This page has been proofread.
[᭙᭖ 96B]
᭙᭖᭟
ᬦᬶᬓᬭᬹᬧ᭞ᬬᬦ᭄ᬧᬃᬡ᭄ᬦᬬᬂᬤᬕᬶᬗᬶᬂᬢᬗᬶᬲ᭄᭞ᬢᬶᬬᬶᬗᬾᬮᬶ᭠ᬗ᭄ᬲᭂᬄᬮᬶᬗ᭄ᬲᭂᬳᬦ᭄᭞ᬫᬓ᭄ᬭᬾᬬᭀᬓ᭄ᬢᬫ᭄ᬧᬸᬳᬶᬦ᭄ᬳᬗᬶᬦ᭄᭞ᬫᬶᬭᬶᬩ᭄ᬜᬓᬲᬃᬲᬂ᭠
ᬮᬮᬶᬲ᭄᭞ᬦᬾᬢᬾᬥᬄᬫᬦᬶᬗ᭄ᬕᬮ᭄ᬲᬸᬦᬸ᭞ᬢᭀᬬᬦᬾᬜᭂᬩᬸᬭᬶᬦ᭄ᬚᬸᬭᬂ᭞ᬧᬗ᭄ᬓᬸᬂᬘᬸᬧᬶᬢ᭄ᬓᬘᭂᬩᬸᬭᬶᬦ᭄᭞ᬓᬤᬶᬗ᭄ᬭᬸᬫᬸᬓ᭄᭞ᬗᭀᬧᭂᬢ᭄ᬲᬂᬫ
ᬦᬶᬗ᭄ᬕᬮ᭄ᬧᬸᬢ᭄ᬭ᭟᭜᭟ᬳᬶᬓᬺᬓᬸᬯᬓ᭄ᬮᬶᬸᬂᬓ᭄ᬮᬦ᭄ᬳᬶᬩᬸᬘᬶᬘ᭞ᬗᬭᬾᬘᭀᬜᭂᬮ᭄ᬲᭂᬮ᭄ᬲᬂᬮᬮᬶᬲ᭄᭞ᬫᬶᬦᬩ᭄ᬲᬧᬸᬦᬶᬓᬶᬗᬸᬘᬧ᭄᭞ᬜᬫᬩ᭄ᬭᬬ
ᬧᬥᬲᭂᬤᬶᬄ᭞ᬳᭂᬤᬦᬶᬭᬸᬯᬶᬤ᭄ᬬᬥᬭᬷ᭞ᬦᬾᬩᬸᬤᬸᬄᬗᬸᬗ᭄ᬕᬳᬶᬦ᭄ᬓᬓᬸᬂ᭞ᬮᬯᬸᬢ᭄ᬫᬭᬗᭂᬮᬄᬧ᭄ᬬᬦᬓ᭄᭞ᬲᬕᬾᬢ᭄ᬫᬓᭂᬲᭂᬃᬗᬮᬳᬶᬦ᭄᭞ᬗᬸ
[᭙᭗ 97A]
ᬮᬄᬳᬮᬸᬄ᭞ᬗᬮᬶᬄᬳᬾᬮᬳᬾᬧᬤᬶᬤ᭄ᬬᬦ᭄᭟᭜᭟᭓᭟ᬢᬸᬮᬓ᭄ᬓᬾᬧᬕᬯᬾᬕᭂᬮᬄ᭞ᬲᬂᬳ᭄ᬬᬂᬅᬢ᭄ᬫᬦᬾᬫᬶᬲᬶᬲᬶᬧ᭄᭞ᬲᬢ᭄ᬗᬃᬤ᭄ᬥᬶᬲᬸᬯᬸ᭠
ᬗᬶᬂᬚ᭄ᬕᬳᬢ᭄᭞ᬳᬶᬫ᭄ᬩᬢᭀᬂᬜᬦ᭄ᬤᬂᬢᬸᬭᬸᬢᬶᬦ᭄᭞ᬳᬶᬤᬗᬧ᭄ᬤ᭠ᬗᬧ᭄ᬤᭂᬧᬶᬦᬶᬦ᭄᭞ᬳᬧᬂᬬᬤᭀᬕᬾᬦ᭄ᬫᬦᬶᬭᬸ᭞ᬫᬗᬸᬢᬂᬢᬮᬸᬄᬲᬶᬂᬚᬮᬦ᭄
ᬫᬓᭂᬩᭂᬃᬫᬶᬍᬄᬓᬮᬳᬶᬦ᭄᭞ᬤᭂᬕᬕ᭄ᬮᬗ᭄ᬓᬸᬂ᭞ᬲᬕᭂᬤᬾᬦ᭄ᬓᬬᬸᬦᬾᬳᭀᬕᬃ᭟᭜᭟᭔᭟ᬫᬶᬗ᭄ᬓᬶᬦᬶᬧᬸᬦ᭄ᬳᬶᬓᬺᬓᬸᬯᬓ᭄᭞ᬢᬫ᭄ᬩᭂᬢ᭄ᬧᬶᬲᬦ᭄ᬩᭂᬲ᭄ᬓᬍ
ᬩᬶᬄ᭞ᬢᬦᬸᬦᬶᬂᬭᬶᬉᬦᬤᬶᬓ᭞ᬢ᭄ᬯᬭᬦᬯᬂᬳᬦᬓ᭄ᬲᭂᬤᬶᬄ᭞ᬚᭂᬕ᭄ᬓᭂᬤᬾᬓ᭄ᬫᬫᬸᬗ᭄ᬓᬓ᭄ᬫᬗ᭄ᬓᬶᬓ᭄᭞ᬳᬚᬸᬫ᭄ᬗᭂᬮᬄᬓᭂᬤᬾᬓᬺᬫ᭄ᬧᬸᬄ᭞ᬲᭂᬩᭂᬢ᭄
