[᭒ 2B]
᭒
ᬳᬗ᭄ᬕᭀᬦ᭄ᬧᬕᬸᬭ᭄ᬯᬦ᭄᭟ᬕᬸᬭᬸᬢᬸᬳᬸ᭞ᬳᬗ᭄ᬓᬾᬦ᭄ᬓᬦ᭄ᬢᬶᬳᭂᬦ᭄ᬢᭀᬭᬸᬭᬸᬄ᭞ᬦᬗ᭄ᬳᬶᬂᬓᬾᬧᬂᬢᬢᬲ᭄᭞ᬯᬶᬯᬾᬓᬳᬗ᭄ᬕᬾᬦ᭄ᬜᭂᬍᬳᬶᬦ᭄᭞ᬳᭂᬦ᭄ᬢᭀ
ᬢ᭄ᬦᬸᬂ᭞ᬳᬗ᭄ᬕᬾᬦ᭄ᬜᬶᬓ᭄ᬱᬕᬸᬭᬸᬭᬕ᭟ᬫᬗ᭄ᬤᬾᬦ᭄ᬳᬤᬸᬂ᭞ᬩ᭄ᬘᬶᬓ᭄ᬯᬲ᭄ᬧᬤᬬᬂᬫᬮᬸ᭞ᬲᬸᬩᬓᬾᬲᬂᬕᬸᬭᬸᬭ᭄ᬯ᭞ᬢ᭄ᬓᭂᬓ᭄ᬗᬫᭀᬂᬲᬶᬮᬬᬸᬓ᭄ᬢᬶ᭞ᬳᭂᬦ᭄ᬢᭀᬢᬸᬳᬸ᭞ᬲᬶ
ᬓᬸᬢ᭄ᬩᭂᬘᬶᬓ᭄ᬗᬯᬾᬲᬤ᭄ᬬ᭟ᬘ᭄ᬦᬶᬂᬩᬕᬸᬲ᭄᭞ᬩᬧᬫ᭄ᬮᬶᬤ᭄ᬫᬧᬶᬢᬸᬢᬸᬃ᭞ᬫ᭄ᬮᬳᬂᬫᬶᬋᬗᬂ᭞ᬚ᭄ᬭᭀᬦᬶᬂᬳᬸᬭᬶᬧ᭄ᬳᬧᬂᬳᬸᬦᬶᬂ᭞ᬩ᭄ᬘᬶᬓ᭄ᬫᬮᬸ᭞ᬤᬶᬭᬕᬲᬸᬮᬸᬄᬲᬸ
ᬮᬸᬳᬂ᭟ᬲᬸᬮᬸᬄᬳᬶᬓᬸ᭞ᬲᬸᬗᬭᬦ᭄ᬮ᭄ᬯᬶᬄᬫᬦ᭄ᬭᬸᬲ᭄᭞ᬮᬸᬄᬳᬳᬸᬓᬂᬗᬭᬦ᭄᭞ᬓᬾᬢᭀᬘ᭄ᬦᬶᬂᬳᬧᬂᬳᬾᬮᬶᬂ᭞ᬚ᭄ᬭᭀᬦᬶᬂᬳᬶᬧᬶᬸᬤᬸᬧ᭄᭞ᬭᬳᬬᬸᬳᬲᬶᬄᬳ
[᭓ 3A]
ᬋᬧ᭟ᬳ᭄ᬤᬘᬮᬸᬄ᭞ᬦᬮᬦᬂᬩᬶᬓᬲᬾᬲᬶᬕᬸᬕ᭄᭞ᬩ᭄ᬭᬂᬢᬶᬮᭀᬪᬗ᭄ᬓᬭ᭞ᬳᭂᬦ᭄ᬢᭀᬲᬸᬢ᭄ᬲᬸᬢᬶᬦ᭄ᬤᬶᬳᬢᬶ᭟ᬧᬂᬤᬗ᭄ᬮᬶᬧᬸᬢ᭄᭞ᬗᬯᬾᬲᬭᬦ᭄ᬢᬤᬶ
ᬚᬮᬦ᭄᭟ᬥᬃᬫ᭄ᬫᬳᬶᬓᬸ᭞ᬳᬕᭂᬫ᭄ᬫᬗ᭄ᬤᬾᬦ᭄ᬜᬭᬳᬬᬸ᭞ᬭᬸᬭᬸᬂᬢᬦ᭄ᬧᬘᬾᬤ᭞ᬩᬺᬲᬶᬄᬕᬮᬂᬮᬗ᭄ᬓᬸᬂᬢᬺᬧ᭄ᬢᬶ᭞ᬗᬯᬾᬮᬦ᭄ᬢᬸᬃ᭞ᬦᬸᬮᬸᬄᬓᬚᬕᬢ᭄ᬦᬶᬃ
ᬪᬦ᭟ᬳᭂᬦ᭄ᬢᭀᬢᬸᬳᬸ᭞ᬢᬢᬸᬚᭀᬦ᭄ᬚᬦ᭄ᬫᬦᬾᬳᬶᬤᬸᬧ᭄᭞ᬫᬶᬭᬶᬩ᭄ᬲᬸᬩᬢᬶᬗ᭄ᬮᬲ᭄᭞ᬫᬤᬓ᭄ᬢᬦ᭄ᬩᬶᬗᬸᬂᬤᬶᬳᬢᬶ᭞ᬚᬮᬦ᭄ᬢᬶᬦᬸᬢ᭄᭞ᬲᬓᬶᬂ
ᬘᬸᬮᬸᬄᬗᬮᬄᬳᬾᬮᬄ᭞ᬫᬶᬭᬶᬩ᭄ᬲᬫ᭄ᬧᬸᬦ᭄᭞ᬘ᭄ᬦᬶᬂᬚᬕ᭄ᬭᬳᬸᬮᬶᬩᬗᬸᬦ᭄᭞ᬓᬢᬶᬦ᭄ᬤᬶᬄᬩᬦ᭄ᬕᬮᬂ᭞ᬕᬓᬂᬳᬶᬗᬭᬦ᭄ᬫᬃᬕ᭄ᬕᬶ᭞ᬮᬂᬧᬸᬦᬶᬓᬸ᭞ᬮᬗᬶᬢ᭄ᬩᭂᬃ
Page:Bali-lontar-gaguritan-janmaprawreti-01-350ppi.pdf/3
This page has been proofread.
