[᭒᭙ 29B]
᭒᭙
ᬦᬾᬚᬦᬶᬚᬮᬦ᭄ᬮᬦ᭄ᬢᬸᬭᬂ᭞ᬲᭀᬮᬄᬓᬭᬸᬡᬧ᭄ᬤᬲᬶᬦ᭄᭞ᬯ᭄ᬮᬲᬲᬶᬄᬓᬳᬃᬣ᭄ᬬᬂ᭞ᬳᬲᬶᬄᬢ᭄ᬓᬾᬦ᭄ᬲᬃᬯ᭄ᬯᬧ᭄ᬭᬡᬶ᭞ᬲᬂᬓᬢᬸᬦᬦ᭄ᬫᬶᬦᬓᬤᬶ᭞ᬓᬶᬭᬂᬧ
ᬗᬦ᭄ᬫᬶᬯᬄᬓᬶᬦᬸᬫ᭄᭞ᬬᬤᬶᬦ᭄ᬲᬂᬓᬢᬸᬦᬦ᭄ᬫᬦᬄ᭞ᬓᬢᬸᬮᬸᬂᬬᬓᬓᬦ᭄ᬢᬶᬦᬶᬦ᭄᭞ᬳᬦ᭄ᬢᬸᬓ᭄ᬢᬸᬢᬸᬃ᭞ᬫᬦᬸᬢᬶᬦ᭄ᬰᬲ᭄ᬢ᭄ᬭᬳᬕᬫ᭟ᬲᬂᬜᬮᬦᬂᬳᬲᬶᬄ
ᬲᬬᬂ᭞ᬮᬸᬧᬸᬢ᭄ᬲᬓᬶᬂᬲ᭄ᬤᬶᬄᬓᬶᬗ᭄ᬓᬶᬂ᭞ᬮᭀᬪᬧ᭄ᬭᬶᬄᬜᬫᬢᬶᬗ᭄ᬕᬮ᭄᭞ᬤᬸᬓ᭄ᬫᬦᬸᬮᬸᬂᬲᬓᬶᬂᬳᬭᬶᬲ᭄᭞ᬢ᭄ᬯᬭᬗᬾᬢᬂᬳᬸᬦ᭄ᬢᬸᬂᬭᬸᬕᬶ᭞ᬦᬾᬓᬧ᭄ᬭᬶᬄᬯᬦ᭄ᬢᬄᬳᬬᬸ᭞ᬢ
ᬍᬃᬢᬦ᭄ᬫᬭᬶᬗᬲ᭄ᬢᬯ᭞ᬦᬸᬦᬲ᭄ᬳᬶᬘ᭄ᬙᬭᬶᬂᬳ᭄ᬬᬂᬯᬶᬤ᭄ᬥᬶ᭞ᬓᬜ᭄ᬘᬦ᭄ᬳᬶᬤᬸᬧ᭄᭞ᬫᬗ᭄ᬤᬾᬦ᭄ᬜᬓᬺᬣᬭᬳᬃᬚ᭄ᬚ᭟ᬓᬾᬢᭀᬲᭀᬮᬄᬲᬂᬓᬭᬸᬡ᭞ᬧ᭄ᬢᭂᬂᬍᬫᬄᬬᬗ
[᭓᭐ 30A]
ᬲ᭄ᬢᬶᬢᬶ᭞ᬓᬭᬳᬃᬚ᭄ᬚᬦᬶᬂᬦᬕᬭ᭞ᬓᬮᬶᬄᬯᬤ᭄ᬯᬦ᭄ᬲᬂᬪᬸᬧᬢᬶ᭞ᬭᬶᬂᬤᬾᬯᬪᬸᬢᬢᬦ᭄ᬮᬮᬶ᭞ᬫᬶᬦᬓᬤᬶᬭᬶᬂᬮᬮᬸᬳᬸᬃ᭞ᬫᬗ᭄ᬤᬾᬦ᭄ᬜᬳᬲᬸᬂᬦᬸᬕ᭄ᬭᬳ᭞ᬫᬜᬸ
ᬦ᭄ᬤᬭᬂᬩᬸᬥᬶᬳ᭄ᬦᬶᬂ᭞ᬗᬯᬾᬳᬤᬸᬂ᭞ᬩᬾᬩᬲ᭄ᬲᬓᬶᬂᬧᬧᬓ᭄ᬮᬾᬱ᭟ᬘ᭄ᬦᬶᬂᬩᬕᬸᬲ᭄ᬲᬂᬲᬶᬱ᭄ᬬᬯᬦ᭄᭞ᬫᬸᬥᬶᬢᬚᬦᬶᬳᬃᬣᬶᬦᬶᬦ᭄᭞ᬯᬶᬭᬲᬦ᭄ᬜᬳᬧᬂᬢᬯᬂ᭞ᬳᬕᬄᬕᬯᬾᬲᬸᬓ
ᬦᬶᬂᬳᬸᬭᬶᬧ᭄᭞ᬓᬾᬢᭀᬳᬃᬣᬶᬦ᭄ᬜᬲᬸᬚᬢᬶ᭞ᬲᭀᬮᬄᬧᬢᬸᬢ᭄ᬲ᭄ᬤᭂᬂᬢᬶᬭᬸ᭞ᬓ᭄ᬭᬡᬲᬂᬗᬫᭀᬂᬫᬸᬥᬶᬢ᭞ᬢᬦ᭄ᬓᭀᬗ᭄ᬕᬳᬦ᭄ᬳᬶᬭᬶᬳᬢᬶ᭞ᬢ᭄ᬓᬦᬳᬸ᭞ᬗᬯᬾᬓᬲᬸᬦ᭄ᬤᬶᬚᬕ
ᬢ᭄᭟ᬲᬂᬫᬸᬥᬶᬢᬲᬳᬶᬳᬾᬕᬃ᭞ᬲᬂᬓᬸᬘᬧᬂᬢ᭄ᬓᬫᬦᬶᬲ᭄᭞ᬗᬸᬮᬗᬸᬦᬶᬦ᭄ᬲᬂᬫᬶᬋᬗᬂ᭞ᬗᬯᬾᬍᬕᬲᬂᬜᬶᬗᬓᬶᬦ᭄᭞ᬭᬾᬄᬫᬸᬓᬦᬾᬩᬸᬗᬄᬳᬰ᭄ᬭᬶ᭞ᬲᭀᬮᬄᬜᬫ
Page:Bali-lontar-gaguritan-janmaprawreti-01-350ppi.pdf/30
This page has been proofread.
