[᭑᭙ 19B]
᭑᭙
ᬳᬭᬖᬘᬧᬶᬗᬶᬢ᭄᭞ᬩ᭄ᬘᬶᬓ᭄ᬧ᭄ᬮᬚᬳᬂᬤᬾᬯ᭞ᬤᬩᭂᬲ᭄ᬩᬗᭂᬢ᭄ᬫᬗᬸᬮᬸᬭᬶᬦ᭄᭞ᬲᬤᬭᬦᬬᬂᬢᭀᬲᬫᬶ᭞ᬫᬗ᭄ᬤᬾᬦ᭄ᬳᬶᬦ᭄ᬤ᭄ᬭ᭄ᬬᬦᬾᬫᬦᬸᬄ᭞ᬫᬦᬄᬳᭂᬦ᭄ᬢᭀᬬᬕᬶᬲ᭄ᬬᬂ᭞
ᬫᬗ᭄ᬤᬾᬦ᭄ᬢᬦ᭄ᬕᬜ᭄ᬚᬄᬢᬸᬃᬕᬜ᭄ᬚᬶᬄ᭞ᬓᬾᬢᭀᬩᬕᬸᬲ᭄᭞ᬩ᭄ᬘᬶᬓ᭄ᬚᬦᬶᬬᬤᬩ᭄ᬤᬩᬂ᭞ᬳᬾᬮᬶᬗᬂᬤᬾᬯᬳᬾᬮᬶᬗᬂ᭞ᬳᬶᬤᬸᬧᬾᬳᬦᬶᬢ᭄ᬬᬚᬢᬶ᭞ᬢᬸᬃᬦ᭄ᬤᬶᬓᬧᬦ᭄ᬧᬘᬂᬲᬾᬤ᭄ᬥ᭞ᬢ᭄ᬯ
ᬭᬳᬤᬫᬗᭀᬭᬳᬶᬦ᭄᭞ᬲᬸᬓᬤᬸᬓᬮᬭᬧᬢᬶ᭞ᬳᭂᬦ᭄ᬢᭀᬢ᭄ᬯᬄᬦᬾᬓᬢ᭄ᬧᬸᬓ᭄᭞ᬦᬄᬳᬓᬾᬢᭀᬚ᭄ᬯᬧᬸᬗ᭄ᬕᭂᬮᬂ᭞ᬩ᭄ᬘᬶᬓ᭄ᬲᬂᬧᬸᬘᬸᬂᬩᬮᬶᬓᬶᬦ᭄᭞ᬫᬗ᭄ᬤᬾᬦ᭄ᬮᬦ᭄ᬢᬸᬭᬂ᭞ᬓᬲᬶ
ᬮᬦᬾᬓᬧᬶᬂᬤᬰ᭟᭜᭟ᬧᬸᬄᬧᬸᬘᬸᬂ᭟ᬘ᭄ᬦᬶᬂᬩᬕᬸᬲ᭄᭞ᬫᬗ᭄ᬤᬾᬦ᭄ᬲᬢ᭄ᬯᬦᬾᬗ᭄ᬮᬦ᭄ᬢᬸᬃ᭞ᬚᬮᬦ᭄ᬓᬾᬢᬗ᭄ᬲᭂᬳᬂ᭞ᬬᬤ᭄ᬬᬦ᭄ᬲᬸᬩᬩᬗᭂᬢ᭄ᬯ᭄ᬗᬶ᭞ᬲᬫ᭄ᬩᬶᬮ᭄ᬫᬸᬭᬸᬓ᭄᭞ᬗᬮᬶᬯᬢᬂ
[᭒᭐ 20A]
ᬫᬢᬓ᭄ᬬᬧ᭄᭟ᬳ᭄ᬤᬢᬓᬸᬢ᭄᭞ᬗᬸᬢᬂᬢᬸᬬᬸᬄᬗᬮᬶᬄᬳᬬᬸ᭞ᬩ᭄ᬯᬢᬂᬕ᭄ᬫᭂᬢᬂ᭞ᬮᬳᬸᬢᬂᬚᬮᬦᬶᬦ᭄ᬘ᭄ᬦᬶᬂᬓᭀᬚᬩᬶᬗᬸᬂ᭞ᬢ᭄ᬓᬾᬦ᭄ᬕᭀᬤᬲᬲᬸᬗ᭄ᬮᬧᬦ᭄᭟ᬕᭀᬤᬳᬶ
ᬓᬸ᭞ᬦᬾᬫᬭᬸᬧᬗᬾᬦ᭄ᬤᬄᬳᬾᬭᬸᬢ᭄᭞ᬮᬯᬢ᭄ᬢᭀᬚᬢᬶᬦ᭄ᬜ᭞ᬫ᭄ᬤᬮ᭄ᬲᬓᬶᬂᬭᬕᬬᬸᬓ᭄ᬢᬶ᭞ᬗᬸᬤ᭄ᬬᬂᬢᬓᬸᬢ᭄᭞ᬫ᭄ᬮᬄᬮᬶᬂᬮᬶᬂᬳᬧᬂᬧ᭄ᬤᬮ᭄᭟ᬳ᭄ᬤᬩᬶᬗᬸᬂ᭞ᬢᬸᬃᬩᬶᬫ᭄ᬩᬂᬚ᭄ᬭᭀᬦᬶᬂᬳᬶᬤᬸᬧ᭄
᭞ᬕᬸᬕᬸᬢᭀᬲᬂᬓᬃᬫ᭄ᬫ᭞ᬦᬾᬫᬯᬓ᭄ᬳ᭄ᬬᬂᬢᬶᬢᬄᬚᬢᬶ᭞ᬬᬾᬦᬶᬂᬧᬢᬸᬢ᭄᭞ᬤᬢᬓᬸᬢ᭄ᬫᬢᬶᬤᬶᬚᬮᬦ᭄᭟ᬲᬂᬳ᭄ᬬᬂᬢᬸᬤᬸᬄ᭞ᬳᬸᬦᬶᬂᬯ᭄ᬬᬓ᭄ᬢᬶᬳᬶᬤᬦᬸᬤᬸᬄ᭞ᬦᬾᬧᬢᬸᬢ᭄ᬮᬦ᭄ᬳᬶ
ᬯᬂ᭞ᬲᬗ᭄ᬓᬦ᭄ᬳᬤᬶᬮ᭄ᬓᬯᬲ᭄ᬢᬦᬶᬦ᭄᭞ᬕ᭄ᬮᬶᬲ᭄ᬩᬕᬸᬲ᭄᭞ᬥᬃᬫ᭄ᬫᬧ᭄ᬭᬯᬺᬢ᭄ᬢᬶᬦᬾᬕᬭᬧ᭄᭟ᬳᬶᬤᬲᬂᬯᬶᬓᬸ᭞ᬩ᭄ᬘᬶᬓ᭄ᬢᬸᬮᬤ᭄ᬳᬗ᭄ᬕᬾᬦ᭄ᬲᬶᬓᬸᬢ᭄᭞ᬢᬦ᭄ᬲᬄᬫᬫ᭄ᬭᬶᬳᬂ᭞ᬦᬶᬃᬫ᭄ᬫᬮᬚ᭄ᬭᭀ
Page:Bali-lontar-gaguritan-janmaprawreti-01-350ppi.pdf/20
This page has been proofread.
