[᭓᭗ 37B]
᭓᭗
ᬓᬾᬯᭂᬳᬾᬩᬗᭂᬢ᭄ᬧᬸᬧᭀᬦᬶᬦ᭄᭞ᬗᬯᬾᬮᬘᬸᬃ᭞ᬩᬸᬮᬦ᭄ᬗᬮᬶᬓ᭄ᬫᬦᬸᬫᬤ᭄ᬬ᭟ᬭᬾᬄᬦᬾᬫᬤᬦ᭄ᬓᬧᬢᬸᬢᬦ᭄᭞ᬤᬳᬢ᭄ᬫᬗᭂᬩᭂᬓᬶᬦ᭄ᬕᬸᬫᬶ᭞ᬩ᭄ᬘᬶᬓ᭄ᬫᬗ᭄ᬓᬶᬦ᭄ᬚ
ᬮᬦ᭄ᬘᬃᬘ᭄ᬘ᭞ᬓᬧᬢᬸᬢᬦ᭄ᬲᬂᬳ᭄ᬬᬂᬭᬯᬶ᭞ᬜᬶᬦᬭᬶᬦ᭄ᬚᬕᬢ᭄ᬢᬦ᭄ᬫᬭᬶ᭞ᬗᬸᬭᬶᬧᬶᬦ᭄ᬲᬃᬯ᭄ᬯᬢᬸᬫᬸᬯᬸᬄ᭞ᬢᬍᬃᬫᬸᬦᬄᬓᬜ᭄ᬘᬦ᭄ᬮᬭ᭞ᬓᬾᬢᭀᬥᬃᬫ᭄ᬫᬦᬶᬂᬳ᭄ᬬᬂᬭᬯᬶ᭞ᬧᬕᭂᬄ
ᬧᬸᬕᬸᬄ᭞ᬫᬯᬾᬄᬲᬸᬦ᭄ᬤᬭᬶᬦ᭄ᬪᬯᬦ᭟ᬳ᭄ᬬᬂᬰᬰᬶᬄᬫᬲᬶᬄᬢᬦ᭄ᬧ᭄ᬕᬢ᭄᭞ᬫᬜᬸᬦ᭄ᬤᬃᬕᬮᬂᬤᬶᬕᬸᬫᬶ᭞ᬮᬾᬤᬂᬫᬯᬾᬄᬓᬲᬦ᭄ᬤᬸᬳᬦ᭄᭞ᬗᬶᬘᬮᬂᬧ᭄ᬢᭂᬗᬾᬲᬫᬶ᭞
ᬓᬾᬢᭀᬥᬃᬫ᭄ᬫᬦᬶᬂᬳ᭄ᬬᬂᬰᬰᬶᬄ᭞ᬧᬢᬸᬢ᭄ᬧᬸᬚᬶᬗᬯᬾᬦᬳᬸ᭞ᬗᭂᬢᬶᬲᬶᬦ᭄ᬫᬦᬄᬲᬂᬜᬶᬗᬓ᭄᭞ᬗᬸᬲᬦᬂᬲᬂᬦᬸᬚᬸᬩ᭄ᬭᬗ᭄ᬢᬶ᭞ᬲ᭄ᬤᭂᬂᬢᬶᬭᬸ᭞ᬰᬰᬶᬩ᭄ᬭᬢᬫᬳᭀᬢ᭄ᬢᬫ᭟
[᭓᭘ 38A]
ᬳ᭄ᬬᬂᬳᬕ᭄ᬦᬶᬫᬲᬶᬄᬢᬦ᭄ᬓᬮᬄ᭞ᬜᬮᬦᬂᬥᬃᬫ᭄ᬫᬯᬦ᭄ᬕᬶᬗ᭄ᬲᬶᬃ᭞ᬗᬃᬣᬶᬦᬶᬦ᭄ᬫᬦᬸᬱᬧᬤ᭞ᬗᭀᬮᬄᬲᬮ᭄ᬯᬶᬃᬦᬾᬓᬳᬧ᭄ᬢᬶ᭞ᬬᬦᬶᬂᬢᬦ᭄ᬳᬯᬶᬗᬃᬣᬶᬦᬶᬦ᭄᭞ᬲᬓᬜ᭄ᬘ
ᬦ᭄ᬓᬃᬬ᭄ᬬᬢᬦ᭄ᬧᬸᬧᬸᬢ᭄᭞ᬲᬦ᭄ᬤᬂᬧᬗᬦ᭄ᬮᬦ᭄ᬯᬳᬦ᭞ᬲᬶᬦᬄᬢᬦ᭄ᬲᬶᬤ᭄ᬥᬫᬫᬃᬕ᭄ᬕᬶ᭞ᬓᬤᭀᬤᬸᬭᬸᬲ᭄᭞ᬬᬦ᭄ᬳ᭄ᬬᬂᬳᬕ᭄ᬦᬶᬦᬸᬮᬓ᭄ᬥᬃᬫ᭄ᬫ᭟ᬦᬗ᭄ᬳᬶᬂᬬᬦ᭄ᬢᬦ᭄ᬢᬢᬲ᭄ᬦᬯᬂ᭞ᬓ
ᬕᬸᬡᬦ᭄ᬳᬧᬶᬦᬾᬚᬢᬶ᭞ᬩᬶᬲᬗᬯᬾᬭᬸᬲᬓ᭄ᬚᬕᬢ᭄᭞ᬲᬗ᭄ᬓᬦ᭄ᬕᬸᬡᬦ᭄ᬜᬧᬳᬸᬦᬶᬂ᭞ᬯᬶᬭᬾᬄᬬᬦ᭄ᬤᬾᬯᬾᬓᬾᬭᬸᬲᬶᬢ᭄᭞ᬳᬸᬫᬄᬢᬶᬫ᭄ᬧᬮ᭄ᬩᬶᬲᬧᬸᬯᬸᬦ᭄᭞ᬗᬗ᭄ᬳᬶᬂᬬ
ᬦᬶᬂᬳᬗ᭄ᬕᬾᬦ᭄ᬜᬓᬦ᭄᭞ᬩᬶᬲᬗᬍᬩᭂᬗᬂᬦᬲᬶ᭞ᬓᬾᬢᭀᬩᬕᬸᬲ᭄᭞ᬕᬸᬡᬦ᭄ᬳᬧᬶᬦᬾᬧᬂᬢᬯᬂ᭟ᬚᬦᬶᬚᬮᬦ᭄ᬬᬮᬦ᭄ᬢᬸᬭᬂ᭞ᬥᬃᬫ᭄ᬫᬦᬶᬂᬫᬦᬸᬱᬚᬢᬶ᭞ᬳᬶᬩᬧᬧ
Page:Bali-lontar-gaguritan-janmaprawreti-01-350ppi.pdf/38
This page has been proofread.
