This page has been proofread.
[᭑᭔ 14B]
᭑᭔᭟
ᬗᬶᬜ᭄ᬚᬦ᭄ᬫᬘᭀᬭᬄᬲᬸᬓᬩᬋᬂᬳᬫ᭄ᬧᬸᬢ᭄ᬯᬾᬘᬶ᭞ᬢᬺᬱ᭄ᬡᬮᬸᬮᬸᬢᬾᬗᬮᬶᬮᬶᬢ᭄᭞ᬗᬯᭂᬢ᭄ᬯᬂᬓᬬᬸᬦ᭄ᬩᬶᬗᬸᬂ᭞ᬲ᭄ᬯᬾᬘ᭄ᬘᬦᬾᬢᭂᬓᬾᬦ᭄ᬳᬶᬭᬵᬕ᭞ᬦᬾᬫᬸᬮᬰᬶᬱ᭄ᬬᬲᬸ
ᬚᬵᬢᬶ᭞ᬪᬓ᭄ᬢᬶᬫᬸᬮᬸᬲ᭄᭞ᬦ᭄ᬢᭀᬚᬦᬶᬓᬾᬓᬦᬂᬤᬬ᭟᭐᭟᭕᭐᭟ᬓᬩ᭄ᬯᬢᬂᬳᬧᬗᬢᭂᬮᬲ᭄᭞ᬭᬸᬲᬓ᭄ᬫᬢᬶᬧᬕᬸᬮᬶᬦ᭄ᬢᬶᬓ᭄᭞ᬧᬢᬹᬢᬾᬢᬦ᭄ᬓᬲᬬᬗᬂ᭞
ᬘᭀᬭᬳᬾᬩᬮᬶᬓ᭄ᬳᬶᬮᭀᬦᬶᬦ᭄᭞ᬲᬓ᭄ᬱᬢ᭄ᬢᭂᬓᬾᬦ᭄ᬭᬵᬕᬮᬮᬶᬲ᭄᭞ᬓᬯᬳᬾᬳᬮᬶᬄᬫᬘᭂᬩᬸᬃ᭞ᬳᬗ᭄ᬕᭀᬦ᭄ᬗᬸᬩᬸᬗᬶᬦ᭄ᬧᬶᬢᬺᬱ᭄ᬡ᭞ᬰᬶᬱ᭄ᬬᬦᬾᬢᬥᬄ᭠
ᬦᬾᬚᬦᬶ᭞ᬢᭂᬓᬧᬸᬭᬸᬦ᭄᭞ᬫᬫᬸᬭᬸᬕ᭄ᬰᬶᬯᬰᬵᬲᬦ᭟᭐᭟᭕᭑᭟ᬳᬤᬶᬲᬶᬦᬄᬓᬏᬓᬦᬂ᭞ᬓᬧᭂᬭᬶᬄᬳᬧᬗᬫᬢᬶ᭞ᬧᬶᬦᬸᬦᬲ᭄ᬳᬶᬤᬸᬃᬬ᭄ᬬᭀᬥᬦ᭞
[᭑᭕ 15A]
ᬳᭂᬦ᭄ᬢᭀᬳᬦᬾᬓᬫᬃᬕ᭄ᬕᬶᬦᬶᬦ᭄᭞ᬳᬯᬦᬦ᭄ᬢᬦ᭄ᬧᬢᬹᬢ᭄ᬳᬶᬭᬶᬂ᭞ᬭᬾᬄᬤᬸᬤᬹᬢᬶᬢᬳᬶᬂᬕᬸᬭᬸ᭞ᬬᬾᬦ᭄ᬕᬸᬭᬸᬚᬵᬢᬶᬳᬤᬦ᭄ᬜ᭞ᬫᬜᬕᬰᬶᬱ᭄ᬬᬢᬦ᭄ᬫᬭᬶ᭞
ᬧᬂᬭᬳᬬᬸ᭞ᬲᬸᬓᬲᬓᬵᬮᬦᬶᬱ᭄ᬓᬮ᭟᭐᭟᭕᭒᭟ᬰᬶᬱ᭄ᬬᬦᬾᬧᬢᬸᬄᬓᬾᬦ᭄ᬧ᭄ᬬᬦᬓ᭄᭞ᬕᬸᬭᬸᬦᬾᬭᬶᬂᬩᬧᬧᬢᬶᬲ᭄᭞ᬧᬥᬲᬮᬶᬂᬫᬫ᭄ᬯᬢᬂ᭞ᬳ
ᬧᬂᬧᬥᬫᬗ᭄ᬕᬶᬄᬮᬸᬯᬶᬄ᭞ᬬᬦ᭄ᬰᬶᬱ᭄ᬬᬦᬾᬪᬬᬧᬢᬶ᭞ᬕᬸᬭᬸᬦᬾᬩᬋᬂᬧᬓᬾᬯᬸᬄ᭞ᬳᬧᬦ᭄ᬕᬸᬭᬸᬮᬯᬦ᭄ᬰᬶᬱ᭄ᬬ᭞ᬚ᭄ᬜᬵᬦᬢᬸᬗ᭄ᬕᬮ᭄ᬦ᭄ᬢᭀᬫᬧᬮᬶᬄ᭞ᬢᬸ
ᬗ᭄ᬕᬮᬶᬓᬸ᭞ᬗ᭄ᬳᬶᬂᬗᭂᬦᬄᬫᬦᬤᬶᬤᬤ᭄ᬯ᭟᭐᭟᭕᭓᭟ᬢᬸᬗ᭄ᬕᬮ᭄ᬫᬳᬯᬓ᭄ᬚ᭄ᬜᬵᬦ᭞ᬮᬾᬦ᭄ᬳᬤᬦ᭄ᬮᬾᬦ᭄ᬯᬃᬡ᭄ᬦᬶ᭞ᬳᬯᬦᬦ᭄ᬕᬸᬭᬸᬦᬾᬲᬚ᭞ᬳᬥᭀᬄ
