[᭙᭑ 91B]
ᬦ᭄ᬦᬸᬭᬶᬤ᭄ᬥᬵᬜ᭄ᬚᬕ᭄ᬚᬕᬶᬦ᭄ᬧ᭄ᬭᬬᬩᬓᬮ᭄ᬫᬸᬗ᭄ᬕᬮ᭄ᬲᬸᬩᬗ᭄ᬮᬸᬲ᭄ᬓᬮᬾᬯᬂᬓᬕ᭄ᬬᬢ᭄ᬕᬸᬲ᭄ᬢᬶᬩᬕᬸᬲ᭄ᬧ᭄ᬭᬲᬶᬩᬗᬸᬦ᭄ᬫᬳᬾᬩ᭄ᬭᬲ᭄ᬫᬩᬶᬦ᭄ᬤᭂᬃᬲᬫ᭄ᬩᬶᬮ᭄ᬦᬸᬤᬶᬂ᭟ᬕ᭄ᬮᬶᬲ᭄ᬦᬸᬫ᭄ᬩᬓ᭄ᬫᬗ᭄ᬓᬶᬦ᭄ᬓᬲᭀᬃᬤᬦᬸᬭᬶᬤ᭄ᬥᬵᬩ
ᬢᬦ᭄ᬧᬸᬗ᭄ᬲᭂᬤᬾᬓ᭄ᬦᬶᬫᬫ᭄ᬩᬾᬢᬾᬮ᭄ᬓᬲᬫ᭄ᬧ᭄ᬬᬄᬓᬧ᭄ᬬᬸᬳᬦ᭄ᬤᬾᬦᬸᬭᬶᬤ᭄ᬥᬵᬢᬸᬫ᭄ᬩᬓᬾᬓᬭᬶᬗᬢᬸᬢᬶᬦ᭄ᬫᬓᬾᬦ᭄ᬤᬂᬓᬾᬦ᭄ᬤᬂᬩᬸᬤᬶᬗᬩᬸᬢ᭄ᬢᭀᬂᬤᬤᬶ᭟ᬕᬸᬲ᭄ᬢᬶᬩᬕᬸᬲ᭄ᬦᬭᬚᬂᬲᬳᬲᬜᭂ
ᬫ᭄ᬧᬮ᭄ᬢᭂᬡ᭄ᬥᬲ᭄ᬜᬦᬾᬫᬼᬂᬓ᭄ᬢᬶᬓ᭄ᬭᬭᬶᬲ᭄ᬗᬩᬸᬢ᭄ᬢᬸᬫ᭄ᬩᬓ᭄ᬤᬾᬦ᭄ᬲᭂᬮᬾᬲ᭄ᬫᬕᬭᬶᬫ᭄ᬓ᭄ᬭᭀᬥᬗᭂᬦᭀᬢ᭄ᬤᬾᬦᬸᬭᬤ᭄ᬥᬵᬫᬢᬶᬮᬶᬦ᭄ᬢᬂᬓᬩᬭᬦ᭄ᬓᬧᬸᬗ᭄ᬕᬮ᭄ᬢᭀᬦ᭄ᬤᬾᬦ᭄ᬫᬢᬶ᭟ᬲᬬᬂᬓᬸᬢᬂ
ᬕᭀᬩᬦᬾᬩᬕᬸᬲ᭄ᬫᬩ᭄ᬗᬤ᭄ᬧᬫᭂᬂᬧᭂᬂᬩᬚᬂᬘ᭄ᬦᬶᬓ᭄ᬧᬦ᭄ᬢᭂᬲᬶᬂᬩᬶᬲᬂᬫᬸᬜᬶᬫᬦᬶᬲ᭄ᬰ᭄ᬭᬗ᭄ᬕᬭᬵᬲᬶᬂᬫᬗᭂᬤᭀᬢ᭄ᬧᬥᬧᬮᬶᬂᬩᬸᬤᬸᬄᬓᬲ᭄ᬫᬭᬦ᭄ᬚᬦᬶᬫᬯᬲ᭄ᬢᬸᬫᬢᬶ᭟ᬳᭂᬦ᭄ᬢᭀᬓ᭄ᬭᬡᬤᬾ
[᭙᭒ 92A]
