[ ᭒᭒ 22B]
ᬦ᭄ᬧᬢᬧᬦ᭄ᬫᬗᭂᬦᬄ᭞ᬭᬶᬂᬢᭂᬧᬶᬦ᭄ᬤᬦᬸᬦᬾᬗᬶᬗ᭄ᬕᬶᬮ᭄᭞ᬓᬶᬦᬸᬘᬧᬶᬂᬩᬸᬓᬶᬢ᭄ᬳᬲᬄ᭞ᬧᬰ᭄ᬭᬫᬦᬾᬲᬸᬳᬸᬂᬲ᭄ᬧᬶ᭞ᬧᬮᬶᬗ᭄ᬕᬶᬄᬲᬂᬤᬶᬓᬶᬮᬶ᭞ᬢᬫ᭄ᬧᭂᬓᬶᬂᬯᬾᬲᬸᬘᬶᬳᬭᬹᬫ᭄᭞ᬕᭂᬦᬄᬧᬢᬶᬃᬣᬬᬢ᭄ᬭ
ᬦ᭄᭞ᬯᬢᭂᬓ᭄ᬧᬡ᭄ᬥᬶᬢ᭄ᬣᬦᬾᬲᬫᬶ᭞ᬓᬵᬮᬦᬸᬚᬸᬭᬳᬷᬦᬵᬦ᭄ᬢᬶᬍᬫ᭄ᬧᬹᬃᬡ᭄ᬦᬫ᭟ᬳᬦᬸᬢ᭄ᬓ᭄ᬭᬰ᭄ᬫ᭄ᬬᬦᬶᬂᬗᬘᬵᬮ᭞ᬳᬶᬫᬦᬸᬓ᭄ᬕ᭄ᬭᬕᬢ᭄ᬳᬗᬸᬘᬶ᭞ᬳᬶᬓᬸᬮᬂᬓᬮᬶᬂᬳᬕ᭄ᬮᬃ᭞ᬳᬶᬢᬬᬳᬲᬶᬄᬫ
ᬢᬂ᭞ᬫᬲᭂᬧᬸᬓ᭄ᬕᬡ᭄ᬥᬫ᭄ᬭᬶᬓ᭄ᬫᬶᬗᬶᬂ᭞ᬲᬂᬓᬾᬢᬓᬶᬦ᭄ᬤᭂᬓᭂᬫ᭄ᬩᬂ᭞ᬲᬯᬂᬓᬤᬶᬫᬶᬢᬸᬚᬸᬯᬶᬦ᭄᭞ᬳᬦᬕᬸᬦᬸᬂᬓᬳᬓ᭄ᬱᬶ᭞ᬭᬶᬓᬶᬤᬸᬮ᭄ᬧᬕᭂᬃᬓᬯᬸᬯᬸᬲ᭄ᬫ᭄ᬚᭀᬄᬲᬯᬢ᭄ᬫᬘᬶᬗᬓᬦ᭄᭞ᬭᬶᬭᬶᬕᬦ᭄ᬩᬸᬓᬶᬢ᭄ᬧ
[ ᭒᭓ 23A]
ᬥᬮᬶᬢ᭄᭞ᬫᬸᬮᬓᬦ᭄ᬢᬸᬦ᭄ᬯᬯᭂᬗ᭄ᬓᭀᬦ᭄ᬤᬾᬰᬲᬶᬩᭂᬢᬦ᭄᭟ᬓᭀᬘᬧ᭄ᬯᬾᬦ᭄ᬢᭂᬦ᭄ᬲᬂᬧᬢᬧᬦ᭄᭞ᬳᬶᬤᬲᬂᬧᬡ᭄ᬥᬶᬢᬍᬯᬶᬄ᭞ᬩᬳᬸᬫᬭᬬᬸᬱᬦ᭄ᬳᬶᬤ᭞ᬚᬚᬓᬳᬓ᭄ᬯᬫᬧᭂᬓᬶᬓ᭄᭞ᬯᬃᬡ᭄ᬦ
ᬭᬭᬯᬾᬗ᭄ᬭᬯᬶᬢ᭄᭞ᬫᬶᬯᬄᬕᬭᬦᬾᬫᬤᬸᬮᬸᬃ᭞ᬯᬂᬲᬸᬢᬵᬧᬜ᭄ᬘᬳᬾᬓᬵ᭞ᬳᬮᬶᬢ᭄ᬤᬸᬮᬸᬃᬮᬦᬂᬳᬶᬲ᭄ᬢ᭄ᬭᬶ᭞ᬫᬗᬭᬶᬬᬸᬓ᭄᭞ᬧᬫᬃᬕ᭄ᬕᬶᬦᬾᬫᬲᬸᬲᬸᬧᬦ᭄᭟ᬫᬗᬶᬤᬸᬮ᭄ᬲᬓᬶᬂᬚᬸᬗᬸᬢᬦ᭄᭞ᬳᬗᬸᬗ᭄ᬰᬶᬩᬸ
ᬓᬶᬢ᭄ᬧᬦᭂᬧᬶ᭞ᬭᬶᬂᬓᬶᬤᬸᬮ᭄ᬧᬕᭂᬃᬓᬶᬦᬸᬘᬧ᭄᭞ᬳᬶᬭᬶᬓᬳᬶᬤᬗᬰ᭄ᬭᬫᬶ᭞ᬧᬢᬧᬦ᭄ᬰᬹᬦ᭄ᬬᬚᬢᬶ᭞ᬢᬦᬹᬢ᭄ᬭᬶᬂᬳᬕ᭄ᬭᬦᬶᬂᬕᬸᬦᬸᬂ᭞ᬳᬦᬩᬮᬾᬲᬦᬸᬗ᭄ᬕᬮ᭄᭞ᬓᬧᬲᬾᬗᬶᬦ᭄ᬩᬳᬾᬘᭂᬦᬶᬓ᭄᭞ᬕᭂᬦᬄ
ᬮᬸᬗ᭄ᬕᬸᬄ᭞ᬓᬵᬮᬳᬶᬤᬵᬗᬶᬤᭂᬂᬬ᭄ᬬᬦ᭟ᬲᬶᬦᬦ᭄ᬤᬶᬂᬯᬾᬫᬧᬜ᭄ᬘᭀᬭᬦ᭄᭞ᬧᬩᬺᬲᬶᬳᬦ᭄ᬰᬸᬘᬶᬳ᭄ᬦᬶᬂ᭞ᬭᬶᬦᬸᬩᬸᬗᬦ᭄ᬤᬾᬦᬶᬂᬲᬶᬦ᭄ᬯᬫ᭄᭞ᬓᬳᬶᬍᬳᬶᬦ᭄ᬲᬃᬯ᭄ᬯᬲᬭᬷ᭞ᬬᬮᬯᬶᬚᬫᬜᬦ᭄ᬤᬶᬂ᭞ᬓᬮᬯ
Page:Bali-lontar-gaguritan-gunung-agung-meletus-03-350ppi.pdf/23
This page has been proofread.
