[᭒᭔ 24B]
᭒᭔
ᬧᬜ᭄ᬚᬂᬬᬸᬱᬢᭀᬓᬧᬗ᭄ᬕᬶᬄ᭞ᬮᬗ᭄ᬕᭂᬂᬚ᭄ᬭᭀᬦᬶᬂᬬᭀᬕ᭞ᬮᬸᬧᬸᬢ᭄ᬲᬓᬶᬂᬧᬧᬓ᭄ᬮᬾᬱ᭞ᬧᬗᬦ᭄ᬓᬶᬦᬸᬫ᭄ᬯᬶᬪᬸᬄᬲᬫᬶ᭞ᬜᬫᬩ᭄ᬭᬬ᭞ᬲᬫᬶᬳᬲᬶᬄᬢᬸᬮᬸᬲ᭄ᬪᬓ᭄ᬢᬶ᭟ᬤᬾ
ᬯᬯᬶᬤ᭄ᬥᬶᬫᬲᬶᬄᬢᬦ᭄ᬢᭂᬮᬤ᭄ᬧᬲ᭄ᬯᬾᬘ᭄ᬙ᭞ᬩᬕ᭄ᬬᬫᬦ᭄ᬢᬚ᭄ᬭᭀᬦᬶᬂᬳᬸᬭᬶᬧ᭄᭞ᬘ᭄ᬦᬶᬂᬗᬯᬾᬢᬭ᭞ᬩᬕᬸᬲ᭄ᬲᬸᬕᬶᬄᬕᬸᬡᬫᬦ᭄ᬢ᭞ᬗᬫᭀᬂᬚᬕᬢ᭄ᬧᬜ᭄ᬚᬓ᭄ᬪᬓ᭄ᬢᬶ᭞ᬓᬾᬢᭀ
ᬯᭀᬄᬜ᭞ᬲᬂᬚᬶᬢᬾᬦ᭄ᬤ᭄ᬭᬶᬬᬲᬸᬚᬢᬶ᭟ᬦᬄᬧᬫᬸᬧᬸᬢ᭄ᬫᬤᬓ᭄ᬳ᭄ᬬᬂᬢᬶᬢᬄᬧᬲ᭄ᬯᬾᬘ᭄ᬙ᭞ᬘ᭄ᬦᬶᬂᬫᬗ᭄ᬕᬶᬄᬲᬤ᭄ᬬᬲᬶᬤ᭄ᬥᬶ᭞ᬲᬶᬤ᭄ᬥᬫᬫᬸᬦᬳᬂ᭞ᬓᬜ᭄ᬘᬦ᭄ᬳᬶᬦ᭄ᬤ᭄ᬭ᭄ᬬᬦᬾᬕᬮ
ᬓ᭄᭞ᬩᬾᬩᬲ᭄ᬮᬦ᭄ᬤᬸᬄᬲᬸᬓᬢᬺᬧ᭄ᬢᬶ᭞ᬳᭂᬦ᭄ᬢᭀᬕᬭᬧ᭄᭞ᬬᬚ᭄ᬜᬮ᭄ᬯᬶᬄᬫᬳᬢ᭄ᬢᭀᬫᬶ᭟ᬘ᭄ᬦᬶᬂᬩᬕᬸᬲ᭄ᬳᬫᭀᬦ᭄ᬢᭀᬫᬮᬸᬧᬸᬧᬸᬢᬂ᭞ᬤᬾᬫᬤᬦ᭄ᬘᬢᬸᬃᬧ᭄ᬭᬯᬺᬢ᭄ᬢᬶ᭞ᬧᬶᬤ
[᭒᭕ 25A]
ᬩ᭄ᬤᬩ᭄ᬉᬢ᭄ᬢᬫ᭞ᬳᬫᭀᬗᬦ᭄ᬲᬂᬘᬢᬸᬃᬯᬃᬡ᭄ᬦ᭞ᬬᬦ᭄ᬳᭂᬦ᭄ᬢᭀᬕ᭄ᬫᭂᬢ᭄ᬫᬃᬕ᭄ᬕᬶᬦᬶᬦ᭄᭞ᬢᬦ᭄ᬕᬸᬭᬸᬗᬦ᭄᭞ᬲᬋᬂᬲᬫᬶᬫᬗ᭄ᬕᬶᬄᬢᬺᬧ᭄ᬢᬶ᭟ᬳᬗ᭄ᬕᬾᬦ᭄ᬧᬯᭂᬯᭂᬄᬓ᭄ᬤᭂᬄᬩᬧᬫᬜ
ᬢ᭄ᬯᬬᬂ᭞ᬦᬾᬓᬩᬯᭀᬲ᭄ᬪᬢᬸᬃᬯᬃᬡ᭄ᬦᬶ᭞ᬦᬾᬲᬫ᭄ᬧᬸᬦ᭄ᬓᬮᭀᬓ᭄ᬢᬄ᭞ᬭᬯᬸᬄᬜᬲᬓᬶᬂᬦᬕᬭ᭞ᬳᬶᬤᬸᬲ᭄ᬢᬦ᭄ᬓᬲᬸᬩ᭄ᬤᬸᬓ᭄ᬗᬸᬦᬶ᭞ᬧᬫᬸᬕ᭄ᬭᬦ᭄ᬓᬜ᭄ᬘᬦ᭄ᬳᬕᬫᬦᬾᬲᬫᬶ
᭟ᬦᬾᬫᬗ᭄ᬭᬶᬧ᭄ᬢᬲᬂᬘᬢᬸᬃᬯᬃᬡ᭄ᬦᬧᬸᬦᬶᬓ᭞ᬳ᭄ᬬᬂᬫᬦᬸᬓᬲᬸᬩ᭄ᬦᬾᬭᬶᬳᬶᬦ᭄᭞ᬫᬗ᭄ᬤᬾᬦ᭄ᬜᬓᬲᬶᬤ᭄ᬥᬦ᭄᭞ᬚᬕᬢᬾᬫᬗ᭄ᬕᬸᬄᬲᬦ᭄ᬢᭀᬲ᭞ᬥᬃᬫ᭄ᬫᬦᬶᬂᬲᬂᬘᬢᬸᬃᬯᬃᬡ᭄ᬦᬶ
᭞ᬓᬫᬃᬕ᭄ᬕ᭄ᬬᬂ᭞ᬫᬦᬸᬢ᭄ᬲ᭄ᬯᬥᬃᬫ᭄ᬫᬦ᭄ᬜᬲᬫᬶ᭟ᬲ᭄ᬯᬥᬃᬫ᭄ᬫᬦ᭄ᬲᬂᬩ᭄ᬭᬳ᭄ᬫᬡᬚᬦᬶᬢᬢᬲᬂ᭞ᬫᬗᬚᬄᬫᬗᬸᬭᬸᬓ᭄ᬲᬳᬶ᭞ᬲᬓᬜ᭄ᬘᬦ᭄ᬢᬢ᭄ᬯ᭞ᬯᬶᬤ᭄ᬥᬶᬢᬢ᭄ᬯᬳᬢ᭄ᬫᬢᬢ᭄ᬯ᭞
Page:Bali-lontar-gaguritan-janmaprawreti-01-350ppi.pdf/25
This page has been proofread.
