This page has been proofread.
[᭑᭒ 12B]
᭑᭒᭟
ᬬᬲᬶᬍᬫᬶᬦ᭄᭞ᬲᬩ᭄ᬲᬪᬧᬂᬓᬦ᭄ᬢᬶᬩᬓᬢ᭄᭞ᬳ᭄ᬬᬂᬅᬫᬺᬢᬦᬾᬉᬢ᭄ᬢᬫᬶ᭞ᬮᬯᬸᬢᬂᬘᭂᬦᬶᬂᬫᬫᬃᬕ᭄ᬕᬶ᭞ᬩᬧᬗᬘᭂᬧ᭄ᬳᬸᬮᬶᬧᬸᬗ᭄ᬓᬸᬃ᭞ᬫᬗ᭄ᬤᬳᬕᬾ
ᬓᬩᬓᬢᬂ᭞ᬬᬾᬦ᭄ᬓᭂᬦᬶᬳᬾᬗ᭄ᬕᬮᬂᬫᬸᬮᬶᬄ᭞ᬲᬶᬫ᭄ᬧᭂᬦ᭄ᬮᬯᬸᬢ᭄᭞ᬲᬸᬂᬲᬸᬂᬳᬗ᭄ᬕᭀᬦ᭄ᬅᬢ᭄ᬫᬭᬵᬓ᭄ᬱ᭟᭐᭟᭔᭒᭟ᬲᬪᬸᬢᬤᬾᬯᬫᬵᬦᬸ
ᬱ᭞ᬢᭀᬂᬳᬤᬗᬮᬳᬂᬘᭂᬦᬶᬂ᭞ᬬᬾᬦᬶᬂᬅᬫᬺᬢᬦᬾᬩᬓᬢ᭄᭞ᬦᬾᬫᬢᬶᬲᬶᬤ᭄ᬥᬓᬳᬸᬭᬶᬧ᭄᭞ᬲᬗ᭄ᬓᬦ᭄ᬕᭂᬫᭂᬢᬂᬤᬶᬳᬢᬶ᭞ᬦᬾᬢᬢᭂ
ᬮᬸᬳᬧᬂᬓᬸᬫ᭄ᬧᬸᬮ᭄᭞ᬳᬶᬥᭂᬧ᭄ᬩᬬᬸᬮᬦ᭄ᬰᬭᬷᬭ᭞ᬭᬶᬂᬅ᭠ᬚ᭄ᬜᬵᬦᬳᬧᬂᬦᬸᬗ᭄ᬕᬶᬮ᭄᭞ᬯᬸᬲ᭄ᬫᬧᬸᬦ᭄ᬤᬸᬄ᭞ᬅᬚ᭄ᬜᬵᬦᬦᬾᬤᬤᬶᬘᬥᬂ᭟
[᭑᭓ 13A]
᭐᭟ᬫᬢᭂᬫᬄᬲᬂᬳ᭄ᬬᬂᬒᬁᬓᬵᬭ᭞ᬫᬭᬵᬕᬕᬭᬸᬥᬰᬓ᭄ᬢᬶ᭞ᬰᬭᬷᬭᬦᬾᬤᬤᬶᬳᬶᬗᬦ᭄᭞ᬢ᭄ᬯᬭᬩᬳᬢ᭄ᬫᬗᭀᬩᭂᬢᬶᬦ᭄᭞ᬩᬬᬸᬳᬶᬤᭂ
ᬢᬸᬢᬹᬢ᭄ᬫᬲᬶᬄ᭞ᬭᬶᬂᬅᬚ᭄ᬜᬵᬦᬢ᭄ᬯᬭᬗᬥᬸᬓ᭄᭞ᬤᬤᬶᬕᬦ᭄ᬢᬲ᭄ᬢᬦ᭄ᬩᬭᬾᬗ᭄ᬓᬢ᭄᭞ᬫᬭᬵᬲᬧᬳᭂᬓ᭄ᬳᬦᬾᬳᬮᬶᬄ᭞ᬳᬧᬦ᭄ᬤᬶᬢᬸ᭞ᬦᬾᬗ
ᬮᬶᬄᬮᬦ᭄ᬳᬮᬶᬄᬢᬸᬗ᭄ᬕᬮ᭄᭟᭔᭔᭟ᬳᭂᬦ᭄ᬢᭀᬦᬾᬚᬦᬶᬋᬕᭂᬧᬂ᭞ᬳᬗ᭄ᬕᭀᬦ᭄ᬗᬮᬶᬄᬲᬮ᭄ᬯᬶᬃᬳᬮᬶᬄ᭞ᬮᬯᬸᬢᬂᬘᭂᬦᬶᬂᬫᬫᬃᬕ᭄ᬕ᭞ᬤᬸᬫᬥᬓ᭄ᬮᬦ᭄ᬢᬸᬃᬤᬶᬫᬃᬕ᭄ᬕᬶ᭞ᬅᬫᬺᬢ
ᬦᬾᬫᬗ᭄ᬤᬓᭂᬦᬶ᭞ᬫᬸᬕᬶᬮᬸᬧᬸᬢ᭄ᬪᬬᬓᬾᬯᬸᬄ᭞ᬧᬸᬧᬸᬢ᭄ᬲᬂᬕᬸᬭᬸᬗᬦ᭄ᬤᬶᬓ᭞ᬳᬶᬪᬷᬫᬜᬸᬫ᭄ᬩᬄᬫᬶᬲᬶᬗ᭄ᬕᬶᬄ᭞ᬫᬃᬕ᭄ᬕᬶᬮᬯᬸᬢ᭄᭞ᬦᬗ᭄ᬳᬶᬂᬓᬦ᭄ᬢᬸᬦ᭄ᬫᬦ᭄ᬢᬸᬓ᭄ᬲᬶᬫ᭄ᬧᬂ᭟᭐᭟
