬦᬶᬦ᭄᭞ᬤᬵᬫᬢᬓᬾᬦ᭄