ᬦ᭄ᬲ᭄ᬮᬾᬲ᭄ᬫᬭᬭᬶᬫ᭄ᬤᬸᬳ᭄ᬓᬶᬢᬭᬾᬄᬫᬶᬲᬦ᭄ᬳᬸᬮᬶᬂᬫ᭄ᬯᬦᬶᬳᬗ᭄ᬕᭀᬦ᭄ᬧᬚ᭄ᬦᭂᬗᬦ᭄ᬫᬢᬶᬓᬭᬭᬭᬭᬵᬮᬶᬯᬢ᭄ᬓᬗᭂᬦ᭄ᬤᬤᬶᬗ᭄ᬮᬶᬂᬫᬩᬸᬤ᭄ᬥᬶᬩᬾᬮᬵᬦᬮᬩ᭄ᬬᬂᬜ᭄ᬚᭂᬫᬓ᭄ᬩᭂᬥᬶᬮ᭄᭟ᬫᬶᬯᬄᬚᬺᬦ
ᬢ᭄ᬓᬩᬶᬦᬯᬓᬳᬸᬚᬦᬂᬫᬶᬫᬶᬲᬾᬧᭂᬲᬸᬫᬶᬫᬶᬲ᭄ᬫᬓ᭄ᬩᭂᬃᬕᬕᬡᬵᬳᬧᬶᬦᬾᬗᬭᬩᬭᬩ᭄ᬤᬦᬾᬕᬸᬲ᭄ᬢᬶᬩᬕᬸᬲ᭄ᬧ᭄ᬭᬧᬶᬮᬶᬦ᭄ᬢᬂᬧ᭄ᬭᬬᬢ᭄ᬦᬵᬭᬾᬄᬦᬶᬫ᭄ᬧᬮᬶᬦ᭄ᬯᬂᬚᬯᬶ᭟ᬫᬯᬶᬰᬾ
ᬱᬓᬾᬩᬶᬓᬦ᭄ᬧᬓᬓᬲ᭄ᬤᬶᬢᬸᬗ᭄ᬭᬱᬓᬮᬶᬮᬶᬄᬤᬦᬾᬗ᭄ᬮᬮᬸᬲᬾᬤ᭄ᬥᬵᬢ᭄ᬯᬭᬵᬦᬗ᭄ᬮᬮᬸᬲᬶᬤ᭄ᬥᬵᬬᬜᬍᬩ᭄ᬲᭂᬩ᭄ᬫᬗᬸᬦᬸᬲ᭄ᬓᭂᬭᬶᬲ᭄ᬕ᭄ᬮᬶᬲ᭄ᬦ᭄ᬤᭂᬲᭂᬓᬂᬫᬦᭂᬩᭂᬓ᭄ᬳᬸᬮᬶᬲᬫ᭄ᬧᬶᬂ᭟ᬮᬶᬦ᭄ᬢᬂ
ᬓᭀᬯᬢ᭄ᬓ᭄ᬱᬫᬫᬓᬸᬮᬸᬢ᭄ᬢᬫ᭄ᬩᬕᬯ᭄ᬯᬢ᭄ᬓᬯᬢ᭄ᬩᬮᬸᬂᬩ᭄ᬲᬶᬧᬦ᭄ᬲ᭄ᬭᬶᬂᬫᬳᬸᬕ᭄ᬭᬱᬵᬤᬾᬦ᭄ᬲᭂᬮᬾᬲ᭄ᬫᬕᬭᬶᬫ᭄ᬓ᭄ᬭᭀᬥᬫᬧᬶᬢᭂᬄᬮᬦ᭄ᬢᬲ᭄ᬫᬦᬸᬤᬶᬂᬲᬳᬲᬫ᭄ᬩᬢ᭄ᬩᬢ᭄ᬘᭀᬭᬄᬳᬶᬩᬯ᭄ᬯᬂᬩᬮᬶ᭟
Page:Bali-lontar-gaguritan-hajap-300ppi.pdf/92
This page has been proofread.
