[᭓᭔ 34B]
᭓᭔
ᬳᬶᬗ᭄ᬕ᭄ᬬᬦᬼᬩᬸᬃ᭞ᬢ᭄ᬯᬭᬤᬤᭀᬲ᭄ᬧᬯᬶᬮᬗᬶᬦ᭄᭞ᬳᭀᬮᬶᬄᬲᬂᬫᬳᬫᬶᬫᭀᬦ᭟ᬦᬾᬫᬤᬦ᭄ᬪᬯᬓᬯᬶᬢᬶᬦ᭄ᬩᬕᬸᬲ᭄᭞ᬢᬓᬸᬢ᭄ᬓᬢ᭄ᬕᭂᬲᬂ᭞ᬫᬓᬤᬶᬦ᭄ᬜᬢᬓᬸᬢ᭄ᬫ
ᬢᬶ᭞ᬓᬩᬢᭂᬓ᭄ᬫᬼᬤᬾᬳᬶᬤᬸᬧ᭄᭞ᬲᭀᬫᬄᬧᬦᬓ᭄ᬧᬂᬫᬧᬸᬦ᭄ᬤᬸᬄ᭞ᬢᬓᬸᬢ᭄ᬓᬮᬳᬶᬦ᭄ᬓᬲᬸᬓᬦ᭄᭞ᬗᬮᬳᬶᬦ᭄ᬫᬲᬶᬄᬢᬦ᭄ᬧᬸᬭᬸᬦ᭄᭞ᬲᬲᬳᬶᬩᬬᬸᬦᬾᬭᬸᬦ᭄ᬤᬄ᭞
ᬢ᭄ᬯᬭᬦᬯᬂ᭞ᬓᬦ᭄ᬤᬦ᭄ᬚᬕᬢ᭄᭟ᬤᬶᬚᬲᬳᬤᬓᬜ᭄ᬘᬦᬶᬂᬢᬸᬫ᭄ᬩᬸᬄ᭞ᬢ᭄ᬯᬭᬫᬫᬗ᭄ᬕᬸᬳᬂ᭞ᬲᬸᬓᬤᬸᬓᬮᬭᬧᬢᬶ᭞ᬳᬧᬦ᭄ᬫᬸᬮᬢᬢ᭄ᬯᬦ᭄ᬳᬶᬧᬸᬦ᭄᭞ᬫᬬᬳᬦᬶᬢ᭄ᬬᬧᬸᬦᬶ
ᬓᬸ᭞ᬗᬦᬸᬢᬶᬦ᭄ᬓ᭄ᬱᬦᬶᬓᬢᬢ᭄ᬯ᭞ᬓᬾᬯᬦ᭄ᬢᭂᬦ᭄ᬲᬂᬪᬬᬳᬶᬓᬸ᭞ᬳᬧᬦ᭄ᬢᬦ᭄ᬢᬗᭂᬄᬭᬶᬂᬚᬕᬢ᭄᭞ᬲᬗ᭄ᬓᬦ᭄ᬦᬦ᭄ᬤᬂᬓᬲᬓᬶᬢᬦ᭄᭟ᬫᬥᬦᬓᬫᬢᭂᬕᭂᬲ᭄ᬦ᭄ᬬᬩᬕᬸ
[᭓᭕ 35A]
ᬲ᭄᭞ᬍᬕᬦᬾᬧᬸᬧ᭄ᬯᬂ᭞ᬤᬸᬓ᭄ᬧᬢᭂᬫᭀᬦ᭄ᬮᬓᬶᬳᬶᬲ᭄ᬢ᭄ᬭᬶ᭞ᬫ᭄ᬢᬸᬬᬍᬓᭂᬢ᭄ᬓᬧᬸᬮᬸᬢ᭄᭞ᬮᬮᬶᬬᬭᬶᬂᬢᬢ᭄ᬯᬦ᭄ᬳᬶᬤᬸᬧ᭄᭞ᬦᬾᬬᭀᬕ᭄ᬬᬢᬗ᭄ᬲᭂᬄᬳᬸᬢ᭄ᬲᬳ᭞ᬫᬗ᭄ᬤᬾᬦ᭄ᬲᬶᬤ᭄ᬥ
ᬕ᭄ᬮᬶᬲ᭄ᬮᬸᬧᬸᬢ᭄᭞ᬓ᭄ᬮᬾᬲ᭄ᬭᬶᬂᬲᬗ᭄ᬲᬭᬚᬤ᭄ᬫ᭞ᬧᬂᬲᬸᬯᬸᬤ᭄ᬓᬘᬓ᭄ᬭᬪᬯ᭟ᬤ᭄ᬯᬾᬱᬭᬸᬦ᭄ᬢᬶᬓ᭄ᬬᬢ᭄ᬕᭂᬲ᭄ᬦ᭄ᬬᬩᬕᬸᬲ᭄᭞ᬧᬤᬮᬯᬦ᭄ᬓ᭄ᬭᭀᬥ᭞ᬭᬸᬦ᭄ᬢᬶᬓ᭄ᬓᬾᬦ᭄
ᬦᬾᬢᬦ᭄ᬘᬸᬫ᭄ᬧᭀᬦᬶᬦ᭄᭞ᬲᬳᬢ᭄ᬫᬓᬶᬢᬫᬦᬸᬦ᭄ᬤᬸᬂ᭞ᬭᬾᬄᬫᬦᬄᬳᬶᬧᬸᬦ᭄ᬢᬦ᭄ᬳᬤᬸᬂ᭞ᬯᬶᬭᬾᬄᬧᬧᬶᬦᭂᬳᬾᬩᬸᬬᬃ᭞ᬢ᭄ᬯᬭᬗᬾᬢᬂᬳᬶᬯᬂᬧᬢᬸᬢ᭄᭞ᬲᭀᬓ᭄ᬗᬸᬮᬄ
ᬲᬸᬓᬲᬓᬮ᭞ᬩᬗᭂᬢ᭄ᬢᬦ᭄ᬮᬶᬗᬸᬭᬶᬂᬚᬶᬯ᭟ᬗᬸᬍᬂᬳᬶᬤᬸᬧᬾᬫᬗᬸᬮᬄᬢᬸᬯᬸᬦ᭄᭞ᬭᬶᬂᬲᬸᬓᬦ᭄ᬳᬶᬦ᭄ᬤ᭄ᬭᬶᬬ᭞ᬤᬕᬶᬂᬚᬕᬢᬾᬳᬸᬩᭂᬭᬶᬦ᭄᭞ᬲᬂᬚᬶᬯᬫᬦᬤᬶ
Page:Bali-lontar-gaguritan-janmaprawreti-01-350ppi.pdf/35
This page has been proofread.
