[᭗᭑ 71B]
᭞᭗᭐᭞
ᬲᭂᬫᬶᬦᬶᬂᬳᬶᬲ᭄ᬢ᭄ᬭᬶᬳᬬᬸ᭞ᬮᭀᬩᬵᬳᬶᬂᬯᭂᬯᬤᭀᬦ᭄ᬲᬶᬭᬵ᭞ᬲᭂᬫᬶᬦᬶᬂᬳᬶᬲ᭄ᬢ᭄ᬭᬶᬳᬬᬸ᭞ᬤᬤᬸᬲᭂᬫᬶᬦᬶᬂᬓᭂᬲᬢ᭄ᬭᬶᬬᬵ᭟᭓᭓᭖᭞ᬬᬾᬦ᭄ᬢᬦ᭄ᬬᬸᬓ᭄ᬢᬶᬦᬾᬅᬃᬚᬸᬡ᭄ᬦᬵᬳᬶᬓᬸ᭞ᬤᬸᬤᬸ
ᬮᬶᬜᭀᬓ᭄ᬫᬗ᭄ᬓᬾ᭞ᬧᭀᬮᬳᬾᬚᬭ᭄ᬯᬳᬶᬂᬳᬶᬲ᭄ᬢ᭄ᬭᬶ᭞ᬧᬸᬦ᭄ᬤᬶᬬᬸᬓ᭄ᬢᬶᬦᬾᬭᬶᬓᬸ᭞ᬗᬸᬘᬧ᭄ᬲᬶᬭᬵᬳᬶᬓᬵ᭞ᬢᬸᬃᬳᬗ᭄ᬮᬸᬓᬦᬦᬵᬫᬗ᭄ᬓᬾ᭞ᬲᬶᬅᬃᬚᬸᬡ᭄ᬦᬵᬭᬾᬦ᭄ᬢᬂᬳᬫᬸᬯᬸᬲ᭄᭞ᬧᬦ᭄ᬤᬳᬢ᭄ᬳᭀᬧᭂᬓᬶᬂ
ᬳᬻᬤᬬᬵ᭞ᬳᬗ᭄ᬭᬸᬗᬸᬳᬸᬚᬃᬭᬶᬂᬲᬂᬯᬺᬓᭀᬤᬭᬵ᭟᭓᭓᭗᭞ᬲᬂᬯᬺᬓᭀᬤᬭᬵᬲᬩ᭄ᬥᬵᬓᭂᬤᬸᬭᬸᬲ᭄᭞ᬢᬦ᭄ᬩᬶᬲᬵᬳᬗᬺᬢ᭄ᬳᬸᬚᬃ᭞ᬬᬾᬓᬸᬅᬃᬚᬸᬡ᭄ᬦᬵᬧᬸᬦᬶᬓᬶ᭞
ᬮᬕ᭄ᬬᬵᬳᬦᬸᬢᬵᬳᬩᬕᬸᬲ᭄᭞ᬳᬦᬵᬳᬗ᭄ᬮᬶᬫ᭄ᬧᬤᬶᬩᬕᬸᬲ᭄᭞ᬳᬧᭂᬓᬶᬓ᭄ᬢᬸᬃᬓᬯᬶᬯᬾᬓᬵ᭞ᬍᬜᬧ᭄ᬍᬜᬧᬵᬮᬸᬭᬸᬲ᭄᭞ᬲᬧᭀᬮᬳᬾ
[᭗᭒ 72A]
ᬦᭀᬃᬳᬶᬗ᭄ᬯᬂ᭞ᬓᭂᬲᬢ᭄ᬭᬶᬬᬵᬓᬸᬓᬸᬳᬶᬂᬳᬸᬚᬃ᭟᭓᭓᭘᭞ᬰ᭄ᬭᬶᬬᬸᬤᬶᬲ᭄ᬢᬶᬭᬵᬦᬬᬸᬢ᭄ᬢᬦ᭄ᬧᬦ᭄ᬢᬸᬦ᭄᭞ᬫ᭄ᬯᬂᬪᬝᬭᬵᬓᬺᬱ᭄ᬡᬵ᭞ᬢᬦ᭄ᬧᭀᬮᬶᬄᬳᬫᬶᬢᬸᬢᬸᬃᬭᬶ᭞ᬦᭂᬓᬸᬮᬵᬲᭂᬤᬾ
ᬯ᭄ᬯᬵ᭞ᬦᭀᬭᬵᬳᭀᬮᬶᬄᬳᬢᬸᬃ᭞ᬧᬶᬢᬸᬢᬸᬃᬢᬦ᭄ᬓᬳᬶᬤᭂᬗᭂᬂ᭞ᬳᬸᬚᬃᬭᬾᬰ᭄ᬭᬶᬓᬸᬡ᭄ᬝᬶᬧᬦ᭄ᬦᭀᬭᬵᬳᬦ᭄ᬢᬸᬓ᭄᭞ᬳᬫᬶᬢᬸᬢᬸᬃᬭᬭᬶᬂᬧᬸᬢᬻ᭞ᬲᬂᬧᬃᬢ᭄ᬝᬵᬩᬸᬩᬸᬳᬦᬶᬂᬢ᭄ᬯᬲ᭄᭟
᭓᭓᭙᭞ᬳᬫᬶᬗ᭄ᬓᬲ᭄ᬯᬢ᭄ᬭᬵᬳᬗᬶᬗ᭄ᬓᬶᬲ᭄ᬤᬸᬯᬸᬂ᭞ᬳᬦᬩᬸᬄᬧᭂᬗᬭᬄ᭞ᬕᭂᬦ᭄ᬢᭂᬃᬓᬸᬫᬸᬭᬸᬢᬸᬕ᭄ᬳᬸᬫᬶᬮᬶᬃ᭞ᬓᬸᬫᭂᬢᬸᬕ᭄ᬓᬓᬵᬭᬸᬢᬸᬕ᭄᭞ᬕᭂᬦ᭄ᬤᭀᬂᬗᬦ᭄ᬫᬸᬦᬶᬓᬸ
ᬫᬸᬲᬸᬄ᭞ᬩᭂᬦ᭄ᬤᬾᬫᬸᬦᬶᬧᬢᬶᬂᬕᭂᬫ᭄ᬩ᭄ᬭᬾᬂ᭞ᬳᬯᬸᬭᬳᬦ᭄ᬩᬮᬵᬭᬯᬸᬄ᭞ᬯᬸᬲ᭄ᬧᭂᬧᭂᬓ᭄ᬧᬸᬦᬂᬧᬸᬗ᭄ᬕᬯ᭄ᬯᬵ᭞ᬲᬂᬅᬃᬚᬸᬡ᭄ᬦᬵᬳᬤᬦ᭄ᬧᬸᬫᬗ᭄ᬓᬢ᭄᭟᭓᭔᭐᭞
Page:Bali-lontar-gaguritan-jagat-karana-300ppi.pdf/72
This page has been proofread.
