[᭑᭔᭕ 145B]
᭑᭔᭕
ᬩᭀᬦᬾᬫᬮᬶᬄ᭞ᬫᬗᬶᬦᭂᬫ᭄ᬫᬦ᭄ᬤᭀᬕ᭄ᬳᭂᬦ᭄ᬤᭀᬕᬦ᭄᭞ᬏᬭᬂᬬᬾᬦ᭄ᬓᬲᭀᬃᬫᬗᬶᬦᬸᬫ᭄᭟᭙᭟ᬭᬵᬓ᭄ᬱᬲᬮᬾᬦ᭄ᬩᭂᬢᬄᬦᬶᬥᬶᬓ᭄᭞ᬧᬭᬶᬓᭀᬱ᭞ᬲᬧᬶᬲᬦ᭄ᬢᭂᬮᬲ᭄ᬧᬶᬢᬸᬂᬯᬮᬸᬄ᭞ᬮᬩ᭄ᬮᬩᬦᬾᬳᬓ᭄ᬯᬮᬶ᭞ᬳᬶᬓᬢ᭄ᬮᬲ᭄ᬓᬶᬦᬸᬫ᭄ᬲᬧᬶᬲᬦ᭄᭞ᬫᬗᬦ᭄ᬤᭂᬮ᭄ᬳᬯᬓᬾ
ᬕᬗ᭄ᬲᬸᬄ᭞ᬮᬾᬦ᭄ᬫᬢ᭄ᬧᬸᬓ᭄ᬢᭂᬧᬸᬓ᭄ᬢᬗᬦ᭄᭞ᬗᬸᬚᬶᬯᬢ᭄ᬫᬦᬂᬢᬗᬶᬦ᭄᭞ᬲᬹᬃᬬ᭄ᬬᬓᬾᬢᬦ᭄ᬧᬧ᭄ᬕᬢᬦ᭄᭞ᬯ᭄ᬯᬂᬫᬦᭀᬦ᭄ᬢᭀᬦ᭄ᬧᬥᬳᬸᬫᬸᬂ᭟᭑᭐᭟ᬤᬤ᭄ᬬᬜᬯᬾᬦ᭄ᬢᭂᬦ᭄ᬳᬲᬶᬓᬶ᭞ᬬᬵᬫᬫᬸᬜᬄ᭞ᬫᬸᬜᬶᬦᬾᬫᬯ᭄ᬢᬸᬗᬘᬸᬄ᭞ᬲᬫᬶᬓᬢᭀᬦ᭄ᬫᬸᬲᬸᬄ᭞ᬫᬦᬗ᭄ᬢᬗᬶ
ᬦ᭄ᬥᭂᬗ᭄ᬓᬓ᭄ᬥᭂᬗ᭄ᬓᬶᬓ᭄᭞ᬚᬕᬢᬾᬫᬳᬶᬓ᭄ᬢᭀᬕᬂ᭞ᬓᬚᬓᬗᬶᬦᬾᬢ᭄ᬮᬲ᭄ᬓᬵᬫᬹᬓ᭄᭞ᬳᬲᬶᬂᬢ᭄ᬓᬓᬢᭀᬦ᭄ᬓᬶᬥᬂ᭞ᬓᬓ᭄ᬧᬸᬂ᭠ᬓᬢᬶᬫ᭄ᬧᬸᬕᬶᬦ᭄᭞ᬧ᭄ᬢᭂᬂᬳᬸᬬᬸᬢ᭄ᬫᬕᬸᬲᬸᬭᬢ᭄᭞ᬦᬾᬚᬳᬶᬮ᭄ᬗᬸᬘᬧᬂᬳᬫᬹᬓ᭄᭟᭑᭑᭟ᬯᬾᬦ᭄ᬢᭂᬦ᭄ᬭᬸᬦ᭄ᬢᬸᬄᬓᬢᬶᬦ᭄ᬤᬶᬳᬦ᭄᭞ᬲᬮᬶᬂᬳᬸ
ᬬᬓ᭄᭞ᬳᬤᬗ᭄ᬮᬶᬂᬲ᭄ᬕᬸᬲ᭄ᬕᬸ᭞ᬯᬦᬾᬄᬳᬤᬸᬄᬳᬤᬸᬄ᭞ᬯᬾᬦ᭄ᬢᭂᬦ᭄ᬮᬓᬶᬮᬶᬦ᭄ᬢᬂᬲ᭄ᬗᬶᬢ᭄᭞ᬮᬸᬄᬜᬦᬾᬳᬸᬬᬓ᭄ᬢᬶᬫ᭄ᬧᬮ᭄᭞ᬲᬳᬲᬦᭂᬤᭂᬮ᭄ᬫᬗᬺᬕᬸᬢ᭄᭞ᬯ᭄ᬯᬂᬧᬲᬃᬲᬫᬶᬧᬥᬲ᭄ᬭᬩ᭄᭞ᬯᬢᭂᬓ᭄ᬮᬓᬶᬜᬕ᭄ᬚᬕᬶᬦ᭄᭞ᬫᬗᭂᬫ᭄ᬩᬭᬶᬦ᭄ᬢᬸᬃᬫᬫ᭄ᬮᬲᬂ᭞ᬲᬳᬲᬅ
[᭑᭔᭖ 146A]
᭑᭔᭖
ᬓ᭄ᬯᬾᬄᬫᬫ᭄ᬓᬸᬮ᭄᭟᭑᭒᭟ᬓᬝᬄᬜᬦᬾᬫᬧᭀᬮᬄᬘᬸᬮᬶᬕ᭄᭞ᬚ᭄ᬭᭀᬦᬶᬂᬧᬲᬃ᭞ᬮᬦᬂᬯᬤᭀᬦ᭄ᬲᬫᬶᬫᬵᬤᬸᬓ᭄᭞ᬦᬫ᭄ᬧᬶᬄᬮᬶᬗ᭄ᬲᬶᬃᬲᬵᬫ᭄ᬧᬸᬦ᭄᭞ᬯ᭄ᬯᬂᬫᬫᬲᬃᬧᬥᬫᬸᬮᬶᬄ᭞ᬳᬦ᭄ᬢᬸᬓ᭄ᬦᬕᬭᬦᬾᬮᬶᬗ᭄ᬕᬄ᭞ᬲᬫ᭄ᬧᬾᬶᬮᬶᬗ᭄ᬲᬶᬃᬫᬲᬶᬄᬓᬦ᭄ᬢᬸᬦ᭄᭞ᬦᬸᬮ᭄ᬬᬲᬫᬶᬧᬥ
ᬩᬸᬤᬮ᭄᭞ᬓᬝᬄᬯ᭄ᬯᬂᬲᬦᬾᬓᬭᬶ᭞ᬫᬫᭀᬦ᭄ᬥᭀᬓ᭄ᬲᬚ᭄ᬭᭀᬦᬶᬂᬧᬲᬃ᭞ᬓᬦ᭄ᬢᬸᬦ᭄ᬫᬤᭀᬮᬦ᭄ᬲ᭄ᬬᬂᬥᬮᬸ᭟᭑᭓᭟ᬧᬕᬕ᭄ᬧᬕᬾᬕ᭄ᬓᭀᬘᬧ᭄ᬫᬗ᭄ᬓᬶᬦ᭄᭞ᬲᬋᬂᬭᬩᬶᬦᬾᬤᬾᬲᬓ᭄ᬜᬸᬜᬸᬃ᭞ᬚ᭄ᬭᭀᬦᬶᬂᬧᬲᬃᬓᬦ᭄ᬢᬸᬦ᭄᭞ᬫᭀᬦ᭄ᬤᭀᬓ᭄ᬫᬤᭀᬮᬦ᭄ᬲᬳᬶ᭞ᬲᭀᬭᬾᬤᬾ᭠
ᬯᬱᬓᭀᬘᬧ᭄᭞ᬦᬭᬶᬂᬧᬲᬃᬫᬲᬦᬶᬂᬲᬵᬫ᭄ᬧᬸᬦ᭄ᬫᬗᬗ᭄ᬕᬸᬃ᭞ᬮᬦᬂᬲ᭄ᬢ᭄ᬭᬷᬫᬦᬸᬫ᭄ᬩᬲ᭄᭞ᬯᬦᬾᬄᬫᬧᬳ᭄ᬬᬲ᭄ᬓᬭᬶ᭞ᬮ᭄ᬬᬦ᭄ᬫᬧᬸᬧᬸᬃᬫᬕᬕᬡ᭄ᬥᬦ᭄᭞ᬯᬢᭂᬓ᭄ᬢ᭄ᬭᬸᬡᬦᬾᬫᬗᬗ᭄ᬕᬸᬃ᭟᭑᭔᭟ᬳᬶᬧᬕᬕ᭄ᬳᬾᬜ᭄ᬘᭀᬮ᭄ᬫᬗᬬᬳᬶᬦ᭄᭞ᬫ᭄ᬯᬂᬳᬭᬶᬦ᭄ᬜ᭞ᬩᬵᬦ᭄ᬭᬫᬾᬦᬾᬯ᭄ᬯᬂᬫᬦᬸᬓᬸ᭞ᬮᬾ
ᬦ᭄ᬫᬦᬸᬫ᭄ᬩᬲ᭄ᬢᬸᬜ᭄ᬚᬸᬂ᭞ᬮᬦ᭄ᬕᭂᬫ᭄ᬧᭀᬮᬦᬾᬫᬮᬶᬄ᭞ᬯᬾᬦ᭄ᬢᭂᬦ᭄ᬦᬗᬸᬦ᭄ᬧᬧᬳ᭄ᬬᬲᬦ᭄᭞ᬫᬗᬶᬮᭀᬧᬸᬧᬸᬢ᭄ᬫᬚ᭄ᬦᬸ᭞ᬧ᭄ᬭᬯᬦᬶᬣᬫᬲᬲᬜ᭄ᬚᬦ᭄᭞ᬫᬜᬥ᭄ᬬᬬᬂᬫ᭄ᬮᬮᬶ᭞ᬲᬫᬶᬧᬥᬦᬸᬫ᭄ᬩᬲ᭄ᬲ᭄ᬓᬃ᭞ᬤᬾᬲᬓ᭄ᬜᬸᬜᬸᬃᬕ᭄ᬮᬶᬲ᭄ᬫᬯᬸᬯᬸᬲ᭄᭟᭑᭕᭟ᬦᬶᬓᬶᬢᬸᬜ᭄ᬚᬸᬂᬦᬶᬮᬯᬝᬶ᭞ᬦᬾ
